साहित्यः
२२५ ग्रा. ताजे पनीर, किसलेले
१ कंडेन्स्ड मिल्क टिन ( मी ३/४ वापरला, आपल्या चवीप्रमाणे प्रमाण कमी-जास्तं करावे)
२ टेस्पून रोज सिरप (रंग आणि चवीसाठी)
१/२ टीस्पून पिस्तापूड
१/२ टीस्पून वेलचीपूड
पिस्त्याचे काप सजावटीसाठी
पाकृ:
नॉन-स्टीक पॅनमध्ये पनीर व कंडेन्स्ड मिल्क एकत्र करावे.
मिश्रण मध्यम आचेवर सतत ढवळत रहावे.
१५-२० मिनिटांनी मिश्रण थोडे दाट होईल, तेव्हा त्यात रोझ सिरप मिक्स करावे.
सतत ढवळत रहा.
मिश्रणाला घट्टपणा येईल आणि मिश्रण कडेने सुटू लागेल, छान रवाळ दिसू लागेल तेव्हा गॅस बंद करावा.
मिश्रण अति कोरडे करु नये, पनीर चिवट होईल नाहीतर, त्यात थोडा ओलसरपणा हवा.
त्यात पिस्तापूड व वेलचीपूड घालून मिक्स करणे.
तुपाने ग्रीझ केलेल्या थाळीत मिश्रण ओतावे व चमच्याने छान पसरवून घ्यावे.
त्यावर पिस्त्याचे काप लावून हलके दाबावे.
थोडे गार झाल्यावर सुरी फिरवून चौकोनी आकारात कापावे पण कलाकंद लगेच उचलू नका, सेट होऊ द्या.
पूर्ण गार होऊ द्या.
हा रोझ कलाकंद खाण्यासाठी तयार आहे.
फ्रिजमध्ये ठेवल्यास ३-४ दिवस चांगला राहतो.
आवडत असल्यास ह्याला मोदकांचा आकार ही देता येईल.
पाककृतीत कंडेन्स्ड मिल्कचा गोडवा पुरेसा आहे.
गणपती बाप्पा मोरया !!
__/\__
प्रतिक्रिया
24 Sep 2015 - 3:28 am | रेवती
शेवटचा फोटू फार आवडला. कलाकंदाला रंग छान आलाय.
24 Sep 2015 - 4:30 am | स्रुजा
कहर फोटो आहे. कलाकंद... स्लर्प....
24 Sep 2015 - 8:21 am | इशा१२३
आहाहा काय सुरेख रंग आलाय.मस्तच...
24 Sep 2015 - 8:26 am | अजया
देव सानिकेच्या पाकृ खरंच खात असावा! काय देखणी पाकृ आणि सोपी पण.
24 Sep 2015 - 10:57 am | पद्मावति
.....अगदी, अगदी.
काय सुरेख रंग आलाय. मस्तं सुटसुटीत पाककृती.
24 Sep 2015 - 9:09 am | कविता१९७८
जबरी, अॅंड दि अवाॅर्ड गोज टु ........... सानिका !!!!!!
24 Sep 2015 - 10:22 am | मितान
आईग्गं !!! एवढा सुंदर! !!
खूप्प आवडला :)
24 Sep 2015 - 10:45 am | संजय पाटिल
नेहमी प्रमाणे मस्तच!!
24 Sep 2015 - 10:53 am | मीता
मस्तच
24 Sep 2015 - 10:56 am | मांत्रिक
झक्कासच!
24 Sep 2015 - 10:57 am | सुहास झेले
खल्लास !!
24 Sep 2015 - 11:19 am | सूड
वारलो!!
24 Sep 2015 - 11:33 am | सुधांशुनूलकर
तोंडाला पाणी सुटलंय, प्रतिसाद टंकणं कठीण जातंय..
24 Sep 2015 - 11:27 am | किसन शिंदे
जबरदस्त!!
24 Sep 2015 - 11:32 am | पदम
खूप आवडली पाककृती.
24 Sep 2015 - 11:36 am | अभिजितमोहोळकर
चवदार असणार ह्यात शंकाच नाही.
