गौरीपूजेचा नैवेद्य- घावन-घाटले

सानिकास्वप्निल's picture
सानिकास्वप्निल in पाककृती
5 Sep 2011 - 8:07 pm

.

साहित्य घाटले:
एका नारळाचे घट्ट् दुध
एक वाटीभर चिरलेला गुळ (आवडीप्रमाणे कमी-जास्त)
१ टेस्पून तांदुळपिठी कोरडीच भाजून
१/२ टीस्पून जायफळपूड
१ टीस्पून वेलचीपूड

.

पाकृ:
मंद गॅसवर भांडयात नारळाचे दुध घालून ढवळावे.
त्यात चिरलेला गुळ घालून एकत्र गुळ विरघळेपर्यंत ढवळावे.

.

गुळ विरघळला की त्यात कोरडी भाजलेली तांदुळपिठी घालून एकत्र करणे.

.

घट्ट्सर झाले की त्यात वेलचीपूड व जायफळपूड घालणे.

.

साहित्य घावनः

२ वाटया तांदुळपिठी
दुध लागेल तसे
चवीपुरतं मीठ
.

पाकृ:

तांदुळपिठीत लागेल तसे दुध घालणे व मीठ घालणे व सरसरीत भिजवावे.

.

नॉन-स्टीक तवा तापवून , थोडे तेल सोडून डावाने घावन घालावे.

.

झाकून शिजवणे, झाले की घडी घालून काढणे.
गरमा-गरम घाटल्यासोबत घावने सर्व्ह करावेत.

.

प्रतिक्रिया

सध्या मोदक चापतोय.. घावन घाटले फुरसतीने करण्यात येईल.
बाकी पाककृती जबरा आहे...

- पिंगू

मस्तय गं.... मला ते घाटले बघुन, पुरणपोळी सोबत गुळवणी करतात, त्याची आठवण झाली.

जाई.'s picture

5 Sep 2011 - 9:16 pm | जाई.

घावने पाहून तोँपासु

सुनील's picture

5 Sep 2011 - 9:18 pm | सुनील

व्वा! कोकणात गेल्यासारखे वाटले!

(काही ठिकाणी गौरीला तिखटाचा नैवेद्य करतात बर्र्का! तेव्हा त्याचीही पाकृ येउदे! )

आज गौरींच्या जेवणाच्या दिवशी आमच्याकडे पुरणपोळी असते. ती केलिये.
पुढच्या विकांताला घावन घाटल्याचा घाट घालते.
मी हा पदार्थ एकदाच खाल्लाय पण फोटू पाहून मस्त वाटलं!

विशाखा राऊत's picture

5 Sep 2011 - 9:24 pm | विशाखा राऊत

घावणे एकदम सही :)

प्रचेतस's picture

5 Sep 2011 - 10:14 pm | प्रचेतस

तो कुठेच दिसत नाहीये, खरोखरच तिजोरीत प्याक करून ठेवला असेल. :)

सानिकास्वप्निल's picture

6 Sep 2011 - 3:10 pm | सानिकास्वप्निल

हो असेच समजा...कारण तो बिचारा आता वापरण्याच्या लायकीचा राहीलेला नाही ओ...तुटला बिचारा (तरी मी त्याला दृष्ट लागू नये म्हणून तीट लावत असे)...म्हणून त्याला आठवण म्हणून जपून ठेवला आहे :)

अरेरेरे.... खुप वाईट झालं... चांगला होता बिचारा..
किती जणांच्या मनात भरला होता...
@५० फक्त - शोकसभेला कधी जायचं???

अरेरेरे.... खुप वाईट झालं... चांगला होता बिचारा..
किती जणांच्या मनात भरला होता...
@५० फक्त - शोकसभेला कधी जायचं???

सानिकास्वप्निल's picture

6 Sep 2011 - 6:01 pm | सानिकास्वप्निल

हो ना माझ्यापेक्षा ५० फक्त ह्यांना खुप वाईट वाटेल ...
असो मी अगदी तसाच आणेन हा लवकरच म्हणजे त्याची उणीव भासणार नाही ;)

प्रतिसाद्कर्त्यांनी फक्त तो हे सर्वनाम वापरून नक्की कोण याचा निर्णय वाचकावर सोडलेला आहे. त्यामुळे रूपकांना एक लवचिकता येते. हे या पाकृमधील प्रतिसादांचे एक मोठं शक्तीस्थान आहे.

दीपा माने's picture

5 Sep 2011 - 10:30 pm | दीपा माने

फोटोवरुनच पदार्थ किती सात्विक वाटतो नैवेद्यासाठी! चवीलाही छानच लागत असेल.

सुहास झेले's picture

5 Sep 2011 - 11:09 pm | सुहास झेले

वाह वाह... मस्त !!!
पाककृतीसाठी धन्स :) :)

मालवणात घावन अन नारळाची चटणी खाल्ली होती त्याची आठवण झालि, अगदि घरी चुलीवर केलेली घावनं जाम भारी होती, ही पण तशीच असतील, पाह्तो करुन कधितरी.

निवेदिता-ताई's picture

6 Sep 2011 - 7:24 am | निवेदिता-ताई

:)

परिकथेतील राजकुमार's picture

6 Sep 2011 - 3:14 pm | परिकथेतील राजकुमार

चाबूक पाकृ एकदम.

फटू पण एकदम खल्लास.

प्राजक्ता पवार's picture

6 Sep 2011 - 6:12 pm | प्राजक्ता पवार

मस्तं :)

सानिकास्वप्निल's picture

6 Sep 2011 - 7:30 pm | सानिकास्वप्निल

सगळ्यांना धन्यवाद :)

कवितानागेश's picture

6 Sep 2011 - 8:02 pm | कवितानागेश

:)
नारळाचे दूध सोडून बाकी सगळे सोप्पे आहे.

का गं?
क्यानमधे मिळते ना!
ते चालेल नाही का गं सानिका?
निदान मी तरी क्यान आणीन असा विचार करत होते.

सानिकास्वप्निल's picture

6 Sep 2011 - 8:46 pm | सानिकास्वप्निल

कॅनमधले चालेल ना.... काहीच प्रॉब्लेम नाही :)

अहाहा! नुसतं नैवेद्याचे ताट बघूनच मन भरलं.

कच्ची कैरी's picture

10 Sep 2011 - 3:15 pm | कच्ची कैरी

व्वा पाकृ.तर छान आहेच पण ताटाखालचा तो मोत्यांचा रुमालही सह्हीच आहे !!