आजच्या पुरुषांसाठी सप्तपदी धोकादायक का आहे?

लेखाचा उद्देश समजला नाही. लेखकाला काय म्हणायचे आहे नक्कि.

लेखाचा उद्देश समजला नाही. लेखकाला काय म्हणायचे आहे नक्कि.

१. नातिचरामि हा मन्त्र वेद कालातील आहे... त्यावेळी आर्यांच्या मध्ये एकच वर्ण होता.... मग वर्ण सन्कराच्या भीतीने त्यानी तो मन्त्र लिहिला हे म्हणणे गाढवपणाचे आहे... गीतेच्या काळात वर्ण होते, तेही चारही वर्ण.

२. नातिचरामि मध्ये धर्म, अर्थ, काम आणि मोक्ष यांचे अतिचरण करणार नाही असे अपेक्षित आहे, कारण हे केले तर पत्नी कडे आपण जास्त वेळ देऊ शकणार नाही आणि संसाराचे सन्तुलन बिघडू शकते...

३. कोर्टाच्या दृश्टीने लग्न हे लग्न असते... ते कोणत्या पद्धतीने लावले हा केवळ एक तपशीलाचा भाग असतो... म्हणजे उद्या कोर्ट मॅरेज केले, तर मी काही नातिचरामि म्हणून शपथ घेतली नाही, आता मी काहीही करेन असे म्हणून कोणीही अनिर्बन्ध स्वातंत्र्य उपभोगू शकत नाही...
( तसा काही प्लॅन असेल तर तो डोक्यातून काढून टाका, कोर्टात तुम्हाला वाचवायला तो पुस्तक लिहिणारा येणार नाही !)

४. कायदे पुरुष विरोधी आहेत, हे मात्र अगदी मान्य आहे... या कायद्यांचा गैरवापर करणारा सासरा आणि सासू न गाठ पडणे हे पूर्वजन्मीच्या पुण्याशिवाय होऊच शकत नाही, हेही ठामपणाने सान्गू शकतो ! :(

५. रिच्युअल्स अँड मंत्राज- रूल्स विदाउट मीनिंग.... हे मात्र हास्यास्पद आहे... 'ब्रिटीश लॉ अ‍ॅन्ड गवर्न्मेन्ट- रुल्स विथ मिनिन्ग ' हे तरी कुठे खरे आहे?

तिकडे सलमान खानच्या धाग्यावर दुसर्‍या धर्माचे लोक कट्टरपणा करतात , म्हणून लोक गळा काढत बसले आहेत, हा कट्टरपणा नाही केला की धर्माचे काय होते याचे उदाहरण म्हणजे हा धागा आहे.. :) ही असली भिकार पुस्तके आणि भिकारडे विचार लोकांच्या गळी उतरवण्याचे प्रकार इतर धर्मामध्ये घडत नाही त आणि आपल्या धर्मात मात्र रोजच घडत असतात,

जगातला प्रत्येक धर्म निर्मितीच्या काळात धर्म प्रसारासाठी अ‍ॅग्रेसिव्ह असतो.... हिन्दु ( वैदिक ) धर्म, बौद्ध धर्मही याला अपवाद नाहीत... एकदा धर्मामध्ये जातीच्या/ वर्णाच्या/ गटांच्या पायर्‍या स्थापन झाल्या की धर्म प्रसार आपोआप मन्दावतो . कारण नव्या माणसाला कोणती जात / पायरी द्यायची, हा प्रश्न येऊ लागतो... त्यामुळेच सध्या नव्याने निर्माण झालेले धर्म हे जुन्या धर्माना पुसायला बघणार, हे स्वाभाविक आहे... हे ओळखून आपण राहिलो तरच आपण टिकणार...

पुरुषांसाठी तो जास्त धोकादायक आहे.

नक्की धोका काय? तसेच तो पुरूषांसाठीच का?

ज्यांच्या हा धोका लक्षात आला नाही त्यांनी आता काय करावे म्हणजे पुढचे संकट कमी होईल? (म्हणजे परत उलटे फिरणे वगैरे?) हे पण अवश्य सांगा - इथल्या पुरूष मंडळींना त्याचा फायदा होईल.

