कविता

तिळगुळ देता-घेता नेते गोड-गोड बोलणार ,
सर्वच पक्षांचे नेते ना तोडफोड करणार
शहरामधले मंत्री आता खेडयातच राहणार
वाढदिवस ना आता कुणाचे फलकावर दिसणार -
देशामध्ये ना कसलाही घोटाळा करणार
शासन भ्रष्टाचार-प्रदूषणमुक्त अम्हा दिसणार -
आमदार नि खासदार ते भत्ते ना घेणार !
सूत्रसंचालिका अंगभर कपडयातुन दिसणार
'अभिनयाच्या अंगा'स्तव 'तो' 'स्त्री-वेषी' न होणार
'जज्ज ' मराठी 'चॅनल'चे मराठीत बोलणार
निकाल 'एसेमेस' विना ते स्पर्धेचे ठरणार
'नववर्षी-संकल्प'जाणता करमणूक होणार !!

नाती
नाती नाती नाती...........
जुळ्लेली, जोडलेली, लादलेली......

खरच हवी असतात का आपल्याला ही नाती ?
वाटत', बरेच वेळा आपल्याला ग्रुहितच धरतात ही नाती....!

नाती....काही प्रेमाची, काही मैत्रीची, काही कर्तव्याचीही,
दमछाकच होते मात्र निभावताना ही नाती...!

मन माझं गोगलगाय
खुट्टं वाजता शंखात जाय

प्राजक्ताचा दरवळ घेऊन
रांगत पहाटवारा आला
शिंका येतील ! आल्या शिंका !!
नाक हाती शंखात पाय !
मन माझं गोगलगाय । खुट्टं होताच शंखात जाय

खुणावताना हिरव्या वाटा
मनास दिसतो केवळ काटा
काटा टोचेल ! टोचला काटा !!
मान फिरवून शंखात जाय
मन माझं गोगलगाय । खुट्टं होताच शंखात जाय

समोर फुटती लाट अनावर
सरसरून ये नभ धरणीवर
थेंब उडतिल ! कपडे भिजतिल
भिजेल डोकं ! भिजतिल पाय !!
मन माझं गोगलगाय । खुट्टं होता शंखात जाय

हल्ली सरळ काही सुचत नाही
एक वाक्य धड लिहीता येत नाही
पण व्याकरणावर रण माजवतो
सध्या आम्ही कविता करतो

चार ओळी इकडून उचलून
चार ओळी तिकडून उचलून
तरीही वामनाचे आम्हीच वारस
आम्हीदेखील कविता करतो

कुणी वाचो, अथवा न वाचो
कुणी निंदो, कुणी वंदो
घंटा कुणाला फरक पडतो
म्हणूनच आम्ही कविता करतो

मदत, कौल, काथ्याकुटाचा
आता जरी का कंटाळा आला
वाचनीय तरी हल्ली कोण वाचतो
त्यासाठीच तर आम्ही कविता करतो

अथांग प्रश्नांचा सरोवर म्हणजे आयुष्य
मग ..शब्द काय आहेत ?
बहुतेक लाटा असाव्यात उसळणार्‍या ..दुसरे काय ..

आणि कविता ..? काय असते कविता म्हणजे..?
अव्यक्त मनाला व्यक्त करण्याचे साधन..?
की मनात काहीच नाही म्हनुन विचार करणारे एक चलन ?
काहीच कळत नाही...

भावनांना ..विचारांना न्याय देणारी ..कविता ?
की आनंदाला दु:खाला सामावणारी ..कविता ?

अस असेल तर काय असत मग ..
वृत्त ..लय .. मुक्तछंद.. ?
मला वाटत आपणच नियम केले आहेत सारे
आणि गुरफ़टलोय या नियमात ..या प्रश्नात

थांबा मित्रानो ..!!
थोडेसे क्षणभर थांबा
दम घेउद्या मला
सूर जराशे लावूद्या
अन बघा मी काय करतोय ते
मित्रानो..! मीपण एक कविता करणार आहे

कविता म्हणजे असते काय
खाली डोके वरती पाय
अहो मी पण तसेच करणार आहे
हातावर मी देखील चालून
शब्दाची रांगोळी काढणार आहे
थांबा मित्रानो
क्षणभर ..!
मी पण एक कविता करणार आहे

तीच तशीच सिनेमाची गाणी
तशीच चाल मीपण लावणार आहे
नि तुमच्याकडून वाहवाची दाद मी पण घेणार आहे
थांबा मित्रानो
क्षणभर
मी पण एक कविता करणार आहे

3

मन उगाच धावतं..कशापाठी वेडावतं!
जसं लहानगं मूल प्रतिबिंबास धरतं..

मन उगाच उदास..सदा रुसल्याचा भास!
जशी कोकीळाची साद अन्‌ नुसताच त्रास!!

मन उगाच निस्तब्ध..काळजाचा थरकाप..
जसा स्तब्ध पाण्यावर, उठे तरंग..अश्राप!

मन उगाच तत्वज्ञ, करी अनंत विचार..
जशी अळवाच्या पानी मोतियाची थरथर!

मन उगाच अल्लड..दोन अश्रुंची झिम्मड!
जशी पावसाची सर..अलगद..अलवार..

मनं जुळून येतात..हातांमधे दोन हात..
जशी रात्र दिवसाची उलगडते पहाट!!

राघव

शब्दांचे भरघोस पिक येऊ लागले आहे
कोठेही पेरा मनात
ते मस्त तरारून येतात
शब्द पेरा नि वाहSवा चे नुसते खत घाला
प्रचंड फुलून येतात
मनाची नि नेटची जमीन अंतहीन आहे
कितीही पेरा
भरपूर जागा शिल्लक आहे

शब्दाचे बियाणे कोठेपण पेरा
वाळवंटात पेरा
पाण्यात उधळा
त्याला पटकन कोंब फुटून
कशे तारार्रून येतात बघत रहा
शब्द कसे का असेना
अक्षर कसेका असेना
यडे...!
गबाळे ...!!
कुरूप....!!
टक्क काळे
टायपत गेले की छान होऊन बाहेर पडतात