कविता — मिसळपाववरील मराठी कवितांचा विशाल संग्रह. प्रेम, निसर्ग, समाज, विरह आणि जीवनानुभव यांवरच्या हजारो मराठी कविता, गझल, मुक्तक आणि चारोळ्या येथे वाचा व आपली कविताही प्रकाशित करा.
घट्ट काळोखातून वाट काढत
प्रकाशाचा पाठलाग करणारा मी आहे.
अथांग सागरातून बुडी मारुन
अनमोल मोती मिळवणारा मी आहे.
अवघं आसमंत माझ्या मुठीत
बंदिस्त करु शकणारा मी आहे.
स्वतःच्या तेजाने सूर्यालाही
झाकोळून टाकणारा मी आहे.
माझी गती एवढी
प्रकाशाच्या वेगाशी स्पर्धा करणारा मी आहे.
मुठीत आहे माझ्या सामर्थ्य...
दुनियेला चकीत करणारा मी आहे.
तल्लख बुद्धीच्या जोरावर सार्‍या
जगावर अधिराज्य गाजवणारा मी आहे.
नवनवीन संशोधन करुन निसर्गाचे
गुपित उलगडणारा मी आहे.
लेकराला मायेच्या ह्या मायेची तहान
मायेनेच दिला सूर, उजळाया रान
आजीच्या कवतिकाचा सोनियाचा तोडा,
आईच्या पदराचा आधारही थोडा
मायेच्या गावाला या नाहीच किनारा
मऊशार पंखाखाली साजिरा निवारा.
थोडी आभाळात आता नवी दिशा दिसे.
नव्या क्षितिजाचे मला लागलेले पिसे.
नव्या नव्या पंखाना या भरारीची आस
कधी स्वच्छ सूर्य, कधी ससाण्याचा भास
खोलखोल दरी आणि माणसे निश्चेत
प्रेमानेच सावरले पुन्हा घेऊन कवेत
मायेनेच दिले लख्ख, मायेनेच प्राण
मायेचाच ठेवा आता, नाही काळा क्षण.
नुकत्याच मिपावरच्या पौगंडी विचारसरणीच्या लेखनाची परखड टीका केशवसुमार यांनी एक समर्थ विडंबन लिहून केली. ती वाचून शब्दांच्या गुणसूत्रांचाच दोष वगैरे कारणं देण्यापेक्षा तसल्या लेखकांनी आत्मपरिक्षण करावं असं आम्हाला वाटलं. (ते लोकांनी करण्याआधी आपणच केलेलं बरं, नाही का? कारण काही काही वेळा सिगार हा फक्त सिगार असतो) त्यातून या स्वडंबक कवितेचा जन्म झाला. प्रेरणा अर्थातच अभ्यंकरांची उत्तम कविता.
चटेपटेरी चड्डीचा हा दोष असावा
स्वप्नलिपीचा ठसा लायनित का उमटावा?
अनिरुद्धची 'हा शब्दांच्या गुणसूत्रांचा दोष असावा' ही गजल वाचतात आमच्या विडंबनाच्या गुणसूत्रांच्या दोषाने लगेच डोके वर काढले नसते तरच नवल, ईर्षाद! ;)
हा रात्रीच्या जागरणाचा दोष असावा
गुबारण्याचा अर्थ कसा कोणा समजावा
कधीतरी पोटाची भाषा मला कळावी
कुणीतरी मज 'अबोल' काका का समजावा?
तुमानीतल्या गोल मितीच्या प्रतलामध्ये
घेराचा सारांश कसा सांगा बसवावा
पीसी बदलले, वेळ बदलली तरी बापडा
एक आयडी डुप्लिकेट मग मी उघडावा
कितीक वेळा अजून जाऊ नाक्यावरती
कधीतरी छळ 'निरखण्यातला' हा थांबावा
हा शब्दांच्या गुणसुत्रांचा दोष असावा
स्वप्नलिपीचा अर्थ कसा कोणा समजावा
कधीतरी झाडांची भाषा मला कळावी
कधीतरी मज अबोल चाफाही उमजावा
जन्म-मरण ह्या दोन मितीच्या प्रतलामध्ये
जगण्याचा सारांश कसा सांगा बसवावा
युगे बदलली काळ बदलला अरे विठ्ठला
एक आयडी ट्विटरवर तूही उघडावा
किती खोल मी अजून जावे मनात माझ्या
कधीतरी तळ मला अता त्याचा लागावा
उगाच चर्चा मी तेव्हा केली माझ्याशी
चुकले माझे अखेर हा निष्कर्ष निघावा
अता एकदा संपावी काव्याची वेणा
मेंदूमधला शब्दांचा दंगा थांबावा
आपल्याच माणसाची
बरी नाही टाळाटाळ
कोणी मागतो पाऊस
त्याला देवू नये जाळ
सोड मनातली आढी
नको झुराया लावूस
माझे डोळे चातकाचे
तुझा चेहरा पाऊस...
- वैभव देशमुख
नजरेत नजर मिळवुन
सखी बोलायची अन्
भलत्या ठिकाणी रेंगाळणारी
नजर पाहुन हात
मानेजवळ नेऊन काय हे म्हणायची...
डोळ्यातील गढुळपण
कमी होतांना
ओठातल्या ओठात हसायची
अन् स्मित टिपले नाही
म्हणुन रुसायची
आजकाल अवचित तळ्यात
पडणारा दगड
हलकेच तरंग उमटवतो
अन शांतपणे तळाशी जातो
परत सगळं शांत शांत ... जसं काही झालंच नाही.
माझे मन सुखाच्या मागे धावत
असता , त्याला सगळे काही मिळाले,
पण......?
मी मागे वळुन आयुष्याच्या वाटे वर पाहिले असता आज ...
पण .......?
माझे मन सुखाच्या मागे धावून ,
आयुष्‍यालाच विटले,
आणि तेव्‍हां कुठे त्याला,
मृगजळच भेटले.........!!!
मनापासून जे हवं होतं, ते नाही मिळालं..
अजुन सुद्धा !!
पावसाळ्यात इंद्रधनुसवे रंगणारा पावसाचा थेंब मी
अन कधी कधी सात रंगाशी नाते जोडणारा इंद्रधनू मी
माझ्या पंखांसाठी फुलांचा रंग वेचणारे फुलपाखरू मी
अन कधी रंगासाठी आसुसलेला रंगपेटीतला कुंचला मी
तुझ्या डोळ्यात माझ्या स्वप्नांसाठी रंग शोधणारा वेडा मी
अन कधी उन्हाळ्यात उन्हासवेच रंगणारा प्रियकर गुलमोहर मी
कधी पहाटेला सूर्यासवे भगव्यात रंगणारा शुक्रतारा मी
अन कधी मावळतीला स्वत:साठी रंग शोधणारा ढग मी
तू गं उभी अंगणात
माफी मागताना मला
एका हातामधी झाडू
एक कानापाशी गेला
आधी पुंजा गोळा केला
पुन्हा पांगून टाकला
तुझं अंगण झाडणं
असं उन्हाच्या वेळेला
हसू फुटलं तरीही
हसू दाबलं ओठात
गेलो उठून घरात
खोट्या रागाच्या भरात
दार लावून घेतलं डोळा फटीशी लावला
जीव तुझा कासावीस मी गं होताना पाहिला...
- वैभव देशमुख
मिसळपाव