सप्तपदी हा विधी .... विशेषत: पुरुषांसाठी तो जास्त धोकादायक आहे.
अहो पण तो धोका काय ते इथे सांगा की!! उगीच कोण फलाणा फ्रिट्स स्टाल आणि ढकाणा उपाध्ये यांच्या पुस्तकां-धाग्यांवर कशाला ढकलतांय आम्हा गरीब पुरुषांना?:)
फ्रिट्स स्टाल या लेखकाचे "रिच्युअल्स अँड मंत्राज- रूल्स विदाउट मीनिंग" नावाचे एक पुस्तक मोतीलाल बनारसीदास या प्रकाशकानी प्रसिद्ध केले आहे.
यासाठी त्या मोतीलालला फ्रिटसकडे जायची गरज भासली? भारतातले कोट्यावधी हिंदू काय मेले होते?
सप्तपदी हा लग्नाला कायदेशीर 'पूर्णत्व' आणि 'अर्थ' देणारा विधी
ह्या मूळ गृहितकाशीच असहमत!! आज स्वतंत्र भारतात सप्तपदी न करतासुद्धा लग्नाला कायदेशीर पूर्णत्व आणि अर्थ मिळू शकतं!!

(ह्या विषयावर एकदा आपल्याशी चर्चा करायची आहे असे चारचौघात म्हणणारा)
-सार्वजनिक मिपाकर
:)

>>विशेषत: पुरुषांसाठी तो जास्त धोकादायक आहे.
म्हणजे स्त्रियांसाठी थोडे धोकादायक आहे असे समजायचे का?
आणि सप्तपदी शिवाय कायदेशीर लग्न करता येतं की. पण असे लग्न पुरुषांसाठी धोकादायक नाही याला काय पुरावा?
आणि इतर धर्मातील प्रथेनुसार लग्न केले तर कितपत धोकदायक आहे?

सप्तपदी विधी धोकादायक कसा आहे, कृपया खुलासेवार सांगाच !

आमच्याकडील लग्नात, सप्तविधीचे विधी करतांना, यज्ञाभोवती फेरे मारतांना शंकर-पार्वतीच्या लग्नाच्या वेळेस शंकर पार्वतीने जी वचनं दिली घेतली, ती वचने आमच्याकडे म्हणवून घेतात. मी सुद्धा तशी वचनं दिली आहेत. आणि घेतली आहेत. असो,च्यायला पण हा विधी धोकादायक आहे, असं तुम्ही म्हणता. नेमका धोका कशात आहे, ते सांगा राव..!

-दिलीप बिरुटे
(सप्तविधी केल्याने अस्वस्थ असलेला)

तसेही हल्ली विज्ञानामुळे नवीन तंत्रांचा /माहितीचा इतका मारा होत आहे की सगळ्या जगात बहुतेक संस्कृती कोलमडून पडत आहेत. सप्तपदी अथवा लाजाहोम हे विधी कालबाह्य ठरले आहेत. केवळ करायचे म्हणून केले जातात. तीन तीन दिवस चालणारे लग्नसंस्कार अर्ध्या दिवसात आटोपतात. सप्तपदी केली काय आणि न केली काय काय फरक पडतो?
मुंजीचे तसेच आहे. मुंजीमुळे हल्ली कोणते संस्कार होतात कोणजाणे. त्यापेक्षा कैक पटीने जास्त संस्कार ( सु आणि कु दोन्ही) टीव्ही मुळे होतात.
आणि संस्कार हे कालसापेक्ष आहेत. एका काळात योग्य असलेला संस्कार दुसर्‍या काळात योग्य ठरेल असे नाही.
उदा: मनुस्मृतीत सांगितलेली समुद्र लंघनावरील बंदी.
ज्ञान हे प्रवाही असेल तर ते ताजे रहाते. अन्यथा त्याचे सडक्या पाण्याचे डबके बनते. संस्कारही तसे आहेत.
मोठ्या व्यक्तीने सांगितलेले सर्व योग्य. त्याना उलट प्रश्न विचारु नयेत असते हा लहानपणी झालेला सुसंस्कार मोठेपणी ज्ञान मिळवायचे असेल तर अक्षरशः फेकून द्यावा लागतो अन्यथा प्रगतीच खुंटते.
संस्कार बदलत असतात.

"मी कुठल्याही परिस्थितीत, कुठल्याही संकटात, कुठल्याही अवस्थेत तुझी साथ-सोबत सोडणार नाही " हे वचन देण्यात कुठला धोका आहे तेच मला कळत नाहीय. यात फक्त त्यांनाच धोका वाटेल ज्यांना extra maritals मध्ये स्वारस्य आहे. ;-)

सस्नेह
विशाल
*************************************************************
मज पिसे लागलेले सुखांचे
गे हलकेच धुके ओसरते आहे...

