मराठी दिन २०१८: चला मालनाक! (मालवणी)

चला मालनाक
सुस्वागतम. आपल्या मालनाक आपले स्वागत आसां. हुमयसून राष्ट्रीय महामार्ग १७ ने मालनाक येऊचा झालां की पयलो पळस्पा फाट्याक उजवीकडे बळूचा. मगे वडखळ नाक्याऽऽर डाव्यां वळाण घेतलां की आपलो कोकणचो रस्तो लागतां; होच आपलो राष्ट्रीय महामार्ग १७. महाड, खेडचो भरणो नाको, चिपळूण, संगमेश्वर, हातखंबा, लांजा, राजापूर, तळेरे, नांदगांव, कणकवली करान आपण कसालाक इलों की उजवो फाटो सरळ मालनाक. तसो कणकवल्येवरसून आचरामार्गे पण एक रस्तो आसां. पण अंतर पाचधा किमी. कमी असलां तरी रस्तो आवळ (अरुंद) आणि खड्ड्यान भरल्यालो. मगे कसालावरसून येणारो हायवे रस्तोच बरो.

निळां रेशमी आभाळ, फेसाळत्यो लाटो आंगाखांद्यार खेळवणारो निळोशार समुद्र आणि पांढर्याफेक वाळूत डोलणार्या माडांनी आणि हिर्व्यागार झाडांनी सजलेया वेळां, या वेळांक लागान लाऽऽलभडक पायवाटांनी नटलेली डोंगरां. मालनाच्या परिसरात कर्ली, गड अशो नद्यो समुद्राक मिळतत, त्या नद्यांनी केलेल्यो खाड्यो, खाड्यावरसून जाणारे पूल आणि खाड्यावयली आपणांक खूळावणारी जुवां आणि तरियेची बंदरां.

कवळकाठी कातळाच्या सड्यावरान नागमोडी वळणां घेत जाणारो रस्तो नि दोनवल्या बाजूक घाट्येवरसून उतरान गावात झाडामाडातून कौलारू घरां देकवत गावात गायब होणार्ये रस्त्ये. सकल सपाटीवर खाजणां आणि मळ्ये. डोळ्यांचा पारणां फेडतच आपण देऊळवाडीची घाटी उतरत आपण मालनात इलंव पण. मालनाच्या पर्यटनान आता बाळसां धरलां आसां.

मालवण म्हटलां की गमतां तो सिंधुदुर्ग, दरवळतां तां तोंडाक पाणी आणणारां मालवणी रांधपाचां जेवाण, आंबेगरे आणि काजू. कानावर पडतां ती हेलात, ठेक्यात पण गाळियानी भरल्याली मालवणी बोली. हय रवल्याऽऽर अगदी गुजराती, मारवाडी, भैये, सरदारजी, सारीच माणसां सरसकट मालवणीच बोलतत.

सरळ रस्तो जातां तो मालवण शेरात. पैलो उजव्या बाजूक दिसतां तो भारत पेट्रोलियमचो पेट्रोल पंप.
थोडां फुडे गेलां मगे डावीकडे यष्टी स्ट्यांड, तसांच फुडे गेल्यार डावीकडचो फाटो जातां वायरी, तारकर्ली आणि देवबागाक. जरा फुडे गेल्यार वाय – Y – जन्क्शन लागतां.
डावीकडचो रस्तो सोमवार बाजारातसून जातां.

रस्त्याच्या डावीकडसून समुद्रार जाणार्यो चार गल्ल्यो लागतत. गल्ल्यांच्या दोनवल्या बाजूक दुकानां आणि टोकाक दिसतां समुद्र. चौथ्या गल्लीहारी रस्तो उजवीकडे वळतां. या चौथ्या गल्ल्येच्या टोकाऽऽर धक्को. धक्क्यावरसून किल्ल्यार जाणारी ‘तऽऽर’. तर म्हटल्यार माणसांका भाड्यान नेणारी होडी. हुमयची बीईएसटी रस्त्यावरसून चलता तर हयची ‘तऽर’ पाण्यातसून चलतां. आता तरीची जागा लांचेन घेतलली आसां. किल्ल्यात गेल्यार गाईड घेतलो तर बरां. हैलो एकपण गैड मालनातलो नाय. जे गावतले ते कोलापुरातसून इलेले. गैडान तोंड उघडलां मगे कळतांच तां.

किल्ल्यार जावच्या लांचेचो धक्को:

संबूर पाण्यातलो सिंधुदुर्ग

पण किल्लो सकळच म्हणजे दिवसाचो बघूचो.

धक्को डावीकडे सोडान रस्तो वळान येतां फोवकांड्या पिंपळाकडे. थयसून थोडां सरळ जावन डावीकडे समुद्राहारी जावचां. रस्तो वर चढान जाता मगे संबूर दिसतां मामलेदार कचेरी. डावीहारी कोर्टाची इमारत. थयसून थोडां फुडे गेलां की किनारो. हयतांच रॉक गार्डन.

वर्षभरानंतर रॉक गार्डन आता मस्तच झाल्याले आसा.

