विडंबन

प्रेरणा - प्राजुतैंची नजरा ही कविता.
डिसक्लेमर - प्रस्तुत कवीची(?) अर्थातच तेवढी लायकी नसल्याने विडंबन करतेवेळी वृत्त / छंद यांच्याकडे सोयीस्करपणे दुर्लक्ष करण्यात आलेले आहे.

असतात ओळखीच्या ज्या ज्या समोर नजरा
महिना अखेर येता डसतात त्याच नजरा

रीती-रिवाज कसले, अन मित्रही कुठोनी
चुकवीत हिंडताना त्यांच्याच आज नजरा

बिनधास्त हिंडण्याचे नाहीत दिन गड्या रे
बुरखाच त्या कदाचित चुकवू शकेल नजरा

सध्या बरी घरातच वस्त्रे ती सर्व भारी
त्यांच्यात पाहिले तर धरतील आज नजरा

आमची प्रेरणा भूषण कटककर यांची रचना ठेव दरवाजा खुला...

पाडली आहे गझल, जी समजणे अवघड तुला
ठेवली मुद्दाम आहे मी अलामत ही 'उ' ला

मी कसा वाईट ठरलो, सांगतो आता तुम्हा
(गोपिनाथाच्या बरोबर जायचो मी चौफुला)

दूरदेशी आमचा हा घोळ होतो नेहमी
समजतो बाईच आम्ही केशसंभारी मुला

जाहले आयुष्य आहे, आमचे बुजगावणे
बायको सांगेल तैसे या इथे आता डुला

छापकाटा चालला आहे कधीचा हा तिचा
एकदा लागेल नंबर याच आशेवर झुला

हेच होते शेवटी जे आज माझे जाहले
एवढे हासू नका शेकेल तुमचा ही कुला

आमची प्रेरणा 'ठेव दरवाजा खुला...' ही भूषण कटककर यांची सुंदर गजल! ;)

जाहले आहे कठिण, मी भेटणे म्हणजे तुला
बेरकी बापुस कधीचा शोधतो आहे मुला!

मी सदा वाईट ठरतो, चांगला ठरतो कधी?
बंधुराजे गाठ पडता, ठणकतो माझा कुला

दूरदर्शन व्हायचे मज तेवढी होती मुभा
हलवताना हात दिसली दूरच्या कोणा मुला

रोजचा हा सीन, देते पोरगी हुलकावणी
मारते फाट्यावरी पण मारते तोवर डुला!

छापकाटा चालला आहे नशीबाचा असा
वाट का मी बघत राही रातचा लकडी पुला!

बहु असोत कणगीभर संपत्ती ही अहा
प्रिय अमुचा खाबुगिरी एक धर्म हा॥

गगनभेदी माया तरी पडते ती उणी
लोभाच्या सीमाही वाढती झणी
चटक एक रे पदाची सोडी ना क्षणी
माल मिळे म्हणूनी मी ही राजकारणी
मंत्र्यासी अटक गमे जेथ दु:सहा ॥ १॥

प्रासाद हा हवा अन हवी स्वमंदीरे
कार्यकर्त्यांची हीच भव्य भांडारे
रस्ता वा चौकासही नाव मम पुरे
"भेट"-गाठ हीच साफल्य-धून ठरे
शुद्ध नसे वर्तनही पण नसे मज तमा॥२॥

पाषाणभेदाची चांदरात वाचून आम्हाला आमचा 'चांद' आणि रात आठवली! ;)

उरल्या केसांतुन फिरवतो हात || ध्रु ||

उरल्या केसांतुन फिरवतो हात || ध्रु ||

उरल्या केसांतुन फिरवतो हात || ध्रु ||

आमची प्रेरणा प्रसन्न शेंबेकर यांची सुरेख रचना पाहतो श्वासात कोठे.. लागतो काही सुगावा

आजही श्वासात आहे लागतो काही सुगावा
काल तू होतीस प्याली सांगतो आहे पुरावा

अंगणापर्यंत आता वारुणीचा वास जातो
काल मी बहुतेक गेलो ह्याच वाटेने असावा?

ही दुहेरी रीत एका माणसाला शोभते का?
"सोड दारू" ही म्हणावे ग्लास ही हाती धरावा

ती म्हणाली "माग ना रे... तू, मला सोडून काही"
(ग्लास तू भरशील तेव्हा चेहरा माझा दिसावा! )

काय अंधारून आले माझिया डोळ्यांसभोती
भास नाही रे तुझा तो पेग पतियाळी असावा

उपटसुंभाचे 'बेत' वाचून आम्हालाही पूर्वीचे बेत आठवले, काही आमचे आणि काही दुसर्‍यांचे...;)

आज थोडीशी टकीला चाखण्याचा बेत आहे.
आज थोडे टुन्न होउन लुढकण्याचा बेत आहे.

भेटणे मजला पुन्हा ती टाळते नाक्यावरी का
मज कळेना योग हा की कटवण्याचा बेत आहे.

अंगणी माझ्या कशाला बायकांनी फेर धरला
खेळ चैत्री चालले की चोपण्याचा बेत आहे!

टाकली पोटात जेव्हा मी जराशी जास्त फेणी
कोण वदले, आज टकुरे सडकण्याचा बेत आहे?

रातचा गाठून कविला समज आपण नीट देऊ
का असा पाडीत गजला राहण्याचा बेत आहे?

प्रेरणा

आज वेगळे भजन गाण्याचा बेत आहे.
स्टँड नव्हे स्टेशनवर भीक मागण्याचा बेत आहे.

भेटता मजला दानशुर नव्या वळणावरी ह्या
आज दोन्ही पायाने लंगडा होण्याचा बेत आहे.

संगे माझ्या कशाला इतर भिकार्‍यांनी फेर धरला
ही त्यांची चाल की हा जागेच्या भांडणाचा बेत आहे.

टाकली कटोर्‍यात जेव्हा लोकांनी जराशी जास्त नाणी
देव वदला, आज तुला पिझ्झा देण्याचा बेत आहे.

तु भेटलीस पुलाखाली की दोघे वडापाव खाऊ
की तुझा आज चायनीज खाण्याचा बेत आहे.