घेरलेलं पिठलं

मस्त...मला पिठलं फार आवडतं..
एकदोनदा चांगलं झालं होतं पण आताशा अजिबातच चव येत नाही..काय चुकतंय काही कळत नाही..मी गुठळ्या होऊ नये म्हणून आधीच पीठ पाण्यात भिजवून घेते आणि फोडणीत टाकते..

घेरलेलं का म्हणतात ?
बाकी छानच.

लय भारी..खान्देशी मेजवानी...

आम्ही ह्याला हाटीव पिठले म्हणतो. कारण गुठळ्या होऊ नयेत म्हणून मोठ्या चमच्याने सतत हाटावे लागते म्हणून हाटीव पिठले. (हाटणे म्हणजे साधारण मॅश या कॄतीसदृश कृती.)
असेच हाटून पालक भाजी ही करतात. ती पालकाची हाटीव भाजी. (पण त्यात एका पालक गड्डीला १-२ चमचेच बेसन असते आणि कृती हाटीव पिठल्यापेक्षा बरिच वेगळी आहे. )

अरे व्वा! आताच कोबी घालून झुणका केलाय आणि आता ही पिठल्याची पाकृ!

मस्त मस्त प्रकार कळताहेत.........व्वा ...क्या बात है.!!!!!!!!!!!!!!!!!!!!!!!

तपशिलात थोडी दुरुस्ती हवी.

१)एका कढईत तेल गरम करत ठेवावे ,तेल गरम झाले कि त्यात जीरे,मोहोरी घालावी.जीरे,मोहोरी तड्तड्ली कि त्यात १ मोठा कांदा बारिक चिरुन घालावा.

ऐवजी एक मोठा कांदा बारीक चिरून ठेवावा. लसुण सोलुन बारीक तुकडे करुन घ्यावेत.

एका कढईत तेल गरम करायला ठेवावे ,तेल गरम झाले कि त्यात जीरे,मोहोरी घालावी.जीरे,मोहोरी तड्तड्ली कि त्यात बारीक चिरलेला कांदा घालावा.

असे असायला हवे असे वाटते.

खमंग पाकृ :)

मलाही हे पिठलं आवडतं पण त्याला घेरलेलं म्हणतात हे माहित नव्हतं.
त्यात राहिलेल्या (आणि शिजलेल्या) छोट्या गाठी छान लागतात.
म्हणून आम्ही त्याला गाठीचं पिठलं म्हणतो.
मला पाण्यात पीठ आधी कालवून केलेलं पिठलं मात्र तेवढं चांगलं जमत नाही.

वा!
मस्तच. या पिठल्यावर लसणाचं तिखट (छोट्या लोखंडाच्या वाटीत ठेचलेला लसूण तेलात तिखट टाकुन परतवलेला) टाकुन सोबत ज्वारीची भाकरी किंवा गरम गरम भात फारच अप्रतिम लागतो.