मिड-ब्रेन अ‍ॅक्टीवेशनः सत्य की फसवणूक?

मिड ब्रेन अ‍ॅक्टीव्हेशन हे १००% सत्य आहे .

मी बोटीवर होतो तेव्हा मी माझा मिड ब्रेन अ‍ॅक्टीव्ह केला होता आणि मी मिपा चे सदस्यत्व घेतले =))

मला तरी हे थोडं संशयास्पद वाटतंय. २ दिवसात हा वर्क्शॉप संपतो म्हणुन जास्त च वाटतंय. बरं डोळे बंद करुन वॉलेट चा रंग का ओळखायचा? ५ वर्षां पुढची मुलं तसं ही कलर्स ओळखतात च की. एकाग्रता वाढवण्यासाठी वगैरे एक्सरसाईझेस असतात पण सातत्य लागतंच त्यात. हळु हळु सवयी लावणं, अस्थिर स्वभाव असेल तर त्याला थोडं स्थैर्य देणं वगैरे त्यात अभिप्रेत असतं. आणि आता लहान मुलं जात्याच हुशार अस्तात. कुणाचं ग्रास्पिंग चांगलं असतं, कुणाला खेळात रस असतो , कुणाला अजुन कशात आणि पालक सुद्धा इतके जागरुक पणे लक्ष देतात की साधारण २ र्‍या , ३र्‍या वर्षापर्यंत मुलांचे हे कल लगेच कळतात. आणि त्यांचं कौतुक पण सगळीकडुन होत असत, त्याने त्यांचा आत्मविश्वास वाढतो. एकद रॅट रेस मध्ये उतरले की मग या दुव्यांमध्ये लिह्लंय तसं परिक्षेतले मार्क्स आणि मेडिकल मधलं यश वगैरे मधुन हे असले प्रकार जनमाला येत असावेत आणि त्यांना लोकप्रियता पण म्हणुन च मिळत असणार.

प्रत्यक्ष अनुभव आहे. माझ्या मामाचा दहा वर्षाचा मुलाने डोळे बंद करुन (मी स्वतः verify केलं डोळे नक्की बंद आहेत ना?) माझ्याकडच्या नोटेवरचा नंबर अचुक सांगितला. मी मोबाईल वरुन डायल केलेला नंबर (कीटोन अक्टिवेटेड असताना) फक्त आवाजावरुन अचुक ओळखला. फळे आणी ईतर पदार्थांचे रंग स्पर्श न करता ओळखले.

मामांना याबद्दल विचारले असता कुठल्यातरी शिबीरात शिकल्याचे सांगितले. तसेच आपण मुलाला प्रात्यक्षिक करुन दाखवण्यास आग्रह करीत नाही असेही म्हणाले, कारण त्याची इच्छा/मुड नसताना तसे करावयास लावले तर त्याला ते जमत नाही.

असं धरून चला कमालीचं अॅक्टिवेशन येतय पंचवीस हजारात.----

---लगेच एक नवीन ओएस लिहून घ्या मुलांच्याकडून.

ध्वनी व ब्रेन-जिम द्वारे खास प्रशिक्षण देऊन त्यांच्या मध्य-मेंदूला अ‍ॅक्टीवेट करण्यात येते

हे ध्वनी व ब्रेन जिम व्यायाम टाँरंटवरही उपलब्ध्द आहे का ?

फरंट आणि ब्याकचं अलाइनमेंट करायचे किती घेत्यात ?प्वारीला डाकतर कह्रायचं हाइ.

**च्या गावात! एव्हढेच म्हणू शकतो.

थो तां ड

डोळ्यांवर पट्टी बांधून अनेक जादूगार मंडळी भर रस्त्यातून बाईक चालवणे व अनेक प्रकार करतात, त्यापैकी काही प्रकार वाटतो. इथे जो व्हिडियो दिला आहे, त्यातील मुलीला कागद, नोट वगैरे समोर धरावे लागत असताना दिसते, त्याअर्थी तिला पट्टीतून दिसत असणार असे वाटते.
मी स्वतः लहानपणी जादूचे खेळ करायचो, त्यात अगदी अशक्य वाटणार्‍या करामतींच्या मागे अगदी सोपी युक्ती असायची, पण जोवर ती ठाउक नाही, तोवर चमत्कार वाटायचा.
अश्या एकाद्या युक्तीचा पैका कमावण्यासाठी रचलेला हा बनाव वाटतो.
कुणाच्या परिचयात कोणी जादूचे खेळ करणारा असेल, तर तो बरोबर सांगू शकतो.
एक शक्यता संमोहनाची पण वाटते.

