कविता

3

तुला पाहिले मी बाकि काही पाहिले ना,
आयुष्य पुष्प फक्त!, अन्य काही वाहिले ना.

उध्वस्त झाले गाव, मला काय त्याचे,
मी विचारले कि, माझे घर राहिले ना?

तुच्छ वाटे मजला दुःख कोणतेही,
फसवे वचन तुझे ते सांग साहिले ना.

जे पाहिले होते मी तुझ्या संगतीने,
ते विश्व चांदण्यांचे अद्याप पाहिले ना.

स्वप्नांच्या सुंदर वाटेवर ,मी धडपडतो आहे,
समईची येते याद, अंधार वाढतो आहे.

मोत्यांना मानेवरच्या, शेवटी पाहिले होते,
शुभ्रधवल तो मोती, नयनात दाटतो आहे.

तुटलेल्या त्या नात्यांना मी किड लावली होती,
इतुकी की माझ्या मी, मनात सडतो आहे.

माहित नाही मजला गाडलो किती मी आहे
घावात क्षणाच्या येथे, मी अजुन सापडतो आहे.

ते दिवस आता कुठे जेव्हा फुले बोलायची

दूर ती गेली तरी ही सावली भेटायची...

त्या तिच्या वाटेवरी ती झिंगती झाडे जुनी

हात देताना तिला माझीच फांदी व्हायची

पावसाला पेच होता,ह्या सरी वळवू कुठे

चिंबताना त्या पुलाखाली नदी थांबायची

वर निळी कौले नभाची,डोंगराची भिंत ती

ते नदीकाठी भटकणे,हीच शाळा व्हायची

कैक वाटा चाललो,पण विसरलो पोचायचे

नेमक्या वळणातूनी ही पावले परतायची

गवत ही भोळे असे की साप खेळू द्यायचे

सोडताना गाव त्यांची कात हिरवी व्हायची

फाटके होते खिसे अन् नोटही नव्हती खरी

त्या कुंद पहाटे झडली संततधार
मेघात विखुरले मन माझे चौफेर
आषाढघनांचे धुके; नाचरे मोर
उंचावुन माना शोधे चंद्र चकोर

सागर भरती लाटेवर फेस विभोर
रेतीवर रांगे ओघळात हिंदोळ
अंधारनभाचे ओणवले झाकोळ
वार्‍यात मातला अश्वबळाचा जोर

चहुओर सैल मग का मनभर हा घोळ
थेंबात थेंब दुथडीत अवखळे लोळ
झिंगूनहि नाही कुठे लागला मेळ
मृगजळ्स्वप्नांचा भातुकलीत समेळ

.....................अज्ञात

माझ्या भावना तुझ्या पर्यंत कधी पोचल्याच नाहीत
न व्यक्त केलेलं ते प्रेम तुला कधी जाणवलच नाही
अस्पष्ट मारलेली तुला हाक कधी ऐकू आलीच नाही
मनाने केलेला स्पर्श तुला कधी भासलाच नाही

मैत्रीच्या पुढे जावं अशी मनोमन प्रार्थना करत होते
पण तुला दुखवायचं नव्हतं म्हणून मागे सरत होते
तुला सांगण्याचे अनेक निष्फळ प्रयत्न मी केले
मला नीट सांगता आलं नाही आणि तुलाही कधी नाही हे कळले

!! लोकशाहित या सगळेच भाडखाऊ !!

लोकशाहि मुळेच मिळते-लिहिणे,बोलणे,विरोध,मत व्यक्त करण्याचे स्वातंत्र्य,
त्याचा मनसोक्त उपभोग घेणारे भाडखाऊ
लोकशाहि म्हणजे काय? हे माहित नसणारे
त्या बदल्यात हुकूमशाहि, हिटलरशाहि आणा म्हणनारे भाडखाऊ