मिसळपाव
टून
विडंबन
विडंबन — मराठी विडंबन काव्य व लेखनाचा संग्रह. प्रसिद्ध कविता व गीतांवरील खुमासदार विडंबने येथे वाचा व हसा.
तळतेस भजी तू जेव्हां -
(चाल: नसतेस घरी तू जेव्हां -)
तळतेस भजी तू जेव्हां -
जीव 'सुटका सुटका' म्हणतो..
मिरच्यांचे वरती तुकडे
तोंडात घास का फिरतो ?
(महावीर पांडू)
पोथी न पंचांग हाती मिरवत
पांडू फिरतो डोलत डोलत
दे आव्हाने येता-जाता -
"काय कुणाची आहे हिंमत?"
शुक्रावरुनी चंद्रावरती
चंद्रावरुनी राहूवरती
कधी कधी पण पुरता फसतो
पराक्रमी तो पांडू असतो!
प्रति-आव्हाने जर का येती
पांडोबाचे पद लटपटती
होराशास्त्री पांडू अमुचे
रिंगण सोडून पळून जाती!!
मुंबैच्या दर्यामंदी जहाज बुडू जातं -
( मुंबैच्या दर्यामंदी जहाज बुडू जातं )
चाल : माळ्याच्या मळ्यामंदी पाटाचं पानी जातं, गुलाब, जाई, जुई, मोगरा फुलवीतं
मुंबैच्या दर्यामंदी जहाज बुडू जातं
कचरा, ग्रीस, तेल पसरे चौपाटीतं
मुंबैच्या दर्यामंदी साचले काळं पानी
खुपते दृश्य सारं, किनारा पाहुनी
कोळंबी,बांगडा धोक्यात जीवं येतं
कचरा, ग्रीस, तेल पसरे चौपाटीतं
बुडली फुटली, बुडली फुटली बुडली गं !
काव्यरस
आटपाट नगरात नवीन घर आणि ऑफिस...!!!
नेहमीप्रमाणे कन्फ्युजन. काय करावं बरं असा प्रश्न घेऊन मी तुमच्यासमोर आलोय.
नक्की काय झालंय हे नमनाला घडाभर तेल न घालता सांगतो.
आटपाट नगर होतं. गावामध्ये बारा बलुतेदार, अठरा पगड जातीजमातींचे, विविध व्यवसाय असलेले, विविध कौशल्ये असलेले लोक एकत्र येत जात होते.... तुम्ही म्हणाल 'राहत होते' असे हवे ना? नाही येत जात होते असेच बरोबर आहे.
(एकांत....)
... पोरांनी पार धुडगुस घातला होता. येणार येणार म्हणून आम्ही पोरं ज्या मोठया विकांताची वाट पाहत होतो, तो विकांत एकदाचा आला होता. मी, चिंटू, अम्या, रव्या, जग्या आणि सम्या अशी सहा टाळकी केव्हाच ब्यागा भरून तयार होती. एंटरप्राईजमध्ये जीएमसी युकॉन बुक करुन झाली होती. गाडी कसली म्हणा, एक अजस्त्र धुडच होतं ते. अंगात नुसती सुरसुरी भरली होती. साहजिकच होतं म्हणा. कारण आम्ही सारे लाँग विकेंडला डिझ्नेलँडला जाणार होतो.
लाचखोर लोकांनी -
(चाल: रेशमाच्या रेघांनी, लाल काळ्या धाग्यांनी...)
लाचखोर लोकांनी, भ्रष्ट साऱ्या मार्गांनी
स्वार्थासाठी कायदाही तोडीला
पायबंद घालू त्यांच्या खोडीला |धृ|
नवी कोरी गाडी काळ्या पैशाची
भरली ती भेसळीच्या मालाची
गुंड आले तडीपार, तडीपार जोडीला |१| पायबंद घालू..
जात येत विमानानं देशात, परदेशात
दलालीत डल्ला मारी देशात, मायदेशात
त्यांनी मायदेशाचा टॅक्स का हो बुडविला |२| पायबंद घालू..
काव्यरस
(आली माझ्या घरी ही गटारी )
आज सकाळी सकाळी सौंदर्यं यांची ही गाथा वाचली आणि आम्हाला ही आता तयारी करावी लागणार याची जाणीव झाली.
आली माझ्या घरी ही गटारी
सर्व पेयांची झाली तयारी
मस्त रात्रही,धूंद वास हा,मी तर पेग भरावे
दर वर्षी रे,वेग वेगळी घेऊन मी पहावे
कीक जोरात बसे,काडी ओठी घुसे
दोस्त लोकांची मैफल न्यारी
आली माझ्या घरी ही गटारी !!!
विदेशी मारता नको असता,भानही हरपून गेले
तंगडी बुर्जी पापड आणून, जेवण भरपूर केले
हर्ष दाटे उरी, मित्र आले घरी
आज बनली चिकन तंदुरी
आली माझ्या घरी ही गटारी !!!
काव्यरस