मिसळपाव
वाटेवर मी तिच्या ठेवली--
वाटेवर मी तिच्या ठेवली
प्राजक्ताची दोन फुले
ह्रदयातून मग लक्ष लागले
प्राजक्तातून प्रीत फुले ?
उगीच ठेवला प्राजक्त तिथे मी
मनात रुजलो आहे किती ?
मधल्या दिवसांमधील अंतर
जाणून घेण्या आहे किती ?
हळवी लागे ओढ अनामिक
मनास हुरुहूर सले खुळी
प्राजक्तातून प्रीत पाहतो
विसरली का मज प्रीतकळी ?
आनंदाने तिने उचलली
रस्त्यावरची दोन फुले
गंध घेउनी प्रेमभराने
मला शोधण्या नजर फिरे
फुले नव्हे ती आमुची प्रीती
प्राजक्तातून फुलली होती
तशीच ताजी तशीच नि॑मळ
प्राजक्तासम उरली होती
