विडंबन

आमची प्रेरणा कपिल काळे यांची कवीता "गादी"

ठार दिवस मादीचे..ठार दिवस मादीचे.. |धृ|

अशी नसावी मादी जवळी
गारीबीची जणू ही गोळी.
दारीद्र्याची असेच थाळी
मी बापड्याची मग गुपचिळी
आई बापाची बसे दातखिळी

ठार दिवस मादीचे..ठार दिवस मादीचे.. |धृ|

साधीसुधी मादी नसे
नशिबाचे फिरले फासे
भोगामागून भोग येतसे
घरच्यांना वेठितसे
खिशावरती ताण बसे

ठार दिवस मादीचे..ठार दिवस मादीचे.. |धृ|

मादी नको भोग आवरा
आयुष्याचा रस्ता सावरा
खर्च पाहुनी जीव घाबरा
लफड्याच्या ह्या"व्होल वावरा"
येउ नका "एनी व्हेअरा"

ऐन दुपारी वाचायच्या 'टनाटन दुपार' ह्या पेश्शल पाक्षिकाचा धागा मास्तरांनी आज भादव्याच्या पहिल्याच दिवशी काढला आणी ऐन दुपारी आमच्या डोक्यात एक कल्पना चमकून गेली! ;)

ऐन दुपारी, प्रभू विचारी, 'टनटन' पहा काढली
अहो त्याची विनायकी मोडली!

हिम टाकून ती रम भरताना
कुठून अचानक आली कल्पना
गुपचूप येऊन जालामागुन, 'परा' 'बिका' ओढली

दिसता लेखक त्याला अडवा
हात 'अवलिया' त्याचा उजवा
'रंग्या' नडला, इरेस पडला, चूड पहा लावली

-चतुरंग

प्रेरणा शाहरुख ह्यांची 'तरीबी तिच्यायला आमी येक कविता करनार !!'

कोनी एका ओळिचं धागं काडाया कायबी जुळिवतंय
आनी पब्लिक त्येच्यावर येड्यावानी परतिक्रिया देतंय
आमानी नाय कवा परतिसाद देयाचं वाटनांर
तरीबी तिच्यायला आमी येक इडंबन करनार !!

लोकं लावत्यात कौल अन गाव म्हनतंय भारी
आमी मात्र मनात हानतुय दगुड, फोड कौलं तिच्यामारी
लावली तुमी कौलं सोन्याची तरी आमी फाट्याव मारनार
तरीबी तिच्यायला आमी येक इडंबन करनार !!

मायेच्या हिरव्या वाढीने मिटते,
वाट्यांच्या मोहात धुंद ओसरते
जन उडाण संपाचे, नित्य पावसाते,
का होते बेफाम, कसे चळवळते !

आवाजी नेत्यांच्या हरपून भान उठती,
गुरगुरत्या हाकेला कधी रोखठोकच भिडती
बोंबलती, कोकलती, उडती, धडपडती का लढती ?
कधी आयोगी मागण्यांवर जन हे वेडे झुलती
जन सवंग होऊन रस्त्यावरती फिरती
अन्‌ गळ्यात फलका आवर्जूनी धरती !
जन उडाण संपाचे, नित्य पावसाते,
का होते बेफाम, कसे चळवळते !

प्रेरणा: प्राजुची कविता थांब ना आणि सध्या झालेली सर्दी.

गळत आहे नाक माझे औषध झणी आण ना
भिजले सगळे रुमाल आता तरी थांब ना

जाहला डोक्यात कल्लोळ खालती मज पाहवे ना
सांग कसा प्रतिसाद देऊ थोडे तरी थांब ना

साचला आता प्रवाह प्रगती थोडी जाहली
श्वास घेता श्रम जाहले व्हिक्स कुठे मज सांग ना

उठता प्रभाती आवाज बंद वाकुल्या का काढीसी?
स्वाईन फ्लूचा अंदाज घेसी जिव्हेस तुज हाड ना

आवाज निघता मोद होई क्षणिक तोही मग ठरे
राणीची* याद देसी क्रूरवक्त्या थांब ना

प्राजु ताईंची सुंदर कविता " थांब ना " https://misalpav.com/node/8842 वाचुन हे सुचले

सर्द आहे खाट माझी, तू जरासा थांब ना
दाटले रे मूक मय हे, सोबतीला थांब ना

साठली गर्दी दुचाक्यांची चहू बाजूस या
सापडे एखाद 'घर' ते, पाहूनी तू थांब ना

एवढाही रेट नाही सांग ते रे मजकडे
पाहुनी तारुण्य माझे, आज थोडा थांब ना

रात्रवेळा होत आली, झोपल्या या बावळ्या
भास्कराची माय निजली, रात्र तू रे थांब ना

राहिले सारेच व्यापारी जगी हे पाहिले
सापडे "फंटूश" येथे, या ठिकाणी थांब ना