राजकारणातील घडामोडींकडे लक्ष ठेवणार्यांसाठी एक हलकाफुलका विरंगुळा !
----------------------------------------------------------
त्याला जरा रागवा ना बाई
तो काही माझे ऐकत नाही…
घर बदलले दार बदलले
मी सारे आधार बदलले
तो काही माझे पाहत नाही
त्याला जरा रागवा ना बाई … १
आषाढ गेले श्रावण आले
महिने काय सालही गेले
तो काही पाऊस पाडत नाही
त्याला जरा रागवा ना बाई … २
दबाव टाकले गार्हाणे नेले
विमानही ते ओळखीचं झाले
तो म्हणे की डाळ शिजत नाही
त्याला जरा रागवा ना बाई … ३
लोक जमवले पार जागवले
पत्रकार तर नेहमीचे झाले
तो म्हणे की बार उडत नाही
त्याला जरा रागवा ना बाई … ४
----------------------------------------------------------
प्रतिक्रिया
7 Aug 2008 - 12:06 pm | ३_१४ विक्षिप्त अदिती
मस्त विषय! आणि विडंबनही!!
7 Aug 2008 - 2:53 pm | सुरेखा
वा....!
छान कविता आहे. अजुन काहि नव पाहिजे
7 Aug 2008 - 5:12 pm | बिपिन कार्यकर्ते
मस्तच आहे कविता... चालू द्या.
बिपिन.
7 Aug 2008 - 7:41 pm | शितल
वेगळ्या विषयावरची कविता आवडली. :)
7 Aug 2008 - 8:27 pm | प्राजु
संदीप,
सॉलिड हाणला आहेस...
- (सर्वव्यापी)प्राजु
http://praaju.blogspot.com/
7 Aug 2008 - 8:41 pm | चतुरंग
चौकार, षटकार आतषबाजी! :)
चतुरंग