(श्री भरत उपासनी सध्या मिपाचे सदस्य नसले तरी दिवाळी अंकासाठी म्हणून ही कविता आपल्याला उपलब्ध झाली आहे. त्यासाठी श्री उपासनी यांना धन्यवाद!)
*****************
प्रकाश अपेक्षा
प्रकाश प्रतीक्षा
प्रकाशाची स्थिती
नित्य हवी //१//
तेजाची सत्याची
स्निग्ध मांगल्याची
निरामयतेची
दीपावली //२//
आकर्षून घेऊ
नित्य प्रकाशाला
पेशी पेशीमध्ये
दीप लावू //३//
अणु रेणु सारा
प्रकाशाने भरू
अस्तित्वाची करू
दीपावली //४//
गहन गंभीर
वेदांची प्रार्थना
तेजाच्या सामर्थ्ये
करू खरी //५//
आनंद उत्सव
सदा जी नुतन
नित्य नुतनाची
दीपावली //६//
आनंदी उत्साही
प्रकाश येऊ दे
संस्कृती प्रार्थना
करू खरी //७//
प्रत्येक मनात
लावू आता दिवा
मंगल प्रकाश
दीपावली //८//
चला आनंदाचा
करू जयघोष
प्रकाश प्रकाश
दीपावली //९//
कवि :- भरत उपासनी
एन थ्री एल २४ ,शारदाकुंज,
सिडको कॉलनी,पहिली स्कीम ,
नाशिक :- ४२२००९.
ई मेल :- bharatupasani@yahoo. भ्रमणध्वनी :- ८०५५८५२९७८.
प्रतिक्रिया
2 Nov 2014 - 3:14 pm | पैसा
छान! अगदी लयबद्ध सुरेख लिहिलंय!