पाककृती हवी आहे! मिर्ची का सालान!

तरला दलाल ची रेसिपी आहे.
साहित्यः
२ कप जाड हि. मिरच्या किंवा ढोबळी मिरची ..जाड लांबट आकारात कापून ,
१ चमचा जिरे, १/२ चमचा मोहरी , १/४ चमचा मेथ्या (मेथी बी) , १/४ चमचा कलौंजी (कांदा बी)
१/४ चमचा हळ्द, २ चमचे धने जीरे पूड , २ चमचे तिखट (लाल मिरची पूड)
६-७ कडीपत्त्याची पाने , १ चमचा चिंचेचा कोळ , कोथिंबिर चिरून , तेल, चवीनुसार मीठ,

दाणे तीळ कूटासाठी - २ चमचे शेंगदाणॅ, २ चमचे तीळ , १ चमचा जीरे मिक्सर मधून कोरडेच वाटून घेणे.
ओल्या मसाल्यासाठी - ६ लसूण पाकळ्या, अर्धा इंच आले , १ कप चिरलेला कांदा, १/२ चिरलेला टोमॅटो , ३ मोठे चमचे ताजा खोवलेला नारळ. सर्व पदार्थ लागेल तसे थोडे पाणी घालून मिक्सर मधून वाटून घ्यावेत.

कृती:
लांबट आकारात मिरच्या कापून घ्याव्यात. आतील बी काढून टाकावे. कढईत तेल गरम करून मिरच्या किंचित पांढरट रंग येईपर्यन्त तळून घ्याव्यात. बा़जूला काढून ठेवाव्यात.
त्याच तेलात जीरे , मोहरी, कलौंजी, मेथ्या आणी कडीपता टाकावा. मोहरी तडतडली की ओला मसाला घालावा. २ मिनिटे परतावा. हळद, धने जिरे पूड , लाल तिखट , दाणे-तीळ पूड घालावी. सर्व नीट मिक्स करून घेऊन मध्यम आचेवर तेल सुटेपर्यन्त परतत रहावे. २ कप पाणी घालावे. चिंचेचा कोळ घालावा. उकळी येऊ द्यावी. मग तळलेल्या मिरच्या घालाव्यात. कोथिंबीर् मीठ घालून ग्रेव्ही घट्टसर होईपर्यंत शिजू द्यावे.
गरमागरम वाढावे.

फोटो आंतरजालावरून साभार.

http://www.maayboli.com/node/6414