साहित्य-
दोन मेजरिंग कप्स बेसन,
एक मेजरिंग कप साखर,
साखरेच्या अर्धे पाणी,
पाऊण मेजरिंग कप साजूक तूप,
अर्धा मेजरिंग कप दूध,
आवडीप्रमाणे बदामकाप,
काजूचे काप,
वेलचीपूड एक टीस्पून.
कृती-
प्रथम ४ टेबलस्पून तूप व सर्व दूध घालून बेसनाला दोन्ही हातांच्या तळव्यांनी चोळून घेणे. हे मिश्रण जाड चाळणीने चाळून घेणे.
जड बुडाच्या पातेल्यात किंवा कढईत उरलेले तूप घालून बेसन परतण्यास सुरुवात करावी. सतत हलवत रहावे नाहीतर तळात बेसन करपेल.
आंच मध्यम ठेवावी. मी लहान बर्नरवर मध्यम आंच ठेवली होती.
आधी परतायला जड वाटणारे मिश्रण परतले जाईल तसतसे हलके होऊ लागेल.
रंग फार बदलू देऊ नये. खमंग वास येताच ताटात बेसन काढून गार होण्यास ठेवावे. त्याच पातेल्यात मोजून ठेवलेली साखर व पाणी घालावे.
ज्यांच्याकडे कमी गोडीची साखर मिळते त्यांनी दोन टेबलस्पून जास्त घ्यावी. आपल्याला एकतारी पाक तयार करायचा आहे. तो होताच वेलचीपूड व बेसन घालावे.
नीट हलवून गॅस बंद करावा.
तूप लावलेल्या ट्रेमध्ये मिश्रण घालून वरून बदामाचे काप लावून सजवावे. दहा ते पंधरा मिनिटांनी वड्या पाडाव्यात व थंड झाल्यावर काढाव्यात.
बर्फी मऊ हवी असल्यास बेसन पाकात घातल्यावर लगेच आंच बंद करावी. खुटखुटीत वड्या हव्या असल्यास आणखी एखादा मिनिट परतावे.
.
.
प्रतिक्रिया
26 Aug 2017 - 9:05 am | पैसा
मस्त दिसत आहेत वड्या! बेसन लाडूला पर्याय. आणि सुक्या मेसूरपाकापेक्षा कितीतरी चांगले.
26 Aug 2017 - 10:14 am | इशा१२३
अरे वा!मस्त दिसताहेत!
26 Aug 2017 - 10:20 am | यशोधरा
मस्तच दिसत आहेत वड्या.
26 Aug 2017 - 4:02 pm | अनन्न्या
आता गणपतीत करता येतील.
26 Aug 2017 - 4:48 pm | मदनबाण
आहाहा... लयं भारी ! :)
मदनबाण.....
आजची स्वाक्षरी :- राँझा राँझा करदी वे मैं आपे राँझा होई, राँझा राँझा सद्दो नी मेनू हीर नु आखो कोई... :- Raavan
26 Aug 2017 - 5:26 pm | स्वाती दिनेश
वड्या फारच छान दिसत आहेत ग रेवती,
स्वाती
26 Aug 2017 - 5:42 pm | पद्मावति
क्लास्स!! खुप सुरेख दिसताहेत ग वड्या.
26 Aug 2017 - 6:20 pm | विशाखा राऊत
वाह मस्तच वड्या
26 Aug 2017 - 6:40 pm | सविता००१
रेवाक्का, खूप सुरेख आहेत ग या वड्या.. मस्त फोटो.
पाक म्हटलं की हादरतेच मी. पण आता या नक्की करून पाहीन.
27 Aug 2017 - 2:40 pm | सुचिता१
28 Aug 2017 - 10:33 am | केडी
मस्त, अप्रतिम फोटो...
29 Aug 2017 - 11:07 am | पियुशा
यम्मी जाल्यात अगदी :)
29 Aug 2017 - 2:06 pm | नूतन सावंत
झकास झाल्यात ग वड्या,रेवाक्का
30 Aug 2017 - 3:27 am | चामुंडराय
वाह... मस्त, यम्मिलिशस् वड्या. फोटो देखील अप्रतिम.
एक प्रश्न - यांची चव बेसन लाडवा सारखीच लागते का?
30 Aug 2017 - 5:39 pm | रेवती
नाही. वेगळी लागते.
30 Aug 2017 - 4:24 am | रुपी
मस्त!
फोटोही सुरेख आलाय.
30 Aug 2017 - 7:28 pm | सही रे सई
मस्त दिसतायत वड्या.. एकदा करून बघेन मी आणि सांगेन तुला.. तो एकदा लवकर येउदे म्हणजे झालं.
31 Aug 2017 - 4:10 pm | सानिकास्वप्निल
मोहनथाळासारख्या वड्या दिसतायेत.
रंग व फोटो सुरेख वड्यांचा.
1 Sep 2017 - 4:09 pm | पूर्वाविवेक
खुप सुरेख दिसताहेत वड्या. मेसूरपाकासारख्या
7 Sep 2017 - 12:45 pm | जुइ
छान पा़कृ ! बेसनाच्या वड्या म्हणल्यावर माझ्या आईच्या हातच्या बेसनाच्या वड्यांची आठवण झाली !!
7 Sep 2017 - 1:14 pm | सस्नेह
आगद साजूक दिसताहेत की वड्या !
बरेच दिवस शोधत होते ही पाकृ जालावर. पण नीट होत नव्हत्या. आता करून बघेन !
7 Sep 2017 - 1:38 pm | एस
वा!