प्रेमकाव्य

नकोस माझी आठवण काढू

नकोस माझी आठवण काढू
नकोस मजला मोही पाडू
भोगले क्षण ते ओले
नकोच त्यांना आता कुरवाळू ||

ओठांवरी ओठ घट्ट मिटी ते
शब्दही त्यातून नच फुटी ते
कढ दु:खाचे बाहेर काढण्या
हुंदकाही नकोच सांडू ||

उष्ण उमाळा अंतरी गाभ्यात
लाव्ह्यापरी जाळे तो मनास
काय राहीली शेवटली बाकी
गणितही त्याचे नकोच करू ||

- पाषाणभेद (दगडफोड्या)
२३/०५/२०१०

प्रतिक्षा ? ? ?

निद्रेच्या अधिनस्तहि उगडेच असतात नेत्र,
परतीच्या प्रतिक्षेत तुझ्या.
न जाणो मिटले ते अन…..
अवतरली तू अवचित…….. .? ? ? ?

आजही स्मरतात ते दिवस .......
धुंद ! धुंद ! !
पुनवेच्या चांदण्यांत,
मोकळ्या केशसंभारांत,
निरागस उभी तू.
मला वाटले,
चंद्रमाच झाला लुप्त धरणीवर,
काळ्या मेघाआड.

पुन्हा बहरला तोच वसंत,
तारकांची धुंद बरसात,
आसमंती तोच मंद वारा,
? ? ? ?
निरर्थक,
तुजवीण ........

जावा तिकडे

उं.. जावा तिकडे
मी नाही येत, तुम्ही ना गडे
सोडा मला आता, जवळ कशाला ओढता
तुम्ही गडे ||धृ||

शौकिन तुम्ही हे आसलं,
नाही म्हणत नाही कधी
हौस जीवाची करता,
सोडत नाही एकही संधी
अंहं... हात नका धरू,
होवू नका सुरू,
जावा तिकडे ||

सोडा मला आता, जवळ कशाला ओढता
तुम्ही गडे ||१||

पोरी पदर घे उन लागलं
चाल: येथे ऐका

आगं पोरीsss पदर घे ग
उन लागलं गssss
रंग काळल गss

आता ग पोरी पदर घे उन लागलं
आता ग पोरी पदर घे ग उन लागलं
उन लागलं ग
रंग काळल
पोरी पदर घे उन लागलं
आता ग पोरी पदर घे ग उन लागलं

बाहेर पडती तू गं दुपारमधनं
वेगी चाल रस्ता सारा पायाखालनं
उन आहे जाळ आसं चैत्रातलं
पोरी पदर घे ग उन लागलं
आता ग पोरी पदर घे उन लागलं

चालः एखादे नाट्यपद असावे अशी चाल आहे. आपण ती चाल येथे ऐकू शकतात.
(मी काही गायक नाही. फक्त चाल ऐकण्यासाठी गाणे ऐका.)

पसरता सभोवती, धुंद केतकी हवा..
रान पेटले असे,मेघ तु मला हवा..

शिंपिता नभातले चांदणे तनावरी..
घुमु लागला मनी,पारव्यांचा थवा..

सप्तरंगी नाहता,मधाळ स्मित चुंबिता..
मनी दाटला असा,अवीट एक गोडवा..

तु मला लपेटता, श्वास उष्ण गुंफता..
मनामध्ये पसरला..धुंद कुंद गारवा..

रात्र थांबली जणु,रात्र लांबली जणु..
खेळ प्रीतीचा असा बहरला नवानवा..

मैफिलित ह्या तुझ्या तनिमनिमी गुंतले..
झंकारले मनातुनि ,बोल हेच वाहवा..

ऐक रे सख्या अता,निवांत शांत स्तब्धता..
तृप्त रोग भोगला,पुरे जाहली दवा..