Skip to main content

गुरुवंदन

लेखक क्रान्ति यांनी मंगळवार, 07/07/2009 13:30 या दिवशी प्रकाशित केले.
वत्साला गाऊली | पांथस्था साऊली बालका माऊली | तसे गुरू आम्हां || निर्धनासी धन | अडाण्यासी ज्ञान दरिद्र्या सन्मान | तसे गुरू आम्हां || अन्न भुकेल्याला | जल तृषार्ताला सुख पीडिताला | तसे गुरू आम्हां || गंध चंदनाला | मधु जसा फुला कंठ कोकिळाला |तसे गुरू आम्हां || पथिका निवारा | नौकेला किनारा संकटी सहारा | तसे गुरू आम्हां || शांत आसमंत | पवित्र दिगंत थोर साधुसंत | तसे गुरू आम्हां || तप्त भुईवर | पावसाची सर भक्ताला ईश्वर | तसे गुरू आम्हां ||
Taxonomy upgrade extras
प्रकटन
विचार
सद्भावना
लेखनविषय:
वाचने 2091
प्रतिक्रिया 6

प्रतिक्रिया

पक्या मंगळवार, 07/07/2009 14:12
छान. सोपी सुंदर रचना. फक्त गाऊली शब्द तितकासा नाही आवडला. गोमाता या अर्थी गो-माऊली चालेल का?

मदनबाण मंगळवार, 07/07/2009 15:08
व्वा.गुरुपौर्णिमेच्या दिवसाला एक सुंदर कविता वाचायला मिळाली. :) मदनबाण..... Success is never permanent, and failure is never final. Mike Ditka

राघव बुधवार, 08/07/2009 00:00
भा.पो. :) राघव ( आधीचे नाव - मुमुक्षु )

मिसळभोक्ता गुरुवार, 09/07/2009 14:53
आमच्या सर्व गुरुजींनी आमच्या पृष्ठभागावर बांबूच्या फोकाने उठवलेल्या वळांची आठवण ताजी आहे. त्यामुळे सदर कविता काल्पनिक आहे, आणि गुरुपौर्णिमा हा दु:खद सण आहे, असे आमचे मत आहे. -- मिसळभोक्ता

सुबक ठेंगणी गुरुवार, 09/07/2009 16:01
तप्त भुईवर | पावसाची सर भक्ताला ईश्वर | तसे गुरू आम्हां || हे खास आवडले. बाकी पक्या म्हणतात तसंच गाऊली हा शब्द पटकन कळला नाही त्यामुळे गो-माउली हाच जास्त योग्य वाटतो.