अरेच्या आपापल्या ब्लॉग्सच्या जाहिराती आधी फक्त स्वाक्षर्‍यांमधे दिसायच्या (जे मला काहि प्रमाणात योग्यही वाटते) आता आपल्या ब्लॉगच्या जाहिरातीसाठी वेगळे धागे? कमाल आहे

ऋषिकेश
------------------
सकाळचे १० वाजून ५३ मिनीटे झालेली आहेत. चला आता ऐकूया एक सुमधूर गीत "चांदण्या शिंपीत जाशी...."

चा धोका कळला नाही.
तसे अति चरण्यात धोका असतोच की.

>>धोका असा की सप्तपदीच्यावेळी दिलेली वचनं पुरुषाकडून पाळली गेली नाहीत तर कायदा पुरुषाला झोडपून काढतो. पण आधुनिक मुक्त स्त्रीने जर ही दिलेली वचनं जर पाळली नाहीत तर तिला मात्र कोणतीही शिक्षा नाही.

विवाह 'पूर्ण झाला' की तो मोडण्यासाठी कोर्टात जावे लागते. सप्तपदी हा विवाह 'पूर्ण झाल्याचा' (अनेक पुराव्यांपैकी एक) पुरावा असतो.
आपल्याला पूर्ण झालेला विवाह कोर्टात न जाता मोडण्याचे मार्ग असावेत असे वाटते काय?

दुसरे म्हणजे सप्तपदीत 'ती' वचने दिली आहेत की नाही हे कायद्याच्या दृष्टीने महत्त्वाचे असत नाही. ती वचने दिली नाहीत तरी आपण ज्याला 'झोडणे' म्हणता ते होणारच आहे.
सप्तपदीमध्ये स्त्रिया कोणती वचने देतात ते माहिती नाही. त्यामुळे त्यांनी वचने मोडली तरी त्या मुक्त राहतात यावर काही भाष्य करू शकत नाही.

समाजव्यवस्थेत निम्न स्तरावर ठेवल्या गेलेल्यांबाबत साधारणतः आधुनिक कायद्यामध्ये झुकते माप असते. ते योग्यच असते.

नितिन थत्ते
(पूर्वीचा खराटा)

आजचा सुविचार :

Behind every successful man there is a woman. Behind every unsuccessful man there is a woman with her parents.

:)

१. लेखक महोदय आपण २५० रुपयात भविष्य सांगता म्हणे.... मग लग्न करण्याआधीच , सप्तपदी केली तर काय होइल आणि न केली तर काय होइल हे तुम्हाला जाणून घेता येत नाही का ?

२. सप्तपदी आणि नातिचरामि हे कायदेशीर वचन ठरत असल्यामुळे आपल्याला धोका होतो असे आपण म्हटले आहे... मग हल्ली लोक गम्मत म्हणून दुसर्‍या धर्माचेही विधी करतात... उदा. हिन्दु असताना मुस्लीम किंवा ख्रिशन पद्धतीनी लग्न करतात.... ... मग अशा लोकांची नातिचरामि मधून सुटका होऊ शकते का ? किंवा दुसर्‍या धर्माचे असताना साउथ इन्डियन पद्धतीने लग्न करणे, असे केल्यास एखादा मुस्लीम माणूस ( माणूस म्हणजे माणुसच, बाई माणूस नव्हे :) )नातिचरामि मध्ये अडकू शकेल काय ?

३. हिन्दु व्यक्तीसाठी द्विभार्या प्रतिबन्धक कायदा आहे... जन्माने हिन्दु असला की हा कायदा कागू होतो.. मग नातिचरामि ची शपथ घेतली नाही , या सबबीवर या कायद्यातून तुमची सुटका होऊ शकते का ? मुळात नातिचरामि मधून सुटण्याची एवढी तीव्र तळमळ कशासाठी आहे ?

विवाह कुठल्याही पद्धतीने होवो त्याची नोंद झाली पाहिजे. नोंद ग्राह्य असणे गरजेचे. कालबाह्य कायद्यात बदल झाले पाहिजेत. युयुत्सु यांच्या धाग्यात मला (मुक्त) स्त्री व (मुक्त) पुरुष एकाच मापाने तोलले पाहिजे असा कल वाटतो.चुभुदेघे
प्रकाश घाटपांडे
आमच्या अनुदिनीत जरुर डोकवा.