मला थोतांड वाटते कारण असे काही असते तर पप्पू विपश्यनेसाठी थायलंड ऐवजी इथेच नस्ता का थांबला

मुलीच्या डोळ्यांवर विशिष्ट प्रकारची जी पट्टी बांधलेली आहे, त्यात लहानसा स्पीकर/हेडफोन/ असून त्याद्वारे कोणीतरी तिला माहिती पुरवत असेल. लास वेगासच्या मोठमोठ्या जुगारी अड्ड्यातून अश्या प्रकारच्या युक्त्या वापरल्या जातात, याबद्दल मोठा कार्यक्रम मागे कोणत्यातरी च्यानेलावर बघितला होता. कोण केंव्हा किती पैसे जिंकतो/हरतो, यावर कसिनोवाल्यांचा पूर्ण ताबा असतो, आणि हे काम अत्याधुनिक तंत्राद्वारे वरील मजल्यावर बसलेले अनेक तंत्रज्ञ करत असतात, असे दाखवले होते.
समोरील विमान वा बस, हत्ती इ. वस्तू क्षणार्धात दिसेनाश्या करणे वगैरे करामती या तंत्राने करता येतात.

कोठे गेले श्याम मानव आणि अंनिसवाले?

दोन अडीच वर्षांपूर्वी कुठल्यातरी मराठी वॄत्तपत्रांत एक बातमी वाचली होती.

छगन भुजबळ यांच्या मंत्रालयातील दालनात इस्राइलहून आलेल्या काही तांत्रिकांनी एकाग्रतेच्या जोरावर काही करामती करून दाखवल्या. जसे धातूचा चमचा हात न लावता केवळ बघत राहून वाकवणे. भुजबळांनी (कशाचा तरी आडोसा करून) कागदावर काय लिहिले असेल ते वाचून दाखवणे.

ती बातमी आता शोधताना मिळत नाहीये कारण भुजबळांचा उल्लेख हजारो बातम्यांमध्ये असतो.

दीड वर्षांपूर्वी जादूगार जितेंद्र रघूवीर यांचा कार्यक्रम आमच्या मंडळाने ठेवला होता. अगोदरच्या दिवशी त्यांनी काही साधे प्रयोग आम्हाला दाखवले होते व काहींमध्ये कशी हातचलाखी केली जाते तेही दाखवले होते.

धाग्यात उल्लेखलेल्या प्रयोगांच्या मागेही काही हातचलाखीच असणार हे नक्कीच.

हम्म..इंटरेस्टिंग. मिड राहू द्या आमचा कुठलातरी मेंदू चालू करून दाखवा हे चॅलेंज घेतील का? : )

मी सुधा हा प्रकार पाह्यला आहें . पण वर वर्णिलेले प्रकार सोडले तर या मुलांची बाकी विषयात काही नेत्रदीपक प्रगति दिसलेली नाही कदाचित अजुन काही काळ जावा लागेल
नेटवर शोधले असता दोन्ही प्रकारच्या प्रतिक्रिया दिसल्या
।या विषयातील जाणकाराणी मार्गदर्शन करावे

तो dynamo नावाचा जादुगार कमालीच्या जादु ( पाण्यावर चालणे,हवेत उडणे ,कारंज्यातील पाण्याचा बर्फ करणे ,कागदाची फुलपाखरे जिवंत करणे इत्यादी ) करतो रस्त्यातच तरी यास मनोरंजन म्हणतो.हिच माणूस भारतात असता तर ?
काशीला येऊन गंगेत असंख्य दिवे लावले पण तिकडच्या राख फासून बसलेल्या साधुंनी ढिम्म आश्चर्य दाखवले नाही.

