ओला, उबेर आणि खाजगी ट्रॅव्हल्स कंपन्या पन्क्चुअल / रिलायेबल आहेत का ?

सर्वच खाजगी वाहनांचा हा प्राॅब्लेम आहे, खरा प्राॅब्लेम कंपनीचा नसुन ड्रायव्रर लोकांचा आहे, ते एकतर नोकर असतात. कॅब कॅन्सल करायला लावतात म्हणजे त्यांना कॅश मिळते जी मालकाला कळत नाही. निता वैगेरे गाड्यांचेही तेच, अधले मधले लोक ते घेतात ज्याचे त्यांना पैसे मिळतात. कार्ड पे वाल्यांपेका ते कॅश वाल्यांना प्रेफरन्स देतात.

शहरातच थोडा दूरचा प्रवास असेल (म्हणजे २०-२५ किमी) तरी ओला-उबेर भरवशाची राहिली नाही. हे अनेकदा 'येतो' म्हणून नंतर येतच नाहीत, ट्रिप रद्द करतात .. निवांत वेळ असेल तरच यांच्या भानगडीत पडावे असे झालेय. बूक करा, मग कॉल करुन येतोय का ते विचारा , त्यातून तो ड्रायव्हर प्रामाणिक उत्तर देईल याची खात्री नसते त्यामुळे तो येईल अशी आशा करत ट्रॅक करत रहा हे आपल्या हातात. ड्रायव्हर आला आणि ट्रिप चालू झाली की सहसा काही अडचण येत नाही. एकदा ट्रिप चालू झाल्यावर ते सहसा जास्त नाटकं करीत नाहीत. पण रद्द केलेल्या ट्रिपकरिता कुणी रेटींग देवू शकत नाही त्यामुळे तोपर्यंत त्यांची मनमानी चालते.
बाकी रिक्षाबद्दल म्हणाल तर पिंपरी चिंचवडमध्ये अजिबातच मीटर टाकत नाही, पुणे शहरात निदान मध्यवस्तीत टाकत असावेत, बाकी वेळ आणि प्रवासी (पुण्यातला की बाहेरचा) वगैरे बघून मनमानी चालत असावी असा अंदाज.. एकूणात सगळा आनंद आहे.

पुढच्या वेळी पुण्याला जाताना स्वत:ची किंवा भाड्याची तरी गाडी घेतल्याशिवाय जायचे नाही, असे आता पक्के केले आहे

हे योग्यच ठरवलंत.

पुढच्या वेळी पुण्याला जाताना स्वत:ची किंवा भाड्याची तरी गाडी घेतल्याशिवाय जायचे नाही, असे आता पक्के केले आहे

दोन किंवा जास्त लोक असल्यास हा पर्याय, अत्यंत सोईस्कर आहे (हवे तेव्हा, हवे तितका वेळ आरामशीर वाहन आणि चालक सेवेला तत्पर). तीनपेक्षा जास्त प्रवासी असल्यास, शहर ते शहर प्रवास आणि भेट दिलेल्या शहरांतील अंतर्गत प्रवास जमेस धरला तर, हा पर्याय आर्थिकदृष्ट्याही फायदेशीर ठरू शकतो.

मला ऊबर छा अतिशय वाईट अनुभव आहे. तेव्हापासून उबर वापरणे सोडले. ओला चां अनुभव बरा आहे. ओला रीक्षाचा अनुभवही चांगला आहे. तुझे अनुभव फेसबुकवर त्यांच्या पानावर टाक. मी उबर अनुभव त्यांच्या पानावर टाकला होता व त्यांच्या कस्टमर केअर ला दखल घेणे भाग पडले होते, कारण इतर लोकही वाचतात व त्यांच्या नावाला धक्का पोहोचतो व बिझनेस कमी होतो.

उबर कधीच घेऊ नये.

आणि नीता वगैरे पेक्षा एस टी महामंडळ कधीही झिंदाबाद.

छान लेख! आवडला...

बाकी अनुभव...असे अनुभव येत असतात कधी कधी. मला उबर खूप जास्त रिलायेबल आणि सोयीची वाटते. माझ्याकडे कार नाही. बायको सप्टें २०१६ मध्ये गरोदर राहिली. त्यानंतर मार्च २०१७ मध्ये डिलिव्हरी झाली तेव्हा फक्त सात महिने झालेले होते. बाळ १.५ महिने आयसीयूमध्ये होते. नंतर सहा महिने सतत हॉस्पीटल आणि डॉक्टरकडे चकरा व्हायच्या. हा सगळा कठीण काळ उबरमुळे खूप सुसह्य झाला. अजूनही मी उबर खूप मोठ्या प्रमाणात वापरतो. मला काही किरकोळ अपवाद वगळता कधी प्रॉब्लेम नाही आला. ओलाचा मात्र माझा अनुभव वाईट होता. एकतर खूप महाग होते. चालक वेळेवर येत नसत. बर्‍याचदा ट्रिप परस्पर कँन्सल करत असत. मग मी ओला अ‍ॅप काढूनच टाकले. बाकी न सांगता किंवा येतो सांगून ट्रिप (किंवा कुठल्याही कामासाठी येणे) कँन्सल करणे हा 'मराठी बाणा' आहे. काही अपवाद वगळता मराठी ड्रायव्हर्स थर्ड्क्लासच असतात. अख्ख्या जगात फक्त पुण्यातील उबरचे ड्रायव्हर्स राजेशाही थाटात चालकाच्या सीटवर बसून राहतात. अगदी म्हातारे जोडपे खूप सामान घेऊन येत असेल तरी! किंवा वृद्ध व्यक्ती जड बॅग घेऊन डिकीत टाकण्याचा प्रयत्न करत असेल तरी! हे माजोर्डे ड्रायव्हर्स खुशाल बसून राहतात.

