प्रेमकाव्य

दोघांनाही पाउस आवडतो;
त्याला खिडकीतुन तिला गच्चितुन...

दोघांनाही थंडी आवडते;
त्याला दुलईतुन... तिला धुक्यातून....

मंद हलके गझलचे सुर...
त्याच्या खोलीतुन.... तिच्या गाडीतून...

पावसाळी संध्याकाळची गरम भजी...
त्याला स्वयंपाकघरातून... तिला टपरीतुन... ठेल्यातुन...

मॉल मधल shopping त्याच!
रोडसाइडवर प्रेम तिच....

5star च dinner? चल घेऊ दोघे आपण...
पाव भाजी, पाणी पूरी आणि फालूदा घेऊ या आपण?

तरीही....
तिच मोहक हसण...
आणि त्याच अजूनही... अह...
कायमच... घायाळ होण....

-----------------------------------------------------
@@ तुझ्या शिवाय मी जगु शकत नाही @@
-----------------------------------------------------
-----------------------------------------------------
बघितल नाही तुला दिवसातुन एकदातरी,
दिवस माझा सुरेख जात नाही!!
दिसताच क्षनी तु माझ्या,
मनामधील आनंदाला पारा उरत नाही!!

येते तु जेव्हा माझ्यासमोर,
मुखातुन एकही शब्द निघत नाही!!
खुप काही बोलायच असत तुझ्यासोबत,
पण तुझ्यासोबत मी काहीच बोलु शकत नाही!!

कै. भाऊसाहेब पाटणकर यांची माफी मागून हि वि-चित्र कविता प्लास्टर ऑफ पॅरीसच्या हुतात्म्यांना

सांगेल काही भव्य ऐसा वि-चित्रकार मी नव्हे
तो निराकाराचा मान, इतुकी पायरी मम साकाराची नव्हे

आम्ही अरे साध्याच आपुल्या वि-चित्र जीवना संमानितो
संमानितो वि-चित्र, तसे या निराकाराने काढलेल्या साकारांनाही संमानितो

जाणतो अमूर्ता की, आम्हाला क्षणभरी अमूर्तच आहे व्हायचे
नाही तरी, नरकातील शिक्षा घेण्या मूर्त पुन्हा असते व्हायचे

मानतो देवासही ना मानतो ऐसे नव्हे,
मानतो इतुकेच कि, तो वि-चित्रकार आमुचा कोणी नव्हे

प्राथमिक चाल लावलेले माझे हे भावगीत, इथे शब्द सादर करीत आहे.

जसा भास होतो उरी चांदण्यांचा
विसावा तसा मी मागतो सांजवेळी ll १ ll

मनी गर्द वेळा तुझ्या आठवांच्या
उसासा दिलासा रात्र देऊनी जाई ll २ ll

तुझा श्वास माझ्या मनातून झरता
शब्द बोल ओठी तुझ्या भावनांचे ll ३ ll

गंध सोबतीचे मग हवेतून विरता
सखे गीत गावे तुझे तारकांचे ll ४ ll

- सार्थबोध
https://www.saarthbodh.com/2015/01/blog-post.html

तुझ्यापासून दूर होऊन
अमाप काळ लोटला
दु:ख हलकं नाही झालयं
पण सहन करण्याची ताकद वाढलीये..
बस्स इतकेच..
----
आता दारावरचा पारीजात ओसंडून बरसला
तरी त्याचा हेवा वाटेनासा झालायं
फक्त एक हलकिशी कळ आली काल छातीत
जेव्हा त्याचे एक फुल पायाखाली आले
बस्स इतकेच..
----
परवा अलमारी उचकतांना
तुझे एक पैंजण हाताला लागले
छन्न झालं एकदम
आपल्या जोडीदाराअभावी
एकाकी,केविलवाणे वाटले
बस्स इतकेच..
----
तिथेच बाजूला आपला एक अल्बम सापडला
'त्या' तस्बिरीतले
तुझे डोळे
आणि त्या डोळ्यातले ते काजळ..
बघता बघता कां कोण जाणे

नजरेला नजर बांधून
डोळ्यांनीच नुसतं पाहणं तुझं,
न बोलूनही सांगतं सारं काही।।

जाता जाता मिश्किल हसून
ओठांवर नजर खिळवणं तुझं,
प्रीतीचं रोमांच फुलवतात किती।।

चालता चालता थबकून
मागे वळून पाहणं तुझं,
चोरून चोरून पाहण अन्
गालातल्या गालात हसणं तुझं
ह्रद्याच्या तारा छेडतात किती।।

दूरवर जावूनही नजरेनं
शोधत राहणं तुझं
अन् रोज रात्री स्वप्नात येवून
प्रेम गीतं शिकवणं तुझं
गीताला सुरांची देतात प्रीती।।

तरीही तरीही सांगून टाक् ह्रद्यातलं सारं
कारण तू ही अधांतरी राहून
मलाही अधांतरी ठेवणार किती?

शब्दांत गुंफले मी
हळुवार जाणिवांना
स्पर्शून अर्थ दे तू
माझ्या मुक्या भावनांना..||धृ||

मज स्मरणात आज ही रे
ती संध्या भारलेली
संग लाभला तुझा अन
काय माझी मोहरली

जणू चैत्र वणवा विझावा
वळवाच्या सरींनी भिजताना
स्पर्शून अर्थ दे तू
माझ्या मुक्या भावनांना.. ||१||

हे बंध जे जगाचे
पायात घोळणारे
माझी अबोल प्रीती
जणू भिन्न दोन्ही किनारे

दिसतो तुझाच चेहरा
माझे प्रतिबिंब पाहताना
स्पर्शून अर्थ दे तू
माझ्या मुक्या भावनांना.. ||२||

मी जाणते सख्या रे
तव चिंतनी मी आहे
होकार मनी जपते
डोळ्यात लाज आहे

आमची प्रेरणा https://www.misalpav.com/node/29625

"काण्या तू ? वहिनी कुठाय"
या तुझ्या टोकदार प्रश्नानं
तु माझ्या पोटाचं
मी मोठ्या कष्टाने पट्ट्याने बान्धलेलं गाठोडं
टचकन फुटून गेलं,
आणि मला (त्या ललने समोर) कफल्लक बनवण्यात
तू पुन्हा एकदा यशस्वी झालास..
अभिनंदन!!!

तिची साधीशी कविता
माझा अर्थाचा गोंधळ
काळेसावळे ते ढग
तिचा सखा घननीळ |

तिची साधीशी कविता
शोध अंतरीचा घेई
खोल विरहाचे दु:ख
अलगद वर येई |

तिची साधीशी कविता
म्हणे तुझी माझी भेट
आज वसंत बहर
पुढे वैशाखाची वाट |

तिची साधीशी कविता
थोडे डोळे पाणावती
दोन मोतियांचे अश्रु
तिच्या गाली ओघळती |

तिची साधीशी कविता
माझ्या गळा एक मिठी
शब्द विरुनिया गेले
अर्थ एक दोघा ओठी !!

( पुर्वप्रकाशित )