"जादु/ हातचलाखी बघण्यात जी मजा आहे ती त्यामागच्या ट्रिक्स समजुन घेण्यामधे नाही. ""-ट्रिक्स नाही समजावत तो.

हा प्रकार कर्णपिशाच्च किंवा टेलीपथीचाही असू शकतो .
जादु/ हातचलाखी यांवर आधारीत ख्रिस्तोफर नोलनचा 'द प्रेस्टीज ' हा चित्रपट मस्त आहे .

याचे शुल्क सुमारे १५००० ते २५००० रुपये आहे.

वॉव.. कशी मिळते याची फ्रँचाईजी?

बाकी अशाच पद्धतीचा पण अगदी हातचलाखी लेव्हलचा न वाटेल असा पंथ लोणावळ्याजवळ केंद्र असणारा बघितला होता. तिथे मिसळ उत्तम मिळत असल्याने जात असे. तिथेही मिसळ खाण्यात काहीतरी सायंटिफिक आहे असं म्हणत "मिसळ खाण्याच्या अनुभवा"विषयी काही शास्त्रीय किचकट प्रश्न असलेला फॉर्म भरुन घेत होते.

आत मेंदूच्या वेगवेगळ्या आकृत्या आणि वेगवेगळ्या सीझन्समधे त्याचे वेगवेगळे भाग कसे अ‍ॅक्टिव्हेट होतात यासम काहीतरी होतं. आहे आहे.. हे सर्व मोठठं सायन्स आहे..!!

हे फक्त लहान मुलांच्याच बाबतीत का ? मोठ्या माणसांच्या बाबतीत का नाही ? आणि ह्याची जाहिरात करण्यासाठी वापरलेली मुले त्यांचीच अस्तिल. त्यांना शिकवल्याप्रमाणे ते करून दाखवत अस्तिल. किवा डोळ्यावर बांधलेली ती पट्टी पारदर्शक असेल . आत मध्ये छोटा कॅमेरा , हेड फोन लपवलेला असू शकतो

नुकतीच ही बातमी वाचली होती.
http://www.thehindu.com/news/national/kerala/debunking-midbrain-activati...
भोंदूगिरी आहे असे हे म्हणतात.

हे पहा आणि ठरवा
https://www.youtube.com/watch?v=BoR8uDMCbm0

यासंबंधी अगदी अशीच आठवण माझ्याकडे आहे.
पंचवीस वर्षांपूर्वी मी एका कंपनीत अ‍ॅप्रेंटीस असतानाची ही आठवण आहे. आम्हाला शिकवायला जे सर होते, ते एकदा म्हणाले की तुम्ही फळ्यावर जे लिहाल ते मी डोळे झाकून पुन्हा लिहू शकतो. त्याप्रमाणे आम्ही त्यांचे रुमालाने डोळे बांधले आणि आम्ही फळ्यावर खडूने काहीतरी लिहीले. नंतर सरांच्या हातात खडू दिला.डोळे बांधलेले असताना सरांनी फळ्यावर आम्ही जे लिहीले होते ते तेच लिहीले.आम्ही अत्यंत आश्चर्यचकीत झालो. मग सरांनी खुलासा केला की तुम्ही ज्यावेळी डोळ्यावर रुमाल बांधला, त्यावेळी खरे म्हणजे मी माझ्या पद्ध्तीने तुमच्याकडुन रुमाल बांधून घेतला. मी खाली थोडी गॅप ठेवली होती.आणि तुम्ही जेव्हा लिहीत होतात तेंव्हा मी त्या गॅपमधून बघत होतो. थोडक्यात मला सगळे दिसत होते.
वरील व्हीडीओत अनिस ने तेच दाखवले आहे.

मी मिड-ब्रेन अ‍ॅक्टीवेशन करून घेतलं तर मला मोठ्मोठ्या लॉटर्‍यांचे नंबर (६+१, ७+१, इ इ) ओळखता येतील काय ? कोणीतरी लवकर सांगा. म्हणजे मला युरोमिलिओनेन आणि युएस मधल्या क्रिसमसच्या जंबो लॉटरी एडिशन्सच्या अगोदर अ‍ॅक्टिवेशन करून घेता येईल !

