हाती फिरवत गदेस गरगर
बंडू फिरतो भरभर घरभर ,
येणा-जाणाऱ्यास तडाखे
बाल महावीराचे शंभर !
सोफ्यावरून खुर्चीवरती -
खुर्चीवरून फरशीवरती ,
उड्डाणातुनी जखमी होतो
पराक्रमी तो बंडू असतो !
ढगांची गडगड कानीं येता
बंडू एकदम गडबडतो -
महावीर बंडू हा अमुचा
आईच्या पाठीशी दडतो !!
प्रतिक्रिया
10 Aug 2011 - 2:26 pm | प्रास
विदेश भौ,
तुमचा हा महावीर बंडू भारी आवल्डा बरं का आपल्याला.....
10 Aug 2011 - 4:57 pm | धन्या
छान असतात बालगीते तुमची... पुस्तक नक्की निघू शकेल...
11 Aug 2011 - 2:18 pm | पप्पु अंकल
बंडू अगदी डोळ्यासमोर ऊभा केलात.
11 Aug 2011 - 3:18 pm | परिकथेतील राजकुमार
हेच बोल्तो.
सुटसुटीत आणि चटपटीत बालगीत आवडले.
11 Aug 2011 - 4:00 pm | गणेशा
छान