(चाल:- किती सांगू मी सांगू कुणाला-)
किती सांगू मी आनंद झाला ,
भाव भाज्यांचा खाली ग आला !
गडे जाऊ चला , भाज्या आणू चला-
रुपयाला किलो कांदा झाला ! ।१।
नवर्याच्या संगती ग , पिशव्या हाती
घेऊन मी आले
‘नको हसू गालात , नको चालू तोर्यात-’
नवरोजी कुरकुरले !
चुका-दोडका-लसूण , कोबी-आलं-सुरण ,
नवलकोलात फ्लॉवर दिसला ! ।२।
मेथी शेपू भेंडी ग , पालकाची पेंढी
भुलले ग्राहक किती !
कुणी मागे गवार , कुणी घेवडा-मटार
शेंगांना नांवे किती !
रोज फोडी करून , ते बटाटे चिरून-
सांज सकाळी कंटाळा आला !
१७ फेब्रुवारीला या घटनेला बरोबर सदतीस वर्षे पूर्ण होतील.