अभ्यासाची गरजच नाही, बस मिड ब्रेन अ‍ॅक्टीवेट करुन कॉपी करत करत पेपर लिहुन मोकळे व्हायचे.

असेच होण्याची पूर्ण शक्यता आहे.
इथे दिलेले व्हिडिओ बघून ते मनगटावर चोळणे, वास घेणे वगैरे निव्वळ नाटक असून पट्टीतुन दिसते, हेच खरे असे वाटले.

त्याने म्हटलंय मी माझ्याकडे आलेल्या सर्व मुलांची लिस्ट देतो,

ताबडतोब ती लिस्ट घ्या आणि त्या सर्वांना भेटा. अर्थात त्यातही काही मखलाशी असेलच, तरी त्यातून काहीतरी कळेलच.
लहान मुलांना, विशेषतः शाळकरी मुला -मुलींना या कामी वापरणे हे अश्लाघ्य आहे, (पण ते फार परिणामकारक आहे).
"शाळकरी मुली" असल्याचा आभास निर्माण करून कशी फसवणूक केली जाते, याबद्दलचे दुसरे उदाहरण अनेकांना ठाऊक असेल.

५ ते १५ वयाचीच मुले का निवडतात. ह्या वयापेक्षा मोठी का नाही?
हि मुले चष्मेवाली असतील तर उत्तमच. कारण ह्या वयात शक्यतो र्‍हस्वदृष्टिचा नंबर असतो. त्यामुळे एकतर मुलाच्या डोळ्यावर चष्मा नाही व डोळ्यावर काळी पट्टी म्हणजे समोरचाही विचार करतो पट्टितून दिसले तरी चष्म्याशिवाय तो वाचू शकणार नाही. र्‍हस्वदृष्टीवाला लांबचे वाचू शकत नसला तरी जवळचे चष्म्याशिवाय वाचू शकतो.
जे पालक १५००० - २५००० रु. घालवून फसले ते फसलो असे दाखवत नाही स्वतः खोटं बोलतात व आपल्या मुलांनाही खोटं बोलायला भाग पाडतात. त्यामुळे अशा लोकांची दुकाने जोरदार चालू रहातात.
मेंदू जर डोळ्यांशिवाय बघू शकत असेल तर निसर्गाने आपल्याला डोळे कशाला दिले असते. डोळ्यांकडून व कानाकडून आलेले संदेश पुढच्या व मागच्या मेदूकडे वाहून न्यायचे काम मधला मेंदू करतो. डोळे झाकून ठेवल्यावर कोणते संदेश हा मिड ब्रेन वाहून नेणार आहे.

कुठे चालू आहे हो धुमाकुळ ?

मी मागच्या महिन्यात भारतात (पुण्यात) होते. नुक्तीच परत आलेय. मला तर सारं काही शांत शांत दिसलं ?
ते असो ...
सध्या तुमच्या व्यावसायीक चिंता संपलेल्या अथवा कमी झालेल्या दिसतात . ( संदर्भः आत्महत्या करण्याचा विचार --- वगैरे लिहिलेला तुमचा लेख )
अभिनंदन! आणि अशीच प्रगती होत राहो ही सदिच्छा !

खरं की खोटं असा प्रश्न पडलेला पाहूनच फेसपाम करुन झाला आहे. चालू द्या.

डांगेसाहेब मला तर हे बोगस वाटतंय! अशा गूढ शक्ती एक दोन तासाच्या सेमिनार मधून प्राप्त होतील? पूर्वी साधू लोक वर्षानुवर्षे तपस्या करायचे अशा शक्ती मिळवायला.

काही शंका.
हे कोर्स चालवणार्‍या व्यक्तिंचे वय किती असते? ते वयाच्या कितव्या वर्षी ही विद्या शिकले?
हा कोर्स केल्यावर एखाद्या मुलाची अभ्यासातील प्रगती प्लॅसिबो नसेल कशावरुन ?