मा़झ्या माहितीप्रमाणे अन्य धर्मियांना हिंदू विवाह कायद्याखाली लग्न लावायचे / करायचे असल्यास प्रथम हिंदू धर्म स्वीकारावा लागतो. एकदा हिंदू धर्म स्वीकारला की नातिचरामि त्या व्यक्तीला लागऊ होणार हे सामान्य बुद्धी सांगते.

मी हिन्दु विधी करतात असे म्हटले आहे,, हिन्दु होऊन हिन्दु विवाह कायद्या अन्तर्गत विवाह लावले तर काय होईल हे विचारलेले नाही... कारण तसे केले तर हिन्दु कायदा लागू होतोच ( आणि हे काय पोपटवाल्यालाही माहीत असते.. )

वर्ण सन्कर होऊ नये म्हणून सप्तपदी आणली, असे आपले मत आहे... मग आपल्याला सप्तपदी टाळायची का आहे? वर्ण सन्कर करायचा चान्स मिळावा म्हणून ?

मुळात हिन्दु धर्म स्वीकरता येतो का ? असा धर्म स्वीकरल्यास त्याला जात कुठली मिळते.... ? अशा लोकांशी रोटी बेटी व्यवहार कुठल्या जातीतील लोकानी करायचा ? त्याला कुल दैवत कुठले आणायचे ?
(शिवाजी महाराज - नेताजी पालकर चे उदाहरण सांगु नये... कारण त्याला मुळची जात आस्तित्वात होती... )

<<<<<<<<<<<<<आम्ही आपल्या ब्लॉगवरील लेख वाचलाच नाही असे गृहीत धरुन सप्तपदी विधी धोक्याचा विधी आहे, किंवा तो विधी माणसासाठी धोकादायक कसा ? इतकेच इथे स्पष्ट झाले तर बरे होईल असे वाटते
>>>>>>>>>>>>>>>>>>>>

ते जर त्याना सान्गायचे असते तर त्यानी कधीच सान्गितले असते.....

सप्त पदी 'विधी'ची ही भीती नाहीच मुळी, भीती आहे ती 'विधी' निषेध न बाळगता वागल्यास आपल्यावर 'विधी' नुसार कारवाई होऊ शकते, याची ! त्यातून बाहेर पडायला तो कोण परदेशी बाबू त्याना पुस्तकरूपाने मदत करणार आहे.....

'ख्रिश्चन धर्मीय विवाहातील पांढरा झगा - कपड्यांची नासाडी ' या विषयावर पी एच डी करता येते का ? कुठल्या विद्यापीठातून ?

नमनाला घडाभर तेल घालवलेच आहे आता..

सप्तपदींचा तुम्हाला समजलेला अर्थ काढून, कुठला करार करुन पुरुष कसा पुढे पस्तावेल हे लिहण्यापेक्षा, न्यायालयातील काही उदाहरणे दाखवुन ह्या सप्तपदीने पुरुषावर कसा अन्याय केला आहे हे स्पष्ट केले असतेत तर चर्चेत अर्थ होता.

बर सप्तपदी केले व "प्रीनप"ही केले तर हा धोका टळेल का ज्योतिषालाच शरण गेले पाहीजे?

------------------------------------
२५० रु मे भविष्य लेलो. २५० रु मे भविष्य लेलो. हम्म्म्म्म अडीच किलो तूरडाळ की भविष्य???/ मोठा गहन प्रश्न आहे

हिंदु मॅरेज अ‍ॅक्ट चे कलम सात हिंदु पद्धतीने केलेल्या विवाहात कोणते विधी झाले तर ते वैध ठरेल याबाबत आहे. ते असे:

7. Ceremonies for a Hindu marriage.- (1) A Hindu marriage may be solemnized in accordance with the customary rites and ceremonies of either party thereto.

(2) Where such rites and ceremonies include the Saptapadi (that is, the taking of seven steps by the bridegroom and the bride jointly before the sacred fire), the marriage becomes complete and binding when the seventh step is taken.

या विषयावर एव्हढी चर्चा सुरु आहेच तर जाणकारांकडुन याचाही उहापोह व्हावा.

