तुम्ही अस कधी केलेय का हो?
तुम्ही अस कधी केले आहे का हो तुमच्या आई बाबाना घेऊन तुमचा पहीला पगार सेलीब्रेट करायला छानश्या हॉटेल मध्ये गेलाय. आता पर्यन्त कधी तरी घरातला गॅस सम्पलेला असताना नाइलाज म्हणुन तुम्ही हॉटेल मध्ये जाणारे. दोन राइसप्लेट चार जणात मागवणारे तुमचे कुटुम्ब थोडेसे बावचळलेल असते. तुमचा पहीला पगार खिशात खुळखुळत असतो. आई हळूच म्हणते मला इडली मागव. बाबा डाळ भात सांगतात बहीण व्हेनीला आइसक्रीम सांगते. हे सगळ पदार्थांचे दर बघून केलेली फरमाइश असते. इतके दिवस मन मारून ठेवायाची सवय असते. अचानक अशी बरी सुटेल ती. मग तुम्ही सर्व सूत्र आपल्या हाती घेता आईला तिच्या आवडीची बिरयानी मागवता. बाबाना स्पेशल ड्यूलक्स राइस प्लेट, बहिणीला हाक्का न्यूडल्स आणि कपेचीनो. आई बाबा बहीण अरे कशाला इतक सगळ, इतक महागाच वगैरे म्हणत असतात. पण तुम्ही ऐकत नाही. हे सर्व मागीतल्यावर तुमच्या लक्षात येत की तुम्हाला तुमच्यासाठी काही मागवायाची काही इच्छाच राहिली नाहीये. तुमच पोट सुखाने भरलय. तुम्ही आईला बिरयानी खाताना बघाताय. आईने केलेली खिचड़ी तुम्हाला आठवतेय. तुम्ही बाबाना पुरी आणि भाजी खाताना बघाताय. त्यानी ऑफीस मधून कधी काळी आणलेली कुठल्याश्या समारंभतली जिलबीची चव तुमच्या जिभेवर रेंगाळतेय. बहीण केपेचेनो पीते आहे तुम्हाला आग्रह करते आहे पण तुम्हाला तिच्याबरोबर घेतलेला उसाचा रस आठवतोय. तिने मुद्दाम करुन दिलेल्या लिम्बाच्या सरबताची चव तुमच्या जिभेवर आहे अजून. तुम्ही काही खात नाही. ऑफीस मध्ये खाऊन आल्याच खोट सांगितले आहे पण हे खोट तुम्हाला मिळणार्या आनंदापुढे अगदी माफ आहे
खरंच तूम्ही अस कधी केलेय का हो? नसेल केल तर करून बघा.अगदी असच
प्रतिक्रिया
7 Sep 2018 - 10:04 pm | खग्या
असलं काही मला झालं नाही. मी पहिल्या पगाराच्या पार्टीला आई बाबांना घेऊन गेलो होतो तेव्हा त्यांच्या आवडीचं मागवलं होतंच, पण मी सुद्धा चापून जेवलो होतो. मला आठवतंय चांगला २५% पगार पहिल्या रात्री खर्च केला होता.
7 Sep 2018 - 11:58 pm | चित्रगुप्त
सुंदर, तरल लेखन.
8 Sep 2018 - 2:54 am | टवाळ कार्टा
भारी....मी मुंबईच्या ताजमध्ये सकाळचा नाश्ता केलाय :)
8 Sep 2018 - 6:22 pm | खटपट्या
मी माझा पहिला पगार देवापुढे ठेवला होता.
बाकी कुटुंबियांसोबत दर विकांताला बाहेर खादाडी होतेच.
8 Sep 2018 - 7:48 pm | लौंगी मिरची
पहिला पगार आई कडे दिला होता .
8 Sep 2018 - 10:57 pm | मराठी कथालेखक
आता कसं करणार ..पहिला पगार मिळून सतरा वर्षे उलटलीत :)
9 Sep 2018 - 9:36 am | ज्योति अळवणी
बऱ्यापैकी आर्थिक सुबत्ता असलेल्या घरात असल्याने बाहेर जेवायला जाणे फार वेगळे नव्हते. त्यात पहिला पगार इतका दणदणीत होता की आई-वडील विचार करून काही मागवतील असे देखील नव्हते. मात्र मी नेणार जेवायला अस म्हणताच आमच्या पिताश्रीनी फतवा काढला की पगार वाचवायला शिका. त्यांनी लगेच FD करून टाकली पगाराची आणि वर सांगितले लग्न होईपर्यंत तुझा खर्च मी करीन. पैसे जपायला आणि विचार करून खर्च करायला शिक म्हणजे झालं. त्यामुळे मग सगळ्यांसाठी ice cream आणून मी समाधान मानले होते तेव्हा. 25 वर्षे झाली या गोष्टीला. त्यावेळी थोडं वाईट वाटलं होतं बाबांच्या वागण्यामुळे. पण मग हळूहळू पटत गेलं. गेल्या वर्षी माझ्या मोठ्या लेकीचा पहिला पगार झाला. त्यावेळी तिला मीच सांगून ठेवलं होतं; मस्त ice cream चा बेत करू. बाकी savings करायला सुरुवात कर.
नवीन नोकरी लागली की नकळत खर्चीकपणा वाढतो. कदाचित तसा स्वभाव होऊ नये म्हणून वडिलांनी तसं सांगितलं असेल... कथन किमान माझं तरी तेच कारण आहे लेकीला savings करायला सांगताना
9 Sep 2018 - 8:57 pm | palambar
छान लेखन! खरचं सारखं मन मारून
जगण्याने आपण आनंद घ्यायलाच विसरतो
हे सांगणार लिखाण!