काही हजार रुपये देऊन करण्याचे जे कोर्सेस असतात, त्यात एक सोय(?) दिलेली असते, ती म्हणजे तुम्ही तो कोर्स केल्यावर जेवढे नवीन गिर्‍हाईक आणून द्याल, तेवढे कमिशन तुम्हाला मिळत जाते, म्हणजे समजा वीस हजाराचा कोर्स केल्यावर नंतर दर गिर्‍हाइकामागे एक हजार परत मिळत गेले, की वीस गिर्‍हाइके आणल्यावर तुमचे पैसे वसूल झाले. ओळखीच्या लोकांनी केलेली घरगुती शिफारस विश्वसनीय वाटते, आणि जास्त जास्त गिर्‍हाईक मिळत जातात.
या प्रकारे केले जाणारे अनेक धंदे असतात, त्यात तथाकथित अद्भुत शक्ती वगैरेंपासून लाख रुपयात गादी विकणे (तिला गादी न म्हणता 'कंप्लीट स्लीपिंग सिस्टम' म्हणायचे), अमूक एक मंत्र म्हणून जागृत होणार्‍या अध्यात्मिक शक्ती, असे कित्येक प्रकार असतात. दिल्ली भागात एक प्रकार खूप बोकाळलेला आहे, तो म्हणजे अपेक्षित फायदा झाला की त्यातले अमूक टक्के द्यायचे (किंवा उदाहरणार्थ मुलीचे लग्न ठरणे, नोकरी लागणे, कोर्ट केस जिंकणे वगैरे एका महिन्यात झाले, तर अमूक रक्कम देऊ) ठरावीक मुदतीत फायदा झाला नाही, तर टक्केवारी/रक्कम वाढवत जायची, वगैरे. पैसे शेवटी कुणाला पोहोचतात, हे कडेकोट रहस्य असते.
धागाकर्त्याने त्या मुलांच्या पालकांना भेटताना हा मुद्दाही ध्यानात ठेवावा.

तुम्ही तो कोर्स केल्यावर जेवढे नवीन गिर्‍हाईक आणून द्याल, तेवढे कमिशन तुम्हाला मिळत जाते, म्हणजे समजा वीस हजाराचा कोर्स केल्यावर नंतर दर गिर्‍हाइकामागे एक हजार परत मिळत गेले, की वीस गिर्‍हाइके आणल्यावर तुमचे पैसे वसूल झाले.

ही पद्धत गटविलेल्या गिर्‍हाईकाचे (आपल्या धंद्याचा फुकट जाहिरातदार होण्यासाठी) ब्रेन अ‍ॅक्टिवेशन करायला फार उपयुक्त आहे हे मल्टि-लेवल-मार्केटिंगने पुरेपूर सिद्ध केलेले आहे ! ;)

असा प्रकार वाटतोय.

डांगे साहेब,

हा विषय या ठिकाणी चर्चे साठी निवडल्या बद्दल धन्यवाद. मी मिसळपाव चा नियमित वाचक आहे आणि मला असे आढळून आले आहे कि मिसळपाव वर शक्यतो आपले विचार सडेतोड आणि आपल्या प्रतिक्रिया सारासार विचार करून दिलेल्या असतात. असो...,

मध्य मेंदू सक्रियिकरन या प्रकाराबद्दल या लेख पूर्वी मला अजिबात काही माहिती नव्हते, या लेखाच्या निमित्ताने या गोष्टी मला समजल्या आणि अंतर्जालावर या बद्दल माहिती चाळली आणि या प्रकाराबद्दल बरेच कुतूहल जागृत झाले. माज्या आसपास शोध घेतला असता अश्या कुठल्याच सौस्थेची इथे शाखा नाही असे समजले. आपल्याला जर खरोखर अश्या विद्यार्थ्यांना अभ्यासायला मिळाले तर कृपया खालील मुद्दे जरूर विचारात घ्यावेत …

१. चौकशी निपक्षपाती पद्धतीने करावी, म्हणजे चौकशी साठी जाताना पूर्वग्रहदुषित दृष्टीकोन बाजूला ठेवावा.

