प्रेमकाव्य

हसली रे हसली...

हसली रे हसली...
माझ्या जाळ्यात ती फ़सली,

बागेत होतो खात भेळ
पा्हता पाहता मुलांचा खेळ

रंगल्या होत्या आमच्या गप्पा
तेवढ्यात तिकडुन आले तिचे पप्पा

वडिलांना बघताच बावरली बिचारी
आम्ही दोघेही पडलो विचारी

सुट्ला तिचा माझा संग
झाला आमचा प्रेमभंग

तेवढ्यात दुसरीही अशीच हसली
मला वाटले ती पण फ़सली

म्हणुन पुढे गेलो तर.................
........................ काणाखाली बसली...

-संदीप...

बरेच दिवस झाले तुला पाहून
तुझा सुगंध माझ्या श्वासात भरून
डोळ्यात साठवलेल्या त्या सुंदर
चेहर्‍यावर अन तुझ्या फोनवरच्या
आवाजावर समाधान मानतोय

ऑफिसच्या जिन्यावरचा तो चहा
ती शेअर केलेली कॅडबरी
बस मधे बसून ऐकलेलं 'जरा जरा'
नंतरच्या त्या फोनवरच्या गप्पा
सगळ्याची आठवण येतेय

आजही माझ्याकडे आहे
तुझा तो पहिला मेसेज
आणी पहिल्या शॉपिंगचा शर्ट
आज तोच शर्ट घालून
ऑफिसला जावे म्हणतोय

या प्रियकराला,प्रित माझी कळेना..
अधरी अडकति शब्द ..भाषा डोळ्यांची उमजेना

मास श्रावणाचा .,शशी तेवतो नभि
ते चांदणे हि शितल..पण तनुदाह सोसवेना

सुकुन गेले अधर..,कोमेजली काया.
कसा कठोर हा..मम दुःख्ख त्यास कळेना,,

आठवता छबी..विज तनुत कल्लोळे
रात्रभर ना डोळ्यास डोळा..ना पापणी मिटेना

वाटते असे..हे गुपित त्यास वदावे
हि लाज गडे मुलखाचि..पाठ माझी सोडेचना

Avinash

प्रेम असावे झाडासारख्रे
दिवसेंदिवस वाढत जाण्यासाठी
एकमेकांना सुखाची सावली देणासाठी

प्रेम असावे पहाडासारखे
अढळ अचल राहाण्यासाठी
एकमेकांना भक्कम आधार देण्यासाठी

प्रेम असावे फुलासारखे
नाजूक हळूवार फुलण्यासाठी
एकमेकांना जीवापाड जपण्यासाठी

प्रेम असावे नदीसारखे
बेधुंद प्रणयात वाहून जाण्यासाठी
एकमेकांना उत्कट प्रेमसागराकडे नेण्यासाठी

प्रेम असावे हवेसारखे
न सांगता अनुभवण्यासाठी
एकमेकांना प्रेमसुगंध देण्यासाठी

आमच्या कवितेचा विषय आमची 'ती'.......दुसर्‍या विषयावर कविता जमत नाहीत :)

जाता दुरदेशी वाटलं होतं विसरेन तूला
पण नुसत्या विचारानेच त्रासले मला
नाही विसरू शकलो मी
येते का कधी आठवण गं माझी?

शेवटचे पाहिले तुला त्या दिवशी
सोडवायला ही आली नाहीस तू
वाट बघून वाट धरली मी प्रवासाची
अशी का पाठवण केलीस गं माझी?

पहिल्याच दिवशी पावसाने स्वागत केलं
आठवली आपली पहिल्या पावसातली
एकाच छत्रीतली सफर बसस्टॉपवरची
पावसाने का पाठ सोडली नाही गं माझी?

मंडली, म्या कालरातच्याला, नव्या वर्षाच्या मुहूर्तावर एक कविता ल्यिहल्येली हाय.