माझ्याकडे उबरचे इतके अनुभव आहेत की मी त्यावर एक पुस्तक लिहू शकेल :-) काही निरीक्षणे:

• दूरच्या अंतरासाठी उबर खूप परवडते. जवळच्या अंतरासाठी खूप महाग पडते.
• तुम्ही एकदा भाडे चेक करून अ‍ॅपमधून बाहेर पडलात आणि पाचच मिनिटात पुन्हा भाडे चेक केले तर पाचपैकी तीन वेळेस भाडे बरेच कमी होते.
• खूप उबर वापरणार्‍यांना उबर जास्त ऑफर्स पाठवत नाही. मला असे वाटते की डिपेंडन्सी जितकी जास्त तितका उबरचा फायदा जास्त.
• उबरचे ड्रायव्हर्स बर्‍यापैकी विनयशील आहेत.
• उबर ड्रायव्हर्सशी गप्पा मारल्यास खूप रंजक माहिती मिळते. मस्त टाईम-पास होतो.
• पुण्यातले उबर ड्रायव्हर्स सामान डिकीत ठेवायला कधीच मदत करत नाहीत. डिकी उघडून देऊन बादशाहसारखे ढिम्म बसून राहतात. अर्थात, ही तक्रार बाहेर राज्यातले लोक देखील करतात.

मी मुंबईत उबरच्याच गाड्या वापरत आहे. आता पर्यंत मला उबरचा एकही वाईट अनुभव नाही. त्या मानाने "ओला"चे भाडे नेहमीच जास्त असते. असे का ते माहिती नाही. ओलाच्या एका ड्रायव्हर ने आपले भाडे परस्पर कॅन्सल केले तेंव्हा त्याला ५ पैकी १ स्टार देऊन मोकळा झालो आणि उबर बुक केली.
दोनदा मुंबई ते पुणे सुद्धा आलो आहे एकदा ओला आणि एकदा उबर आउट स्टेशनने पण अनुभव उत्तमच आला आहे. मुंबईत ओला उबर या रिकशा टॅक्सी पेक्षा बऱ्याच स्वस्त पडतात आणि जास्त अराम दायक आहेत.
बाकी इतर शहरात ओला उबरचा अनुभव नाही.
अशा अनुभवामुळे मी नवी गाडी घेण्याचे ( यशस्वी पणे) टाळले आहे.मारवाडी हिशेबाप्रमाणे नवी गाडी घेऊन तिचा इ एम आय आणि विमा यात पैसे घालवण्याच्या अर्ध्या किमतीत सुखाने "ओला उबर"ने जाता येते. वर मानसिक शांतता.

१) कॅबचालकाकडून ऐन वेळी कॅन्सलेशन किंवा येतो म्हणून न येणे पुण्यातल्या प्रत्येक कॅब सर्वीसकडून किमान दोन दोनदा अनुभवून झाले आहे. या बाबतीत ओला किंवा उबर अधिक सरस किंवा अधिक वाईट असे काही नाही.
एका सर्वीसकडे अधिक चांगले अनुभव आणि एका सर्वीस कडे अधिक वाईट अनुभव असे होत असेल तर कुणाला कोणता देव पावतो कुणाला कोणता देव कोपतो म्हणावे किंवा थेअरी ऑफ प्रोबॅबिलीटी स्विकारावी.

२) समस्या कॅबचालकांना ओळखीतली दुसरी चांगली ऑफर मिळाली कि ते तिकडे धावतात, सुरवातीची दोन एक वर्षे हि समस्या फारच होती, वस्तुतः गेल्या एखाद दिड वर्षात कॅबसर्वीसेस कडून काँट्रॅक्टस मध्ये बदल झाल्याने असेल कदाचित ऐनवेळच्या कॅन्सलेशनचे प्रमाण तसे बरेच कमी झाले आहे. पण नको तेव्हा असे अनुभव येऊ शकतील हे गृहीत धरुन त्या तयारीनेच रहावे लागते. आता कॅन्सलेशनचे प्रमाण कमी झाले असले तरी पिक ऑवर रेट्स भरमसाठ वाढले आहेत हे बहुधा कॅबचालकांशी जुळवून घेऊन कॅन्सलेशन टळावीत म्हणून झाले असावे

३) कॅब /प्रायव्हेट बस केल्या नंतर सर्वप्रथम चालकाशी लगोलग फोनवर बोलून घेऊन तो येणार आहे आणि तुमचा पत्ता त्याला समजतो आहे याची खात्री करुन घ्यावी. खात्री न केल्यास धागा लेखात नमुदकेल्या प्रमाणे मनस्तापाचे आश्चर्यकारक अनुभवांची संख्या वाढू शकते.

