विडंबन — मराठी विडंबन काव्य व लेखनाचा संग्रह. प्रसिद्ध कविता व गीतांवरील खुमासदार विडंबने येथे वाचा व हसा.
(डिस्क्लेमरः सदर मुक्तकात कुठल्याही श्रद्धास्थानाची खिल्ली उडवण्याचा हेतू नाही. सर्किटकाकांचे "बप्पा"वाचल्यावर एक कल्पना मनात खेळत होती. त्याचे हे प्रकटन. दुसरे काहीही नाही. मिसळपावावरील वाचकांना, अर्थातच, खुले आमंत्रण आहे. सदर "विडंबन" अद्याप रॉ आहे, ह्याची जाणीव आहे. तेव्हा येथील सिद्धहस्त कवींनी सुधारणा सुचवाव्या, ही विनंती.)
लहानपणी सिनेमात, सतत पाहिला तुला
गाजर का हलवा खात बसायचास नाष्ट्याला
पायात नौ नंबरच्या चप्ला रुबाबासाठी
आईशप्पत, तुझ्या चंगळीचा हेवा वाटला
सिनेमातल्या हिरोंची पूर्वी भरली सभा,
दाऊद होता सभापती मधोमध उभा.
दाऊद म्हणाला, दाउद म्हणाला, "मित्रांनो,
खंडणीत सूट, खंडणीत सूट !
तुमचे -आमचे सर्वांचे जुळेल सूत !
या हिरोगीरिचे कराल काय?
संजय म्हणाला " ढिशांव ढिशांव करुन मी मारीन लोंका "
सल्लू म्हणाला,"ध्यानात ठेवीन, ध्यानात ठेवीन
मी ही माझ्या गाडीने असेच करीन असेच करीन"
शाहरुख म्हणाला," खुषीत येईन तेव्हा, क_क करीत राहीन."
(मिपा वर हल्ली विडंबनकारांची मुख्य तक्रार म्हणजे सुमार कच्च्या मालाचा होणारा भडीमार. प्रतिसाद थोडे कविता फार, अशी गत आहे. ज्याला त्याला वाटत असतं आपल्या कवितेचे विडंबन व्हावे. आता तर अष्टप्रधान मंडळात दोन प्रधान विडंबनकार आहेत. मग त्यांना तुम्हा सर्वसधारण सदस्यांना नाराज कसे कसे चालेल ? नवा ताजा दर्जेदार कच्चा माल मिळायला वेळ लागेल. तोवर सर्किटशेठने पुरवलेला त्यांच्या अनुदिनीवर पूर्वप्रकाशित कच्चा माल वापराला आहे तोच चालवून घ्यावा ही विनंती .)
आमची प्रेरणा बैलभाऊंची विजु कविता..... सॉरी विजुभाऊंची बैल कविता.. :S
शुक्रवार आहे समजून घ्या :)
--------------------------
आपण सगळेच विडंबक असतो
कोणीतरी कविता पाडत असतो आणि आपण त्याच्या पाळतीवर असतो
फक्त दोनवेळा चहा आणि वीस रुपये रोजीवर खुष असतो
कवीच्या एखाद्या इशार्‍या सरशी ऊर फुटेतोवर लिहीत असतो.
आपण सगळेच विडंबक असतो
कवीने यावे आपली विडंबनाची खाज भागवावी
जमल्यास आपली पाठही खाजवावी
कधी तरी चांगला कच्चा माला पाडावा म्हणुन वाट पहात असतो
आपण सगळेच विडंबक असतो
कविला आपण बडवले आहे याची आपल्याला काही लाज नसते
प्रेरणा : स्नेहश्रीताईंची सुंदर कविता तर हे अस आहे कॉरपोरेट जग तुमच...!!!!
आपण सगळेच बैल असतो
बायको लटके रागवत असते आणि आपण घाबरत असतो
फक्त दोनवेळा जेवण आणि फोमच्या डबलबेडवर खूश असतो ;)
बायकोच्या एखाद्या इशार्‍या सरशी ऊर फुटेतोवर धावत असतो.
आपण सगळेच बैल असतो
बायकोने यावे आपल्या गळ्यावरची दाढी खाजवावी
अंघोळीला आपली पाठ चोळावी
कधी तरी पुरणपोळी चारावी म्हणुन वाटपहात असतो :(
आपण सगळेच बैल असतो
आपल्याला आपण फसवले गेलो आहोत याची काही लाज नसते
ती जाणीवच थिजलेली असते
उन्नत ध्येय वगैरे जाणीव कधीच निजलेली असते
बायको माहेरी गेली तरी आपण तसेच असतो
फार तर नव्या बायकोच्या शोधात असतो
आमची प्रेरणा
स्वाती फडणीस यांची "गोडवा" आणि
बेसनलाडू यांची "सोडवा"
मांडी घालून तसाच ठेउ, खांदा खांदा देत राहू !
खांदेपालटाला तिरडी जरा, खाली उतरवून ठेवू !!
काळ्या करड्या लाकडात, जलद आग लाऊ !
धूर ज्वाला निरखत , जीवनाचा अंत पाहू!!
चल पुन्हा घराकडे , पाणी अंगावर घेऊ!
गेलेल्याच्या आठवणी, दिवा माजघरी लावू !!
=======================
आंबोळी.............. १८-०७-२००८
मिसळपाव