---

Grant me the serenity to accept the things I cannot change, the courage to change the things I can, and the wisdom to know the difference. --Reinhold Niebuhr

<<<<<<<<<<<

२५० रु मे भविष्य लेलो. २५० रु मे भविष्य लेलो. हम्म्म्म्म अडीच किलो तूरडाळ की भविष्य???/ मोठा गहन प्रश्न आहे >>>>>>>>>>>>>

तुरडाळीचच भविष्य बघा की मग ....!! :)

>>पण जेव्हा 'स्थळे बघून' विवाह जुळवले जातात तेव्हा आपण ज्या मुलीबरोबर सात जन्म एकनिष्ठ राहण्याची शपथ घेणार आहोत ती मुलगी, विशेषत: कायदे एकतर्फी असताना, आपल्या जबाबदार्‍या पूर्ण पाडेल याची कोणतीही खात्री नसताना, पुरुषाने अशी शपथ घेणे हे आत्मघातकीपणाचे निदर्शक आहे,<<
पुरूष आपल्या जबाबदार्‍या पार पाडेलच याची कुठली खात्री असते? तरीही आपला सगळा कम्फर्ट झोन सोडून अनोळखी पुरूषाच्या घरात रहायला जातेच की बाई. तुमच्या वरच्या लॉजिकने हा पण बाईचा आत्मघातकीपणाच म्हणायला लागेल.
कायदे बाईच्या बाजूने असले तरी किती घरगुती अत्याचार खरोखर नोंदवले जातात? किती ठिकाणी मानसिकरीत्या गुलामीत आहेतच की अजून बाया. नवर्‍याने बडवलं दारू पिऊन तरी कुंकवाचा धनी म्हणून त्याला पाठीशी घालतातच की बाया अजून.
द्वीभार्याप्रतिबंधक कायदा असला तरी घरात सवतीला सहन करणार्‍याही बाया आहेतच की.

- नी
http://saaneedhapa.googlepages.com/home

युयुत्सु यांचे असे मत आहे की कायदा हा एकतर्फी आहे म्हणजे स्त्रियांच्या बाजूने आहे.
जर तो तसा आहे तर का आहे ह्याचा विचार युयुत्सु यांनी केला आहे का?
पुरूषप्रधान संस्कृती मध्ये स्त्रियांना नेहमीच दुय्यम वागणूक मिळालेली आहे. नीधप यांनी म्हटल्याप्रमाणे घरगुती अत्याचार (मारहाण, अपमानास्पद वागणूक) क्वचितच नोंदवले जातात.

माझ्याच माहितीतील एका जोडप्याचे उदाहरण देतो - नवरा बायको उच्चशिक्षीत. अमेरिकेत नोकरी. किरकोळ कारणावरून भांडणास सुरवात , नवर्‍याची मजल बायकोवर हात उगारेपर्यत गेलेली. चायनीज शेजार्‍याने आपल्या शेजारच्या घरात रात्रीचा काहीतरी गोंधळ चालू आहे म्हणून ९११ डायल करून पोलीस बोलावलेले. बायकोने बरीच गयावया केली तरी तिचे रडून लाल झालेले डोळे आणि एकंदर अवतार पाहून पोलिसांनी लगेच नवर्‍याला ताब्यात घेऊन त्या रात्री आत टाकलेला. (का मारले , खरेच मारले का , नक्की कोणाची चूक वगैरे काहिहि चौकशी न करता.) सकाळी त्याच्या एका मित्राचा (जो माझा ही मित्र होता) मदतीसाठी (सोडवण्यासाठी वकील वगैरे)फोन आला त्यावेळी वरील प्रकार मला समजला. आता बोला?
कायदा स्त्रियांच्या बाजूने आहे तर त्याला पुरूषच जबाबदार आहेत. काही चांगल्या पुरषांना कायद्याचा त्रास सहन करावा लागला असेल/लागत असेल पण त्याला नाईलाज आहे ..वाईटाबरोबर काही वेळेस चांगले ही भरडले जाते .

बाकी तुमच्या ब्लॉग वर जाऊन अजून तरी तुमचा लेख वाचला नाहि. ईथे तुम्ही जे काही म्हणताय त्याला अनुसरून च हा प्रतिसाद दिला आहे. आम्हाला बुवा मिसळपाव सोडून दुसरीकडे जायची इच्च्छाच होत नाहि. त्यामुळे जे काही म्हणायचे आहे ते इथेच म्हणा. (तेच तेच मांडायला नको आहे तर कॉपी पेस्ट मारू शकता की)