"पीएसएलव्ही सी-9' चे यशस्वी उड्डाण

काल सगळ्या न्युज वाहिन्या त्यांचे नेहमीचे रद्दड काहीतरी दाखवत होत्या फक्त एकच मराठी वाहीनी याबद्दल दाखवत होती, कौतुक वाटले.

"सर्व भारतीयांना अभिमान वाटेल अशी घटना, "पीएसएलव्ही सी-9' चे यशस्वी उड्डाण."

सहमत.

राजे
(*हेच राज जैन आहेत)
माझे शब्द....

सर्व वैज्ञानिकांचे व सहकार्‍यांचे हार्दिक अभिनंदन.

(ईस्रो प्रेमी)
मदनबाण

आणि ह्या यशस्वी उड्डाणाने देशाच्या शिरपेचात आणखीन एक मानाचा तुरा खोचणार्‍या इस्रोच्या सर्व लोकांचे अभिनंदन!

एक नव्हे, दोन नव्हे, तब्बल १० उपग्रह एकाच वेळी यशस्वीपणे अंतरिक्षात प्रस्थापित करण्याचा हा जागतिक विक्रम आहे!!
हॅट्स ऑफ!!

चतुरंग

कालच इस्रो असे करणार आहे म्हणून वाचले होते पण आज सकाळी रीडीफवर/मटा/सकाळवर पटकन बातमी दिसली नाही. बातमी वाचून आनंद झाला/अभिमान वाटला.

यातील मोठा भारतीय उपग्रह आता भारतासाठी मॅपिंग करणार आहे. तेव्हढे वाचून आनंद झाला कारण कधी काळी नीट नकाशे मिळतील अशी आता अशा करता येईल (संशोधनासाठी म्युन्सिपॅलीटीत चकरा मारून पहा).

भारतिय शास्त्रज्ञांनी एक अभिमानास्पद कामगिरी केली ; आणि आमच्या सर्व वाहिन्यांना महत्व वाटत होते ते भज्जीने कानफटात मारल्याबद्दल भोगलेल्या शिक्षेचे. ' ब्रेकिंग न्युज ' म्हणुन किती वेळा ते दाखवत रहाल? ईस्रोची बातमी जागतिक महत्वाची. त्याला फूटेज किती आणि भज्जीला फुटेज किती ? काही तारतम्य ?
- - - - - पण हॅट्स ऑफ टू अवर सायंटिस्ट .
- - - - - - - केशवराव.

कौतुकास्पद कामगिरी केली आहे . ईस्रो" च्या सर्व वैज्ञानिकांचे व सहकार्‍यांचे हार्दिक अभिनंदन

सर्व वैज्ञानिकांचे व सहकार्‍यांचे हार्दिक अभिनंदन.
काल रात्री बातम्यांमध्ये पाहिले की १५ मिनिटांत प्रक्षेपण होणार आहे (काहीतरी गोंधळ झाला माझा) म्हणून सर्व वाहिन्या तपासून पाहिल्या. त्या एकाच वाहिनीवर ती बातमी होती. म्हणून असेल पण नंतर विसरलो. सकाळी १० वाजता कोठल्यातरी संकेत स्थळावर वाचले की प्रक्षेपण झाले म्हणून. आनंद वाटला.

खरे तर आणखी एक गोष्ट राहून गेली. माझी एक मैत्रीण आहे इस्त्रो मध्ये तिला फोन करणार होतो, माहिती आणि अभिनंदनाकरीता. पण कामात विसरून गेलो
बघतो उद्या प्रयत्न करून.

तुम्हा सर्वांना प्रतिक्रियेबद्दल धन्यवाद

हेच जाणुन घ्यायचं होतं, की भारतात या बातमीला रितसर प्रसिद्धी मिळाली का? कारण हल्ली "ब्रेकिंग न्युज" च्या नावाखाली जो काही गोंधळ ह्या न्युज चॅनलवाल्यांनी घातलाय ते बघता, ही बातमी त्यांना कितपत महत्वाची वाटते?

ब्रेकिंग न्युज - आज अमिताभ दोनदा शिंकला!

ब्रेकिंग न्युज - आज करीनाची डावी मांडी दुखत होती.

ब्रेकिंग न्युज - सकाळी माहीने (धोनी) मोटर-सायकल चालवली.

असल्या ब्रेकिंग न्युजच्या जमान्यात भारताने विज्ञान क्षेत्रात काय भरारी मारली व कुठला तरी उपग्रह त्याबरोबर १० उपग्रह पृथ्वीच्या कक्षेत सोडले, यात काय महत्वाचं?

तरीही, आज सकाळी इथे अमेरिकेत "आज-तक" या वाहीनीवर ४० सेकंदाची बातमी पहायला मिळाली आणि १५ सेकंदासाठी का होईना, उपग्रह अवकाशात झेप घेतानाचे चित्रण पहायला मिळालं ह्याचं खूप मानसिक समाधान वाटलं. "पीएसएलव्ही - ९" ने अनेक इतर राष्ट्रांचे ८ लघु-ग्रह (नॅनो-सॅटलाइट्स) सुद्धा पृथ्वीच्या कक्षेत सोडले त्यांत जपान, जर्मनी, स्वीडन, ब्राझिल सारख्या बलाढ्य राष्ट्रांचा समावेश आहे ह्याची दखल सी.एन.एन. व ए.बी.सी. या चॅनल्स् नी घेतली हे पाहुन फार बरं वाटलं.

माझ्या माहितीप्रमाणे जसे आज १० उपग्रह सोडले, तसे अजून २५ उपग्रह इस्रो अवकाशात सोडणार आहे.

(त्यातील एका उपग्रहासाठी मला थोडे फार काम करायला मिळाले ही माझ्यासाठी मोठी गोष्ट आहे.)

आपला,
(हर्षोल्लसित) अभियंता

"पीएसएलव्ही सी-9' चे यशस्वी उड्डाण" या घटनेमुळे भारतीय असल्याचा खूप अभिमान वाटला!

परंतु त्याचसोबत स्वातंत्र्य मिळून ६० वर्ष होऊन गेली तरी आज ठाण्यासारख्या शहरात आम्ही रोजचे ३ तास लोडशेडिंगचे पारतंत्र्य भोगतो आहोत याची भारतीय म्हणून शरमही वाटते! लेको, आधी रोजची धड वीज तर द्या आणि मग करा हवी तेवढी उड्डाणं!

च्यामारी, इथे गावागावात वीज, आरोग्यसेवा, पाणी यांसारख्या मूलभूत गरजांची मारामार आहे आणि लेकाचे उपग्रहांची उड्डाणं करताहेत! छ्या....!

आपला,
(वेळच्या वेळी विजेचं बील भरणारा एक त्रस्त भारतीय नागरीक) तात्या.

"पीएसएलव्ही सी-9' ने १० उपग्रह अंतराळात सोडले. अभिनंदन.
पुढची स्वारी चंद्रावर (चंद्र ह्या उपग्रहावर) असे घोषीत केले आहे. हार्दीक शुभेछा...!

पीएसएलव्ही सी-9' ने १० उपग्रह अंतराळात सोडले. अभिनंदन.
हार्दीक शुभेछा...!