आमची प्रेरणा बैलभाऊंची विजु कविता..... सॉरी विजुभाऊंची बैल कविता.. :S शुक्रवार आहे समजून घ्या :) -------------------------- आपण सगळेच विडंबक असतो कोणीतरी कविता पाडत असतो आणि आपण त्याच्या पाळतीवर असतो फक्त दोनवेळा चहा आणि वीस रुपये रोजीवर खुष असतो कवीच्या एखाद्या इशार्‍या सरशी ऊर फुटेतोवर लिहीत असतो. आपण सगळेच विडंबक असतो कवीने यावे आपली विडंबनाची खाज भागवावी जमल्यास आपली पाठही खाजवावी कधी तरी चांगला कच्चा माला पाडावा म्हणुन वाट पहात असतो आपण सगळेच विडंबक असतो कविला आपण बडवले आहे याची आपल्याला काही लाज नसते ती जाणीव कवीची जवाबदारी असते उन्नत काव्य वगैरे जाणीव कधीच निजलेली असते वृत्त मात्रा काढुन टाकले तरी आपण तसेच असतो फार तर नव्या मालाच्या शोधात असतो आणि नव्या मालाकाकडे गेलो की जुना कसा चांगला होता याची गाणी गात बसतो आपण सगळेच विडंबक असतो