२. या गोष्टीमध्ये नक्की कुठले विज्ञान आहे हे समजावून घ्यायला हवे. (या सौन्स्था विद्यार्थ्यांच्या पाच ज्ञानेंद्रियांना जागृत करण्याचा दावा करतात (दृष्टी, गंध, स्पर्श, चव, ध्वनी) गंधाने विद्यार्थी रंग ओळखतात तर स्पर्शाने त्या वस्तूचा आकार वगरे वगरे.)

३. एखाद्या विद्यार्थ्याला आपल्याकडील एखाद्या वस्तूचा (एखादी वस्तू जी फक्त तुम्हालाच माहिती असेल प्रेक्षकांना नाही आणि आयोजकांना तर आजीबात नाही) फक्त रंग ओळखण्यास सांगावे (उदाहरणार्थ खेळाच्या ५२ पत्त्यांमधील एखादा पत्ता), आणि दुसर्यास त्याच वस्तूच्या केवळ स्पर्शाने त्या वरील मजकूर ओळखण्यास सांगावे (या वेळी त्या विद्यार्थ्याने आपल्याकडील वस्तू नाकाजवळ नेता कामा नये)

४. केवळ विशिष्ट वयोगटातील विद्यार्थीच या प्रशिक्षणासाठी पात्र का आहेत यामागचे विज्ञान काय आहे?

५. खरोखर अश्या प्रशिक्षनांमध्ये तथ्य असेल तर जी मुले बौद्धिक दृष्ट्या दुर्बल आहेत (गतिमंद किवा मतीमंद) अश्या मुलांना हे प्रशिक्षण देऊन समाजाच्या मुख्य प्रवाहामध्ये आणता येईल का?

६. अश्या पद्धतीने कार्यक्षम केलेला मध्य मेंदू भविष्यात किती वर्षे कार्यक्षम राहील.

आपण नक्कीच यातील तथ्य लवकरात लवकर आमच्या समोर मांडाल अशी अपेक्षा करतो, आपल्याला शुभेच्छा

धन्यवाद,

पुणेकर

अंधश्रद्धा निर्मूलन वार्तापत्र फेब्रुवारी २०१५ च्या अंकात फसवे मिडब्रेन अशी डॉ प्रदीप पाटील सांगली यांची एक कव्हर स्टोरी आहे.सांगलीत ही असे एक सेंटर चालू झाले होते. त्यात नाशिक येथेही या एम्बीए वाल्यांना आव्हान देण्यात आले होते असे म्हटल आहे. अंनिस कशा पद्धतीने चाचणी घेउ इच्छिते हे लेखात नमूद आहे. तसेच या एमबीए वाल्याना आव्हान पण आहे.
संदीपजी हा लेख तुम्हाला अभ्यास करण्यासाठी उपयुक्त आहे.

हा निव्वळ हात्चलाखि आणी भामटेगीरीचा प्रकर आहे.

एक छोटीशी चाचणी करता येईल. जर हि मुले डोळ्यावर पट्टी बांधून नोटेवरचा क्रमांक ओळखतात तर त्यांना मिट्ट काळोखात सुद्धा हे करता यायला हवे. जर पाहायचेच नाही तर प्रकाशाची काय गरज? आणि या नियमामुळे चोरून पाहणे, रुमालाखालून पाहणे, इतर कोणीतरी संकेताने सांगणे या बाबी वजा करता येतील.

संदीप डांगे साहेब .माझ्या ३ शंका आहेत
१. लहान मुलेच का ? मोठ्या माणसांच शिबीर का नाही ?
२. ह्यात तिसरा नेत्र activate करतात का ते ? भारतीय योगशास्त्रामध्ये गुरूंच्या मार्गदर्शनाखाली तिसरा नेत्र activate करता येतो . स्वताच्या मनाने उद्योग केला तर त्याचे होणारे परीणाम dangerous असतात . काही दिवसांनंतर असे dangerous परिणाम मुलांमध्ये दिसू लागले तर हे लोक त्याची जबाबदारी घेतात का ?
३. अंधळ्या मुलांना ह्याचा फायदा होऊ शकतो का ?