24 Sep 2015 - 12:15 pm | स्वाती दिनेश
सुरेख दिसतो आहे कलाकंद!
स्वाती
24 Sep 2015 - 2:43 pm | Mrunalini
जबराटच... भारी. सुंदर दिसतोय कलाकंद. __/\__
24 Sep 2015 - 3:13 pm | अंतरा आनंद
मला नाव वाचतानाच माहित असतं की हा पदार्थ कधी करणार नाही. पंण तुमचं सादरीकरण आणि खास करुन फोटो आवडतात म्ह्णून धागा उघड॑ते आणि कधीच निराशा होत नाही. नेहमी प्रमाणेच सुंदर .
24 Sep 2015 - 3:26 pm | निवेदिता-ताई
मस्तच
24 Sep 2015 - 5:25 pm | मधुरा देशपांडे
नेहमीचेच समजुन घे.
24 Sep 2015 - 8:03 pm | अत्रुप्त आत्मा
सानिकाताय दुत्त दुत्त !
24 Sep 2015 - 10:00 pm | आदूबाळ
कलाकंद पनीरचा असतो? अरारारारारा...
24 Sep 2015 - 11:33 pm | सानिकास्वप्निल
होय कलाकंद पनीरचाच असतो :)
24 Sep 2015 - 10:15 pm | एस
कलाकंदात साखर नाही? रोझ सिरप गोड असतो का?
24 Sep 2015 - 11:16 pm | बहुगुणी
स्वॅप्सः
पाककृतीत कंडेन्स्ड मिल्कचा गोडवा पुरेसा आहे.24 Sep 2015 - 11:36 pm | सानिकास्वप्निल
साखरेऐवजी कंडेन्स्ड मिल्क वापरले आहे, ते ही गोडचं असतं :)
(भारतात मिठाई-मेट किंवा मिल्कमेड मिळतं ते वापरु शकता)
रोझ सिरप ही गोड असतं पण वरील पाककृतीत कंडेन्स्ड मिल्कचा वापर गोडव्यासाठी केलेला आहे.
25 Sep 2015 - 12:05 am | एस
अच्छा. ते कंडेन्स्ड मिल्क काय असतं हे माहीत नव्हतं. धन्यवाद.
24 Sep 2015 - 10:23 pm | विद्यार्थी
.
25 Sep 2015 - 11:35 pm | अभ्या..
जगात भारी.
26 Sep 2015 - 8:57 am | नूतन सावंत
मी अजयशी सहमत आहे.सुर्रेख्च.
26 Sep 2015 - 2:12 pm | द-बाहुबली
निव्वळ म्हणजे निव्वळ चवदार प्रकरण.
26 Sep 2015 - 3:09 pm | तुषार काळभोर
लवकर शोधायला पाहिजे..
26 Sep 2015 - 8:24 pm | मृत्युन्जय
काय त्रास आहे या बाईंचा. फोटू बघुन खूप त्रास होतो हो. एकदा म्मिपा कट्टा करुन सगळ्यांनी असे पदार्थ खायला घाला मग द्या काय पाकृ द्यायच्या त्या
1 Oct 2015 - 5:24 am | मदनबाण
आहाहा... :)
मदनबाण.....
आजची स्वाक्षरी :- बॉय फ्रेंड... गर्ल फ्रेंड... Na Na Na Na... :- J Star
1 Oct 2015 - 8:16 am | ब़जरबट्टू
जबरदस्त रंग उतरलाय..
सध्या तरी फक्त रंगाबद्दलच बोलू शकतो.. आय्य्याया.. :*(
7 Oct 2015 - 2:48 pm | दिपक.कुवेत
पण कलर खत्रा आलाय.
7 Oct 2015 - 3:35 pm | अस्मी
क्लास!!
3 Sep 2019 - 9:21 pm | सुबक ठेंगणी
भारी आहे रेसिपी. पण 2टे. स्पून रोझ सिरप खूप जास्त आहे का? मी मँप्रोचं घेतलंय.
3 Sep 2019 - 11:40 pm | जालिम लोशन
नाही, रंग कसा हवा त्यावर अवलंबुन आहे, फ्लेवर साठी नाही. खरपुस कॅरमल चव कलाकंदची खासियत आहे.