नारळी पेढा

साहित्य : एक वाटी ओले खोबरे ( खवलेले) ,एक वाटी गूळ ( पिवळा) , वेलदोडा , जायफळ.

कृती : एक वाटी ओले खोबरे घ्यावे. फ्रायपॅनमध्ये ते गरम करण्यास ठेवावे . त्यापेक्षा किंचीत कमी गुळ खवून घ्यावा. हा फ्राय पॅन मध्ये खवलेल्या खोबर्‍यात मिसळावा. गॅस मध्यम आचे वर ठेवून थोड्या थोड्या वेळाने मिश्रण हलवावे. थोड्यावेळाने मिश्रण घट्ट होण्यास सुरवात होईल. गुळाचा रंग नारळास लागून मिश्रण गुलाबी केसरी होईल. घट्ट झाले की त्याचे त्यात किंचीत जायफळ पावडर घालावी. व पेढ्यासारखे गोळे बनवावे. थाळीत ते वाळत घालावेत. त्यावर वेलदोडा पूड पसरावे.
जायफळा ऐवजी व्हॅनीला इसेन्स वापरला तरी चालतो.