ध्वनी व ब्रेन-जिम द्वारे खास प्रशिक्षण देऊन त्यांच्या मध्य-मेंदूला अ‍ॅक्टीवेट करण्यात येते>>>
मग हा ध्वनी आपण रेकॉर्ड करून आणि ब्रेन-जिम चा व्यायाम शिकून घेवून आपल्या मुलांचा ब्रेन activate केला तर ? त्यासाठी २०-२५ हजार कशाला घालवायचे ?

कोणाला असं काही उदाहरण माहिती आहे का जिथे एखाद्या कट्टर बुद्धीवाद्याने एखाद्या दाव्याला आव्हान दिलं पण नंतर तो दावा खरा आहे असं मान्य केलंय?>>>
नक्की कुठला काळ अपेक्षित आहे ? कारण अगदी प्राचीन काळापासून ची अनेक उदाहरण आहेत .सध्याचं अनिस चंच उदाहरण घ्या कि . त्यांना अध्यात्मिक दृष्ट्या develop असणार्या २ जणांनी आव्हान दिले होते . परंतु अनिस ने ते स्वीकारले नाही. त्यातले १ बहुदा नरेंद्राचार्य महाराज होते . दुसर्याचं नाव आठवत नाही . मी पा वरच कुणीतरी ते सांगितलं होतं

मेंदू अ‍ॅक्टिवेशन वगैरे प्रकार असता आणि एखाद्या माणसाला त्यामुळे सिद्धी प्राप्त झाल्या असत्या तर त्याने ते कौशल्य आल्या-गेल्या माणसाला १०-१५ हजार टिकल्यांसाठी विकले असते>>>
खरं आहे. कारण ह्या सिद्धींच्या जोरावर तो काहीही करू शकतो . तसेच ह्या सिद्धी दुसर्यांना दिल्या तर त्याला प्रतिस्पर्धी नाही का निर्माण होणार ?

मेंदूचे डावा आणि उजवा असे २ भाग असतात ना . मधला ब्रेन कुठून आला मग ?

मजा आला ।

धाग्यावारील प्रतिसाद पाहून खुप मजा आला :))))

बाकी अशाप्रकारे मार्केटिंग करायची आयडीया भारी आहे ।

बाकी सर्वात टॉपच्या व्हीडीयोत तो चष्मेवाला तरुण मुलगा आणि मुलगी चांगले सुशिक्षीत दिसताहेत.एम. बी.ए. आहेत का काय माहीत नाही.पण आजकाल काही टुकार एम.बी.ए. कॉलेजांमधे लोकांना **त्या बनवायचेच शिक्षण देतात की काय? मागे मला एका चांगली नोकरी असलेल्या आणि इंजिनीअर असलेल्या मित्राने आग्रह करून करून एका पॉश ठिकाणी प्रेजेंटेशनला नेले. एक तरुण एम.बी.ए. एक्झीक्युटीव्ह आकडेवाडी मोडून बिझिनेस मॉडेल समजावत होता. तासभर त्याची बडबड चालू होती.
दुसरे काही नाही, ते मल्टी चैन मार्केटींग स्कीम होती. पण ज्यांचे त्यात पैसे अडकले होते, ते उगाचाच त्याच्या हो ला हो आणि टाळ्या वाजवून प्रतिसाद देत होते (माझ्यासारख्या ब-याच नवीन बक-यांना इम्प्रेस करण्यासाठी).
मिड ब्रेन अ‍ॅक्टीव्हेशन हे सरळ सरळ थोतांड दिसते आहे. लोकांना मामा बनवून पैसे कमवायचे धंदे. यात वाईट एव्ह्ढेच वाटते की लहान मुलांना यात सामील करून घेऊन त्यांना खोटे बोलायला, दाखवायला भाग पाडले जाते. वरील व्हीडिओत ती लहान मुलगी कार्ड ओळखण्यासाठी हाताला, डोक्याला कार्ड चोळतेय हे चक्क नाटक करतेय हे स्पष्ट दिसतेय.

