विडंबन — मराठी विडंबन काव्य व लेखनाचा संग्रह. प्रसिद्ध कविता व गीतांवरील खुमासदार विडंबने येथे वाचा व हसा.
तुला नेहमीच अवांतर आवडणार,
आणि मी वांझोट्या चर्चांचा दिवाणा …
माझ्या मनात सविताभाभीचे वेड..,
तुझ्या मॉनिटरवर मुर्च्छा उघडणार,
......... आपलं कसं जमणार?
तु कायम परदेशी अनिवासी
माझे जगणे सदैव निवासी
तु सारखा फोन करणार…
मी मात्र नंबर बदलणार…
.......... आपलं कसं जमणार?
आज ना उद्या जमेल मला
तुझ्या प्रतिसादावर संपादन आणण…
तोपर्यंत मात्र मी असाच असणार…
तुझ्याशी बोलताना "+१" स्मरणार…
.......... आपलं कसं जमणार?
जसे आपले वर्तमानपत्र रोजच्या "खर्‍या" घडलेल्या घटना आपल्यापर्यंत पोचवते, तसेच ....
प्रस्तुत आहे- चित्रपानपत्र..
म्हणजे काय? असे विचारता?
सांगतो. अहो, कल्पना करा की चित्रपटंमध्ये ज्या घटना घडतात, त्या प्रत्यक्ष घडताहेत असे आपण क्षणभर मानले तर त्याच्या बातम्या कशा तयार होतील याची कल्पना मी केली आणि त्या बातम्या छापणारे म्हणजे- "चित्रमानपत्र" .
जळजळीत प्रेरणा
अंतर्जालावर मराठीची भुक भागवण्यासाठी आलेल्या वाचकाला,
नखुरडे ठसठसत प्रतिसाद टंकणार्‍या रसिकाला,
वास येतोय सटरफटर कुजलेल्या कवितांचा,
स्टोन स्टोन स्टोन (फेकुन मारा)
काव्यप्रतिभेचे अंतर्गत वस्त्रहरण आणी धिंडवडे
लेखन/ साहित्य दारूण विनाशाकडे
लोचट ओशट कविताकरती
त्यावर खंडीभर प्रतिसादभरती
कविताथैमान प्रतीक कॅत्रिना
अघोरी मळमळ गप्प बसवेना
तुटतो संयम कर्रम कुर्रम
कविता पडिती गर्रम गर्रम
विडंबनाचा प्रथमच प्रयत्न. प्रेरणा श्री. विशाल कुलकर्णी यांची अतिशय सुंदर
"विचारू नका " ही कविता.श्री. कुलकर्णी साहेबांची मनापासून माफी मागून
विचारू नका..!
स्मरत नाही कोण मी
काहीच ह्या क्षणी
मज विचारू नका
होती घ्यायची घोटभर
पचवलि कैसी पोटभर
आज मज विचारू नका
रीचवले प्याले अनंत
तरंगतो अधांतरी हलका हलका
काय जादू जाहली
आज मज विचारू नका
मार्गस्थ ह्या झालो कसा
तो मार्ग मज विचारू नका
ब्रम्हानंदी टाळी लागली
वेदनांचा पत्ता विचारू नका
मिलिंद फणसे यांची अप्रतिम गझल चित्र वाचली आणि काही दिवसापुर्वी इथे आलेल्या वादळाच्या आठवणी जाग्या झाल्या.
उघडी पडली अर्थव्यवस्था, नवे प्रशासक झाले
नि धाग्यातून झाली गणती, किती कफल्लक झाले!
कशी, कधी या स्थळाची मंडई बनवली सांगा?
असे, कसे हे सुजाण सगळे मुर्ख गिर्‍हाइक झाले?
