विडंबन

प्रेरणा: 'स्वप्लिल मन' यांची ही सुगंधित सफर बघून काही (नको त्या) आठवणी जाग्या झाल्या !!
-----------------------------------------------------------------------
एकदा plane मधे एक अप्सरा आणि तिची आई जवळ येऊन बसली
journey मग ती विस्मरणीय होऊन गेली !

आईला तिच्या बरोबर पाहून मला वाईट वाटले
दुर्भाग्यावर माझ्या मला नवल नाही वाटले

ओढणी तिची माझ्या खा॑द्यावर पडत होती
आणि तिची आई मात्र बाजूला करत होती

विमान जसे उडे तसे वाटे व्हावा स्पर्श तिचा
आईकडे बघून माझ्या अंगावर काटा यायचा

आमची प्रेरणा

एक लेख असा की,
थकुन जाते विश्‍व
एक काथ्याकुट असा की,
कुरतडे उंदीर शर्ट

एक प्रवास वर्णन असे की,
काळ्या पाण्याची नवी शिक्षा
एक कौल असा की,
जंत कावीळ एन्फ्लुएंझा

एक छंद असा की,
जणू आटावे रक्त
एक कवीता अशी की,
अश्रूच वाही फक्त

एक संपादकीय असा की,
तो विभागच बंद व्हावा
एक पाकृ अशी की,
'परा'चा कावळा व्हावा.

आमची प्रेरणा भूषण कटककरांची सुंदर रचना रेडा...

कशाला ही अदाकारी? कशाला ही कलाकारी?
कुणाच्या रंजनासाठी कवन हा फाडतो सारी?

तुम्ही जे काय समजावे, कसे हा बोलतो आहे!
"कुराणे, बायबल, गीता, विनोदी पुस्तके सारी"

"जराशी घे, जगाला हलव, अथवा हाल तू देवा"
"नशा मद्यातली तुजला , कशी कळणार देव्हारी"

यमाच्या सारखा, ज्ञानेश्वरांचा ही असे रेडा
तसा गातोस तू मित्रा हुबेहुब राग दरबारी

घरी मी टाकुनी जावे, कडी हलकेच काढावी
जराशा खुट्ट आवाजे उठावी आणि म्हातारी

प्रेरणा : उदय सप्रे यांची मोठी कविता

मुसळधार पावसामधे दारु पिऊन
चिखलात कधी लोळलांय का?
मद्याबरोबर चखणा म्हणुन
लसुण कधी तळलाय का?

वाटेवरच्या मुलीची कधी छेड काढावी
असा किडा वळवळलाय का?
तिची छेड सोसवेना म्हणून
तिचा धिपाड्ड भाऊ खवळलांय का?

थरथरणार्‍या आवाजात ईंटरविव्यु मधे
अचानक धीर कधी गळलाय का?
भरभरुन उत्तरे दिली तरी ,त्यातून
नेमका तुमचाच अर्ज फेटाळलाय का?

दिवसभर अरबट चरबट खाउन
पोटात अचानक डुचमळलय का?
आणी तेव्हाच नेमके घरापसुन दुर
म्हणुन तुम्ही कळवळलाय का?

टारझण यांणी केलेले विडंबण की कविता हीच प्रेरणा
यमक जुळवण्यासाठी "टारा " शब्द वापरला आहे. कृ. ह. घ्या.

एक होता टारा

एक होता टारा, कायम चढलेला याचा पारा
उभा-आडवा असा की वाटे डोंगर खरा

एकदा काय झालं
आफ्रिकेतल्या ऑरेंजला पूर मोठा आला
पोहायला गेला त्यात अर्धाही नाही बुडाला

रडला ,हिरमुसला, खट्टू असा झाला
चेंज यूवर थिंकिंग -चेंज यूवर लाईफ घेऊनी आला

टोनीबा म्हणाला
उगी उगी दात ओठ नको खाऊस
येतो मी नदी काठीं
(एकदा ऑन्साईट मिळू दे)
पॅसिफिक मधे जाईन घेऊन

श्री. अरुण वडुलेकर यांनी सादर केलेले "एक होती परी" ह्या बालगीतांचे रसग्रहण वाचून आणि विशेशत: परीची कविता वाचून,
अशीच एक मनांत ठसलेली पराची कविता सादर करण्याचा मोह आवरत नाही. या कवितेचा जनक कोण आहे ते माहीत्ये का तुम्हाला .. श्री अरुण वडुलेकर हेच्च :)
पण बटाटवड्यातल्या लसणा इतकीच या कवितेची चव अजून जिभेवर लोळते आहे.

एक होता परा

एक होता परा खूप खूप गोरा
एवढासा होता पण छान जर्सी गोर्‍हा

एकदा काय झालं
पुण्यातल्या मुठेला पूर मोठा आला
पराचा कॅफे वाहून गेला

गुरूवर्यांवर चालून आलेला शाहिस्तेखान बघून आम्हाला राहवलं नाही

ठार मी झालो खरा... खालीबसा पट्कन
आला केश्यामिल्याचा हिरा... खालीबसा पट्कन

म्हणे शक्ती , नाच, डॉन,द्रोण घालून
आणू कवितेचा झरा... खालीबसा पट्कन

ब्लॅक दीवार खाकी करून , फुलवीन
कवितेच मोगरा... खालीबसा पट्कन

आले मिल्या, केसु ,रंगा आणि खोडसाळ
घ्या टेबलाचा आसरा... खालीबसा पट्कन

तोल ना सांभाळता आला कुली मधे तो
बसेल तुम्हालाही ठोसा... खालीबसा पट्कन

लिहीतील चीजा, म्हणतील बच्चन
कवितेमध्ये वापरा... खालीबसा पट्कन

शाहिस्तेखानाने दिलेले उघड आव्हान बघून आम्हाला राहवलं नाही
अभिषेक बच्चन आणि त्याच्या करोडो (? ) पंख्यांना समर्पित....

स्टार हा झाला खरा... अभिषेक बच्चन
अमितजींचा हा हिरा... अभिषेक बच्चन

नाच, दस, दिल्ली सहा, उमराव नि द्रोण
करमणूकीचा झरा?... अभिषेक बच्चन

धुम, गुरू, सरकार, दोस्ताना अन युवा
यात थोडा हा बरा... अभिषेक बच्चन

चोपडा, रामू, मणी आणिक करण जोहर
हेच याचा आसरा... अभिषेक बच्चन

आमची प्रेरणा भूषण कटककर यांची रचना

प्रतिसाद कुणाचा मिळावा मलाही
'तिरस्कार वाटू नये आपला' ही

कधी तिला आजार होतो गळ्याचा
कधी थांबतो ना तिचा खोकलाही

किती वाट पाहू? किती धीर ठेवू?
कधी जायची विडंबनाची बला ही?

कशाला अश्या बिड्या ओढायच्या मी?
किती धूर हा तुलाही, मलाही!

अरे काल झाला असे जन्म माझा
जगावे म्हणेतोवरी विडंबलाही

कंदीलसुमार