हिरो आन हिरवीन आपले ग्रामीन भागातले हैत. आन त्ये शेतामदी मजा कराया आलेले हैत हा शिण हाये. जरा मजे मजेच्या अंगान त्ये खेळ खेळू र्‍ह्यायलेत. डोक्याला ताप नसल्यागत आनंद लुटायाचा आसल आन सेन्सॉर सारकं व्हत नसल तर हितं टाकू काय? नाय काय आस तस लिवलेलं नाय हो. साधं सरळ हाय.

जरा जरा दादा कोंडके यांच्या लिखानासारखी हाय. नाय आधीच विचारून घ्येतो. लागलं तर परतिक्रीया देवू नगा पन वाचा आन तुमाला आनंद मिळल ही गॅरंटी.

देतोस का उजाळा
त्या धुंद आठवांना
होतोस काय हळवा
स्पर्शून आठवांना

ती एकली दुपार
तो प्रश्न कापरासा
ती खूपशी कबुली
इन्कार ही जरासा

झाल्या मग अचानक
सांजा अजून कातर
अवघडले होते जगणे
विरहातले निरंतर

तैसाच चंद्र अर्धा
दोघांत वाटलेला
त्या पौर्णिमेत अजूनी
तू मुक्त सांडलेला

आहे तसा शहाणा
अपुला जरी दुरावा
आतून पेट घेतो
कधी तोच रे दुरावा

जयश्री अंबासकर

सागरतिरी उसळती लाटा

सागरतिरी उसळती लाटा भान मजला नाही
माझे दु:ख ऐकण्या जवळ तू नाही || ध्रु ||

बोललीस तू ऐकले मी कधी
बोललो मी ऐकले तू कधी
बोलण्याऐकण्याला समोर आपण नाही || १ ||
माझे दु:ख ऐकण्या जवळ तू नाही || ध्रु ||

आपल्या प्रितीचे दु:ख मनी दाटे
खरेच तसे होते का? खोटे मला वाटे
मजपाशी फक्त आठवण ती राही || २ ||
माझे दु:ख ऐकण्या जवळ तू नाही || ध्रु ||

- पाषाणभेद उर्फ दगडफोड्या

दिवस होता अंधारलेला आणी रात्रही उजाडलेली
झाडे होती उघडी बोडकी , किंचीत पानेही गळलेली

अशाच काही क्षणी येते आठवण तुझी
माझ्या हळव्या मनी खोल साठवलेली

मनास धुंद करून जातो तुझा एकच स्पर्श
नभासही सार्‍या होतो निमिषात एक कुंदसा हर्ष

अशाच एका पावसातील ती पहिली भेट आपली
तुला न्याहाळणारा मी आणी तू चिंब भिजलेली

त्याक्षणी खुललं माझ्या मनाच्या बँकेत
तुझ्या नावाचं एक रिकरींग खातं

तेंव्हापासून माझं आणी पावसाचं
आहे वेगळं असं एक नातं

ऑफिसात नसलीस की हिरमुसतो मी
सध्या तर गम्मतच ऑनलाइन झुरतो मी

कधी तु बिझी, कधी तु अवे
तुझ्याभोवतीच ऑनलाइन पिंगा घालतो मी

असलीस ऑनलाइन की
तासनतास तुझ्याच फोटोकड़े बघतो मी

डेरिंग नाही होत पिंग करायची
नावावर उगाच माउस नेतो मी

तु नसतेस ऑनलाइन,
तरी उगाच तुला ऑफलाइन पिंगतो मी

कम्युनिकेटरवर गप्पांचा पाउस
समोर आलीस की मात्र गप्प बसतो मी

बीसीसी मध्ये तुला एकटीलाच ठेउन
प्रेम कवितांचा ईमेल धाडतो मी

काय अन कसे सांगु मी
चॅटिंग करता करता ब्लशतो (लाजतो) मी