किनार्यावरसून थोडां उजवीकडे जावयां. किनार्याच्या पोटात उजवीकडे समुद्र घुसलोहां. तो आत घुसल्यालो देखणो किनारो दूरवर दिसतां तो आसा चिवला बीच.

रॉक गार्डनवरसून चिवला बीच.

आता पयले मालनातल्या गणेश मंदिरात जावया. थयले सुंदर हत्ती. मगे मंदीर किती सुंदर आसात? तां हय येवनच बघूक होयां म्हणान फोटो देत नाय.

चला तर चिवला बिचाचर जावया.

चिवला बीचवरसून डावीहारी रॉक गार्डन.

चिवला बीच.

फोटो गुदस्ताचे असत. चिवला बीच आता जास्तच देखणो केल्यालो हां.

चिवला बीच, पाण्यात दिसतां तो सर्जेकोट किल्लो.

चिवला बीचपासून सुमारे पाच किमी. वर ओझरावर कवळकाठी कातळाखाली ह्यां हिरव्यांगार सुंदर स्थान आसां

थयसून एका बाजूक मच्छिंद्र कांबळींच्या रेवंडीची भद्रकाली, सरळ दुसर्या बाजूक १९ किमी. आचर्याचो रामेश्वर तर घाटी उतरून ५ किमी. गेल्यार

थयसून ११ किमी. वर आसा आंगणेवाडी

भराडी मातेच्या मदिरात असत सुंदर तीर्थपात्रां.

हयसून तीनचार किमी. बिळवस. थय आसा एक सातेरी मंदीर. तां हौदासार्या खोलगट भागात उभे असां. जोरदार पाऊस पडलो की मंदिराच्या भोवताल पाणी साठतां आणि मंदीर पाण्यात हुबां आसां असां वाटतां. म्हणून तां जल मंदीर.

बिळवसचां जल मंदीर.

ओझरापास्न आचरा रोडला ५-६ किमी. वर डावीकडे गेलां की लागतां पाणखोल जुवां. तरयेन जाऊचां लागतां. ती बगा धक्क्याक लागलेली तर.

जुवां म्हटल्यार नदीतला बेट.

बगूनच डोळे निवतत.

आचर्याच्या वाटेर हड्येक एक सुंदर मठ असां. थयली सजावट अप्रतिम, आणि शांत वातावरण तर एक नंबर.

थयसून थोडां फुडे गेलां की मगे डावीकडचो फाटो धरूचो. सरळ तोंडवळ्येच्या सी वर्ल्डाक. अशी एकापरीस एक ठिकाणा असत मालनाक. तारकर्ली, देवबाग तर फेमसच आसत.

तारकर्ल्येक लागीच आसा कर्ली नदीची खाडी. खाड्येच्या पल्याड कर्ली, भोगवे आन निवती.
भोगवे
भोगव्याचां दीपगृह

तारकर्ली – देवबाग: यष्टी डेपोच्या फुडे इल्यावर डावीकडचो रस्तो आपणाक नेतां तारकर्ल्येक आणि देवबागाक. तारकर्ली आसां ८ किमी. आणि त्याफुडे दोन किमी. देवबाग. कर्ली नदी हैसरच समुद्राक मिळतां. पण पल्याडच्या बाजूक आसां भोगवे आणि निवती.

भोगव्यातसून दिसतत तारकर्ली देवबागची वॉटर स्पोर्टां

नदीपल्याड जो किनारो दिसतां तां आसां भोगवे. तारकर्ली देवबाकाक डॉलफीन दर्शन आणि स्पीडबोट, बलून रायडिन्ग, स्नोरकेलिन्ग, अशी वॉटर स्पोर्टां करूक मिळतत.

फाटफटीच इलंव तर डॉल्फीन दर्शन बरेंऽऽ मिळतां. फाटफटी समुद्राचां पाणी पण शाप, निवळ मिळतां.
निवती किल्ल्यावरसून दिसणारो निसर्ग

निवतीवरून येतांना चिपीच्या विमानतळाचां काम चालू आसा तां दिसतां

तारकर्ली देवबागसंबूर नदीबुडातसून वर इल्यालो एक जुवो दिसतां. तां असां त्सुनामी आयलंड. त्सुनामी इली त्याच्या अदूगर हैसर कायपण नवतां त्सुनामी इली आणि हैसर नद्येखालसून बेटच वर इलाहां. निसर्गाचो चमत्कार, दुसरां काय?

विष्णूच्या या पयल्या अवताराचां दर्शन घेवान मगे किल्लो बघूचो. आणि सांच्याक रॉक गार्डन, चिवला बीच पायचो असां पर्यटन अगदी बेष्ट बघा. तोंडवळी, इतर पर्यटन ठिकाणां आणि मंदिरांक आणखी एकदोन दीस अशे दोनतीन दीस मालनात मस्त जातत. मालवणी निस्त्याक आणि शीत म्हटल्यार पूर्णब्रह्मच गावतला.
चला तर मगे. चाकरमानी असलांस तर सुट्ट्यो टाका आणि धंदो असलो तर सवड काढा आणि येवा. मालवण आपलांच आसां.

- X – X – X -