मिसळपाव
घर पहावं बांधून
सहा आकडी वार्षिक पगार पाहून पालक भलतेच खूष झाले होते..
"द्रुष्ट काढा हो पोरची" असे आजीचे उद्गार आले होते.
"मोठ्या शहरात दादा आपला व्हावा settle हेच होतं माझ्या मनात
आता मस्त घर घेतलं की येतील मुलिंचे profiles आपल्या दारात"
कविता
कविता — मिसळपाववरील मराठी कवितांचा विशाल संग्रह. प्रेम, निसर्ग, समाज, विरह आणि जीवनानुभव यांवरच्या हजारो मराठी कविता, गझल, मुक्तक आणि चारोळ्या येथे वाचा व आपली कविताही प्रकाशित करा.
आयुष्य कडेवर घेतो
आयुष्य कडेवर घेतो
झुंजूमुंजू पहाटेला, आभा चढे आभाळाला
काळोखाच्या भेगातुनी, सूर्य डोकावतो
गारठल्या पंखामधी, आशा जागवतो
सुन्यासुन्या शिवाराला, निजलेल्या आवाजाला
चेव येण्याला कोंबडा, दारी बांग देतो
सुस्तावल्या आळसाला दूर पांगवतो
अन्नासाठी चिलंपीलं, खोप्यामधी किलबिल
लेकराची साद येता, पान्हा जन्म घेतो
चोचीमधी ममतेला, चिंब भिजवतो
अभयता पेरताना, रुजलेली फुलताना
फळलेली पाहताना, जेव्हा आनंदतो
तेव्हा मीच आयुष्याला, कडेवरी घेतो
हातामधी घे तू जरा
हातामधी घे तू जरा
हातामधी घे तू जरा गरमागरम तेल
खालून वरून अंगाला माझ्या चोळ ||धृ||
खालून वरून अंगाला माझ्या चोळ ||धृ||
कामाला मी निघतो डबा घेवून सकाळी
तवाच सुरू होते ग माझी पहीली पाळी
उभं राहून लेथमशीन मी चालवतो
हातोड्यानं लोखंडावर दणके मी देतो
कष्टाचं काम आहे हे सारं; नाही काही खायची भेळ ||१||
दुसर्‍या पाळीनं ग माझी लयी व्हती दैना
उन्हातान्हाचा दिस हा जाता जाईना
कामगाराचं जीनं हाय लयी बेकार
राब राब राबवूनी घेई सुपरवायझर
त्याच्यासंग चाले आमचा उंदरामांजराचा खेळ ||२||
मैत्री
आपल्या जन्मापासूनच ठरलेली असतात असंख्य नाती
ही तुझी मावशी, हे तुझे काका, ही आजी, ती मामी ..
पण पुढे आपण होऊन एक नातं निर्माण करतो
जेव्हा घराच्या चौकटीतून बाहेर पडतो
अनेक जण आपल्या परिचयात येतात, बरेच जण आपल्याला भेटतात ,
त्यातले पुशकळसे ओळखीचे राहतात आणि काहीच जीवाभावाचे होतात
हे नातं असतं 'मैत्रीचं' - निरपेक्ष, निखळ अशी
सख्या नात्यां इतकीच वाटते ती हवी हवीशी
आई बाबा
"बाबा .. शाळेत पैसे द्यायचे आहेत .. जाणार आहे दोन दिवस सहल!!"
"अरे वा... देतो नक्की पर्वा .. खूप कर रे धमाल.. "
"आणि मला promise केली होती ना बाहुली आणि भातुकली"
"म्हणजे काय!! घेणारच आहे गं छ्कुली .."
"झकास पास झाला की घेणार आहे दादाला Hero Honda CD
आधी पासूनच ठरवलं ... होत आहे mature एक जुनी FD ..
आणि पंचविसाव्या लग्नाच्या वाढदिवशी घेऊया तुमच्या आईला साखळी सोन्याची"
"छे!! आता नको काही, काय करायचे ते हिला, झाली की आपली मुलगी लग्नाची"
१. पहिल्या भेटीचा सुगंध
3
काव्यरस
उणीव...
कायम touch मध्ये असूनही
संवाद कुठे तरी हरवलेला आहे...
कायम कट्ट्यावर log -in असूनही
विषयाचा नेहमीचं वानवा आहे..
कायम available असूनही
जवळ कोणीच नाही...
सारखे profile visit करूनही
सारे अनभिज्ञच आहे...
टेक-क्रांती होऊनही
मानवी उत्क्रांती अजूनही अनुत्तरीतच आहे...
क्रांतितै चे अभिनंदन
आपल्या मिपाची सभासद क्रांतितै हिच्या दोन पुस्तकांचे प्रकाशन नागपूरला यशवंतराव चव्हाण प्रतिष्ठान सभागृह, शंकर नगर येथे संपन्न होत आहे.
दि. ७-८-२०११रोजी सायंकाळी ६ वाजता,मान्यवर श्री. भीमराव पांचाळे, गझलनवाज यांच्या शुभहस्ते, श्री. गिरीश गांधी यांच्या प्रमुख उपस्थितीत आणि डॉ. सुलभा हेर्लेकर यांच्या अध्यक्षतेखाली "असेही-तसेही" हा गझलसंग्रह आणि "अग्निसखा" हा काव्यसंग्रह प्रकाशित होणार आहे. काव्यसंग्रहाला गीतकार-संगीतकार यशवंत देव यांचे आणि गझलसंग्रहाला भीमराव पांचाळे यांचे आशीर्वाद लाभले आहेत.
दोन कविता
मज ठाऊक नव्हते
दार कोणते
तुझ्या घराचे
उन्हे वेचण्यासाठी....
मी खूप श्रमाने
दिवस फोडूनी
असाच येतो
लटकत भटकत
उन्ह होउनी
तुझ्या घराच्या काठी......
________________________________
तू पहिल्यांदा भेटलीस
ते दिवसच पावसाळी
की स्वतःबरोबर
आकाश रितं करणारा
हा पाऊस सोबत घेऊन यायची
तुझी जुनी सवय !
काहीच आठवत नाही---
----इतकंच लख्ख जाणवतं
की
कुठूनतरी वीज कोसळली
नि
पागोळ्यांबरोबर खेळण्याचं
माझं वय
जळून गेलं ......
आसूड
नाही भय लाज
सारे सत्तातूर
देशाचा विचार
कवडीमोल
लोभालोभ सारा
सत्तेचिये पायी
आपापल्या सोयी
लाघव भावे
आज वाटे त्यांसी
ब्रम्हांड ठेंगणे
टेकीता ढुंगणे
खुर्चीवरी
सुखाचिया राशी
त्यांच्यांच पायाशी
मग जनतेशी
काय पुसावे?
मतीमंद झाला
आज बुद्धीवंत
नाही बलवंत
कोणीच येथे
उठ माझ्या लेका
आता नको चुका
नाहीतर भिका
मागशील
हातामध्ये घेरे
सत्तेचा आसुड
भडव्यांच्या ओढ
पाठीवरी