च्यामारी, धागा भारी न प्रतिसाद लै भारी

आमाला 98 नंतर 99 येतं एवढं माहिती आहे.
पुढं काय कल्पना नाय!

मिड-ब्रेन अ‍ॅक्टीवेशनचा सांप्रत काळात देशभर धुमाकूळ सुरु आहे

१०० पार!
या धाग्याचा मात्र मिपावर धुमाकूळ चालू आहे.

पुणे तिथे काय उणे....

या धाग्याच्या निमित्ताने अजुन एक माहिती शेअर करु इच्छितो. परवा माझी पत्नी मुलीच्या शाळेत गेली होती. तिथे एक पालक म्हणाली की त्यांनी त्यांच्या मुलीला सुंदर हस्ताक्षराचा क्लास लावला आहे. तीन महिन्याचा कोर्स आणि फी ₹ १५ हजार फक्त !!
३ च महिन्यात ते वळणदार अक्षर आणि तेही वेगाने काढायला शिकवतात अशी माहिती त्यांनी दिली.

खरतर एखाद्याचं अक्षर सुंदर आणि वळणदार असणे ही त्या व्यक्तीला मिळालेली नैसर्गिक देणगी असते असे मी मानतो. थोड्याफार सरवाने खराब अक्षर असणारे त्यात थोडी वरची पातळी गाठु शकतात. पण कोर्स वगैरे हे अती झालं. बर त्या बाईसुद्धा कोर्स सुरु केल्यापासुन आमच्या मुलीचं अक्षर सुधारायला लागलयं असा दावा करत होत्या.

मला तर यामधे वरील काही सदस्यांच्या प्रतिसादाप्रमाणे मार्केटींगच वाटतय.

त्याने ब-याच शाळांमधे बरेच सेमिनार घेऊन सांगीतले की अक्षर खराब असल्यामुळे ब-याच मुलांना दहावी बारावीच्या परीक्षेत गुण कमी मिळतात. त्याने इव्हन हेही पटवले की आधी पालकांचे अक्षर चांगले हवे. तरच मुलांचे अक्षर सुधरेल. आहे कि नाही एका दगडात दोन पक्षी :-)
त्यांचे हस्ताक्षर सुधारणा वर्गाचे फेबु. वर जोरदार मार्केटींग चालू आहे.

मला mid brain activation चा मेसेज आलाय मोबाईल वर. पुण्यात तीळक रोड ला परवा फ्री सेमिनार आहे . बघूया तरी जावून काय आहे हे . आता पुण्यात सुधा धुमाकूळ सुरु होणार कि काय

पुण्यात तीलक रोड ला कुठेशिक आहे ?

तीलक रोड>>>
खरच चुकलं . माफ करा . टिळक मार्ग बरोबर आहे . मेसेज असा आहे :

What is MIDBRAIN ACTIVATION & how it is going to benefit ur
child for a lifetime. Attend a free seminar on 17th July 7 pm
@MCCIA HALL Tilak Rd, Miscall 9764069900

या असल्या सगळ्या गोष्टी मी वयाचे १५ पार केल्यावरच का सापडायला लागल्या बरं :(
ते अ‍ॅबॅकस पण तसंच. मोठ्या माणसाना नाही शिकवणार म्हणे.
हे काही खरे असेल असं अज्जिबात वाटत नाहिये. पण असेलच तर काही वर्षांत मोठ्यांना पण कसं हुशार करायचं याचा शोध ही मुलेच लावतील.
मला जर असं काय काय अंतर-ज्ञान मिळालं तर काय बहार येईल या स्वप्नात हरवून गेलेय. :)

बाकी संदीप भाऊ, तुमच्या अभ्यासाचं फलित नक्की सांगा हो.

आपण जी गोष्ट उघड्या डोळ्यांनी पाहतो ती हि मुल डोळे बंद करून पाहतात . पण ह्याचा उपयोग काय ? त्यासाठी एवढे पैसे कशाला घालवायचे ?

ट.का. पेशल पंच