पाहा, पाहा पोतडीतले किती आयडी आले
आणिबाणी उठली आणीक, किती विधायक झाले
फरार झाला आहे मालक अशी वदंता होती
अन पुर्वीचेपूजक त्याचे, सगळे मारक झाले
प्रेरणा : - कुमार जावडेकरांची सुंदर गझल कदाचित
सरेल एवढा प्रहर कदाचित..? #:S
असेल बाधली भगर कदाचित..! :S
पुन्हा कधीतरी समीप येता..
तुझी चळेलही नजर कदाचित. ;)
समोरुनी तुझ्या निघून गेलो.
(पुन्हा खोदली मी कबर कदाचित..)
करेल शांत या मनास आता..
तुझ्या कुपीतली लिकर कदाचित..
तरी किती मी बजावले मनाला-
नसेल खोल ती गटर कदाचित.
निघेल एक एवढी लचक अन.
बनेल पूर्ववत कमर कदाचित?
----- B)
सध्या थोडा वेळ आहे म्हटल मिपावर काय चालय पहावे..थोड्या खरडी थोडे प्रतिसाद चाळल्यावर आम्हाला जलालाबादी बाबांच्या कृपेने काही साक्षात्कार झाला
मिसळी वरती धुडूम्म गाज
चिंचवडगावचा गोलंदाज
अल्फाबीटा थीटागामा
काय खरडले हे ओ मामा
शब्दखुमारी सुसूत्र पाडन
वाचून जनता करते धावन
लेखण भीषण वाचण फेसण
प्रतिसादांचे शरदी मंथन
जालिंदरच्या शाब्दिकलीला
क्लास लावूनी वाचक मेला
"केश्या"ला या फोडाझोडा
लोकांची का गुपिते फोडा
शैलेंद्र यांची क्षमा मागून,(https://www.misalpav.com/node/12362)
ढिनच्याक ढिनच्याक नाचू निरन्तर , हलवू कंबर आपुली आज,
जवळ येऊनी , दूर जाऊनी , घेऊ गिरकी झिंग खलास
हाडे वाकवुनि विशालकोनी , जनामनाची सोडुन लाज,
व्युत्क्रमकोनी बोंबा ठोकू , चरसी सारे त्रिभुवन आज
कशी बंधने हलकी झाली , वार्‍यावरती कपडे फिरती,
नजरेला ज्या टोचत होत्या , सर्व अचानक गाठी सुटती,
नसता गुंता ओढाताण , स्कर्ट पांढरा कृष्ण तुमान ,
तुला दिसावे मला दिसावे , आज मोकळे सारे रान.
प्रेरणा
{जगातल्या सगळ्या आया आणि त्यांच्या लेकरांची माफी मागून}
अलिकडे निंबोणीचे झाड राहिलेच नाही
चंद्र वेडा मोबाइलच्या टॉवरमागे झोपी जाई!
गाय पदपथावर, चिमणीला घरटे नाही
परस ना वेली, कुठे झोपतील जाई-जुई?
शाकीरा, मॅडोना, जॅक्सन यांनी गिळली अंगाई!
देवकी, यशोदा नाही, आई हवी पैसेवाली
हट्ट पुरविता तिची झोळी रिकामीही झाली!
नको रडगाणे, हवी जाहिरातीमधली आई!
सध्या मिपाच्या हॉटेलात काय खावे आणि काय नाको यावर जंग्गी चर्चा चालू आहे त्याला प्रतिसाद घ्यावा या विचारात होतो तितक्यात शरदिनीतै ची अतिवससुंदर कविता वाचनात आली
पोटी ऐकून धुडूम्म गाज
परसगावचा हा अंदाज
पोरासोरा सवालआम्हा
काय हदडले ओ मामा
गोलाबारी सुसूत्र ताडन
हर बारीला दारूण धावन
शोषण भीषण पोषण बेसन
गाडीवरचे चटपट ग्रासन
जहाल काढा पत्थरपाला
ढोसून जिव्हा कडू जहाला
तोंडाला घालून या खाडा
गप्पगुमाने घरी पडा
मिसळपाव