कविता

आज बे-एरियात अत्युतम हवा पडली होती.७०-७२ डि.-म्हणजे २१-२२ डि.सेंटीग्रेड- तापमान भर दुपारच्या उन्हात वाटायचं. सध्या उन्हाळ्याचे दिवस आहेत.
पॅसिफिक ओशन- निसर्गाचा एअरकंडिशनर- फुल-स्विंग मधे चालत होता.मिशन हिलच्या शिखरावर हायकिंग करीत जाऊन शिखरावरच्या ट्रान्समिशन लाईनच्या टॉवरावरच्या सिमेन्टच्या चौथुर्‍यावर बसून निसर्गाचा आनंद घ्यायची सकाळीच माझ्या मनात हुक्की आली होती.नेहमी प्रमाणे आयपॉड घेऊन कानाला इयरबड्स लावून मराठी गाण्यांची मेजवानी घेत घेत मजल दरमजल करीत डोंगर चढून जात होतो.

मगाशी एका पुस्तकाची माहीती टाकली त्या धाग्यावर आणि माझी एक जुनी कविता आठवली. माझ्या ब्लॉगवर आहे. ती परत इथे डकवतेय.

"प्राजूची “प्रिय सौ. आईस” वाचून सुचलेलं काहीतरी...एका आईचं मनोगत. ही मी केलेली पहिलीच कविता(?) असल्याने चु.भु.द्या.घ्या. कल्पना फार पूर्वी वाचलेल्या इंग्रजी कवितेवरून सुचली असली तरी भावना आणि शब्द एकदम वोरिजिनल.

वत्साला गाऊली | पांथस्था साऊली
बालका माऊली | तसे गुरू आम्हां ||

निर्धनासी धन | अडाण्यासी ज्ञान
दरिद्र्या सन्मान | तसे गुरू आम्हां ||

अन्न भुकेल्याला | जल तृषार्ताला
सुख पीडिताला | तसे गुरू आम्हां ||

गंध चंदनाला | मधु जसा फुला
कंठ कोकिळाला |तसे गुरू आम्हां ||

पथिका निवारा | नौकेला किनारा
संकटी सहारा | तसे गुरू आम्हां ||

शांत आसमंत | पवित्र दिगंत
थोर साधुसंत | तसे गुरू आम्हां ||

तप्त भुईवर | पावसाची सर
भक्ताला ईश्वर | तसे गुरू आम्हां ||

थांबलेला आसवांचा पाऊस पापण्यांशी,
मी तुझ्या बरसण्याची, वाट पाहतो आहे !

झगडलो वेदनांशी कोंडुन जाणीवांना,
आठवांचा आज प्रिये, थाट पाहतो आहे !

ओसंडु पाहे कसा गुदमर मनातला,
थोपवली भावनांची, लाट पाहतो आहे !

ओथंबले काठ अता डोळ्यांचे सखे,
मोडुनी चौकट वाहे, पाट पाहतो आहे !

संपले ते उजळणे पुन्हा मनोरथांचे,
गातात दु:ख सुखाने, भाट पाहतो आहे !

विशाल

गेल्या महीन्यात Zee मराठी वर एक कविता एकली होती.....

हंबरुन वासराले चाटती जवा गाय...तवा मले तीच्यामधे दिसती माझी माय...

कोणाला ही कविता महीती असेल तर मला हवी आहे.....

नामस्मरण, चिंतन, सुख वैकुंठीचे जाण
चित्ती नांदे समाधान, सा-या चिंता कृष्णार्पण

भावभक्ती वाळवंट, मंदिर हे अंतरंग
वृत्ति वाहे चंद्रभागा, तिथे वसे पांडुरंग
जड देहाचे हे भोग केले त्यालाच अर्पण

तूच अनंत ब्रम्हांड, तूच धरा, तू आकाश
दूर सारी जो तमाला, अंतरीचा तू प्रकाश
तूच दाता, तूच त्राता, तूच कार्य, तू कारण

काया, वाचा, मन देवा तुझ्या चरणी लागावे
आधि- व्याधी, व्याप- ताप, माया मोह दूर व्हावे
तुझे दर्शन घडावे, तनू त्यागताना प्राण

आकाशी जलद जलद नाचू लागले
आषाढसरी, मन माझे न्हाऊ लागले!

दरवळ तो मातीचा मनास मोहवी
वर्षेचे कंजन, बघ कानी गुंजू लागले!

मग खेळणे वर्षेच्या धारांशी वार्‍याचे
मनात आगळे, अलगुज छेडू लागले!

संपले बघ वाट पाहणे ते चातकाचे
आनंदविभोर, मोर वनी नाचू लागले!

रोमांचित जाहली बघ तृषार्त धरा
नग्ननिखळ, हास्य तिचे फुलू लागले!

विशाल