मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

फांदी-२

केशवसुमार · · जे न देखे रवी...
लेखनविषय:
विडंबन

आमची प्रेरणा : प्रदीप कुलकर्णींची अप्रतिम गझल "फांदी".

........................................
(फांदी)
........................................

अर्थ शब्दांचा जरा आहे अघोरी!
काव्य आहे आमचे थोडे मुजोरी!

येव्हढा गलका इथे का चाललेला?
तोकड्या कपड्यातल्या जमल्यात पोरी!

बायको समजून धरलेले जिला मी...
नेमकी सासू निघावी पाठमोरी!

का अधी केलेस त्याच्या धन हवाली?
अन जगाला सांगतो झालीय चोरी...

पाहता कविता नवी मजला कळवती...
"केशवा" कविता नवी आलीय कोरी!

पोच 'काट्या'ची कमी पडते जराशी...
उगिच ना देहास या, म्हणतात बोरी!

येव्हढे हे काय जे चमकून गेले?
आरसा ना आमचे टक्कल बिलोरी!

मी तुझ्या कवितेस कंटाळून गेलो...
"केशवा" झाली तुझी कितवी लगोरी?

आमची दुसरी कुठे नाहीच 'फांदी'...
ही पुणेरी धन्यता, ना ही मुजोरी!

- केशवसुमार

........................................
रचनाकाल १४ मे २०१०
........................................

वाचने 4020 वाचनखूण प्रतिक्रिया 16

मुक्तसुनीत 15/05/2010 - 06:56
बायको समजून धरलेले जिला मी... नेमकी सासू निघावी पाठमोरी! केसु इज ब्याक* ! किंवा आता kesu está de volta असे म्हणायला हवे ! खि खि खि * आता इथे ब्याक = पाठ नव्हे याची नोंद घ्यावी. ;-)

सन्जोप राव 15/05/2010 - 07:04
आमची दुसरी कुठे नाहीच 'फांदी'... ही पुणेरी धन्यता, ना ही मुजोरी! खास खास! सन्जोप राव 'मजरुह' लिख रहे हैं वो अहले वफा का नाम हम भी खडे हुए हैं गुनहगार की तरह

अरुण मनोहर 15/05/2010 - 08:30
>>>बायको समजून धरलेले जिला मी... नेमकी सासू निघावी पाठमोरी! अरारारारा.. काय नशीब!

टारझन 15/05/2010 - 09:19
बायको समजून धरलेले जिला मी... नेमकी सासू निघावी पाठमोरी!
हाहाहा =)) जबरा !! कुठे जॅकपॉट लागला का ? ते शोधत होतो ;) जॅकपॉट वरुन एक जोग आठवला , पोस्टमन खाली रहाणार्‍या देशपांड्यांकडे पाचव्या मजल्यावर राहाणार्‍या जोष्यांचं पत्र टाकून जातो . देशपांडे पडले समाजसेवक , तडक पाचव्या मजल्यावर पत्र द्यायला निघाले ... आता पाच मजले चढे पर्यंत बिचार्‍यांना पार धाप लागली .... त्यांनी दरवाजा वाजवला , तर आतून त्यांच्या कामवाली ने दरवाजा उघडला. देशपांडे (हाफत हाफतंच) : देशपांडे आहेत का ? कामवाली(एकदम हळु आवाजात) : नाहीयेत .. या नां !! (फांदी टू फांदी) टारझन

कानडाऊ योगेशु 17/05/2010 - 14:56
अगागागा...एकदम बेक्कार टुकार जोक..पण देशपांडे (हाफत हाफतंच) : देशपांडे आहेत का ? कामवाली(एकदम हळु आवाजात) : नाहीयेत .. या नां !! हा प्रसंग डोळ्यासमोर उभा राहीला आणि ह. ह.पु.वा. --------------------------------------------------- लोकांच्या खरडवहीत लिहिण्याची सुविधा नसणे म्हणजे तोंड दाबुन बुक्क्यांचा मार खाणे.लोक तुम्हाला भलत्यासलत्या खरडी लिहुन जातात आणि तुम्ही काहीही करु शकत नाहीत.

मदनबाण 15/05/2010 - 09:24
पोच 'काट्या'ची कमी पडते जराशी... उगिच ना देहास या, म्हणतात बोरी! वा... मदनबाण..... When you are in Love you can't fall asleep because reality is better than your dreams. Dr Seuss

मेघवेडा 15/05/2010 - 13:15
एकदम झक्क्कास्स्स्स्स्स्स्स! :) - मेघवेडा! भय इथले संपत नाही, मज तुझी आठवण येते मी संध्याकाळी गातो, तू मला शिकवीली गीते..!

राजेश घासकडवी 15/05/2010 - 13:43
काव्य झाले हे विडंब् नाची शिदोरी केशवा ही काय असली बेसुमारी काय ऐकू कोणता गल्का कशाला तोकड्या कपड्यांचि चित्रे द्या फ्लिकारी भाग्य तुमचे वा म्हणू दुर्भाग्य भाली सासु वाटे बायको जणु पाठमोरी सुखवते नेत्रास राइ विडंबनाची फांदिला फुटुनी डहाळ्या पर्णभारी राजेश

केशवसुमार 16/05/2010 - 09:15
प्रतिसाद दिलेल्या आणि प्रतिसाद न दिलेल्या सर्व वाचकांचे मनापासून आभार! (आभारी) केशवसुमार

गणपा 17/05/2010 - 15:03
>>बायको समजून धरलेले जिला मी... नेमकी सासू निघावी पाठमोरी!
क्षणभर प्रसंग डोळ्यापुढे उभा राहिला आणि =)) =)) =)) =)) =))

कानडाऊ योगेशु 17/05/2010 - 15:11
खत्री विंड्बन..! --------------------------------------------------- लोकांच्या खरडवहीत लिहिण्याची सुविधा नसणे म्हणजे तोंड दाबुन बुक्क्यांचा मार खाणे.लोक तुम्हाला भलत्यासलत्या खरडी लिहुन जातात आणि तुम्ही काहीही करु शकत नाहीत.