४) गावा बाहेर असाल, पिक ऑवर्स किंवा मध्यरात्री वाहन हवे असल्यास कॅबसर्वीस अनुपलब्ध राहण्याची एक शक्यता गृहीत धरून दुसर्‍या पर्यायाच्या तयारीत आधीपासूनच असावे.

५) कॅबसर्वीसेस चे सॉफटवेअर आणि गूगल मॅप पुर्वी पेक्षा बरे असले तरी त्यातही अद्याप परफेक्शनला बराच अवधी आहे त्या दृष्टीनेही आश्चर्याच्या धक्यांसाठी तयार राहून. गूगल खरेच बरोबर रस्ता दाखवतो का याची खात्री करावी. नो वे , वन वेंच्या बाबतीत गूगल अद्याप बरेच घोटाळते.

फ्लीट टॅक्सि चा मुंबई चा अनुभव चांगला आहे. खाजगी गाडीची उणीव भासत नाही.
बाकी खाजगी बसच्या बाबतीत बोलायचे तर , वर म्हणाल्या प्रमाणे एसटी झिंदाबाद.

अशात डेली बेसिस शेअर्ड कार पण सेल्फ ड्राईव्ह प्रकारातील काही जाहीरात दिसली होती. कुणाला काही कल्पना आहे का त्या बाबत

मुंबईतला माझा उबेराचा अनुभव चांगला होता. माझा परिसर ठाणे-मुलुंड-पवई-दादर इतकाच होता.

एकदा मात्र गंमत झाली. उबेर चालकाचं दिशादर्शन बिघडलं होतं. त्याला माझं घर (तीन पेट्रोल पंप, ठाणे) सापडेना. त्याला फोनवरून सूचना देऊन बोलावलं. ते त्याला जमलं. मग आम्ही पवईs जायला निघालो. सुदैवाने माझं दिशादर्शन ठीक चालू होतं. मग मीच दिशादर्शक बनलो आणि त्याला पवईच्या गल्लीबोळांतनं फिरवीत इच्छित स्थळी घेऊन गेलो. उतरल्यावर नंतर गूगल म्यापवर बघितलं तर नेहमीच्या राजरस्त्यावर प्रचंड वर्दळमुरंबा होता. उबेराच्या अॅपने इतका सखोल विचार केला हे पाहून हृदय भरून आलं. चार तारे दिले. एक तारा कमी कारण चालकाचं अॅप ठीक दिशादर्शन करीत नव्हतं. अर्थात चालकाचा दोष नाही म्हणा. माझ्या अॅपची बेफाट स्तुती आणि त्याच्या अॅपची बिनपाण्याने हजामत केली.

-गा.पै.

स्वतः ड्राईव्ह करायचा कंटाळा आला किंवा एअरपोर्ट ड्रॉप/पिक अप करायचे असेल तर कॅब बुक करण्याची वेळ येते. पण रेट आणि एकंदरीत सेवेच्या बाबतीत मुंबईत उबर पेक्षा ओलाचा अनुभव चांगला आहे. लोकेशन मध्ये बऱ्याचवेळा गडबड होते पण नुकतेच एका ओला ड्रायव्हरने सुचवल्या प्रमाणे ओला लाईट app वापरून बघायचे आहे, त्याच्या म्हणण्या प्रमाणे त्यात लोकेशनच्या बाबतीत बरीच ॲक्युरसी आहे.

दिल्ली शहरात आज अशी परिस्थीती आहे कि जर तुमच्याकडे उबर/ओला अ‍ॅप चालणारे स्मार्टफोन नसतील तर टॅक्सी सेवा मिळतच नाहि. उबरचा अनुभव बरा आहे.

ओला चे ड्रायव्हर्स परस्पर ट्रीप कॅन्सल करणे वगैरे उत्तम रित्या करतात.
ऊबर ला बहुतेक तशी सोय नसावी. कारण एकदा मी ऊबर च्या ड्रायव्हरला विचारलं होतं की ओला च्या बाबतीत कॅन्सल होण्याचं प्रमाण इतकं का आहे? तर म्हणे ओला च्या ड्रायव्हर अ‍ॅप मध्ये Destination समजतं त्यावर ड्रायव्हर ठरवतात की हे भाडं घ्यायचं की कॅन्सल करायचं.
उबर चे ड्रायव्हर ओला च्या ड्रायव्हर पेक्षा बरे किंवा चांगले म्हणता येतील.
वरती दिलेल्या इतरांच्या प्रतिक्रिया सुद्धा उपयोगी आहेत.
शेवटी

कॅबसर्वीस अनुपलब्ध राहण्याची एक शक्यता गृहीत धरून दुसर्‍या पर्यायाच्या तयारीत आधीपासूनच असावे.

हे मात्र १००% खरं आहे.