कविता — मिसळपाववरील मराठी कवितांचा विशाल संग्रह. प्रेम, निसर्ग, समाज, विरह आणि जीवनानुभव यांवरच्या हजारो मराठी कविता, गझल, मुक्तक आणि चारोळ्या येथे वाचा व आपली कविताही प्रकाशित करा.
क्रान्तीची "मी तिला वाचवलं " वाचली.. आणि भावनांचा हल्लकल्लोळ झाला. त्या उद्वेगातून खालील गझल उतरली.
सार्‍याच ओळखीच्या दिसतात रोज नजरा
देहावरी तरी या, उरतात रोज नजरा..
आहेत वागण्याचे, रीती-रिवाज सारे
नियमांत कोणत्या, ह्या बसतात रोज नजरा?..
बिनघोर वागण्याची, मजला मुभाच नाही!
बुरख्यात मैतरीच्या, डसतात रोज नजरा ..
मूर्तीस मंदिराच्या, वसने अनेक उंची
नारीस नागवी या, करतात रोज नजरा..
"तू विश्वकारिणी!", हे वदला जगन्नियंता
उपभोग्य 'मान' माझा, वदतात रोज नजरा..
आमची प्रेरणा 'ठेव दरवाजा खुला...' ही भूषण कटककर यांची सुंदर गजल! ;)
जाहले आहे कठिण, मी भेटणे म्हणजे तुला
बेरकी बापुस कधीचा शोधतो आहे मुला!
मी सदा वाईट ठरतो, चांगला ठरतो कधी?
बंधुराजे गाठ पडता, ठणकतो माझा कुला
दूरदर्शन व्हायचे मज तेवढी होती मुभा
हलवताना हात दिसली दूरच्या कोणा मुला
रोजचा हा सीन, देते पोरगी हुलकावणी
मारते फाट्यावरी पण मारते तोवर डुला!
छापकाटा चालला आहे नशीबाचा असा
वाट का मी बघत राही रातचा लकडी पुला!
श्रद्धा, भक्ती, आत्मीयता, विश्वासाचा अर्थ काय?
जिथे माथा टेकवावा, तिथे मातीचेच पाय!
मंदिराची शोभा न्यारी, मूर्ती मात्र भंगलेली
वैभवाची ऐट हंड्या-झुंबरात टांगलेली
देवाच्याच दारी होई देवाचाच निरुपाय
मांगल्याची, पावित्र्याची चंद्रभागा का आटली?
सुकला स्तब्ध अश्वत्थ, इंद्रायणीही गोठली
पापभार सांभाळून झिजले देवाचे पाय
कशी, किती जोजवावी माया ममतेची नाती?
त्याग राहिला गहाण लालची स्वार्थाच्या हाती
कधी देव, कधी दैव, सारे थकले उपाय!
मित्रांनो.... आत्ता पर्यन्त तुम्ही माझ्या ' प्रेम कविता ' वाचल्यात... त्यांना खुप छान प्रतिसाद दिलात....
आता मी ... ही भक्तिरचना... तुमच्या पुढे सादर करित आहे.....
|| श्री गजानन महाराज ||
गजानन नाम... ज्याच्या मुखातुन... [२]
चित्ती समाधान.... लाभतसे.... [२]
गजानन नाम .... || धृ. ||
शेगावी प्रगट्ला.. उद्धारण्या जगा
प्रेमरुप झाला... भक्तांसाठी...
मनोभावे, मुखी घ्यावे.. [२] गणी गणात बोतें..
गजानन नाम .... || १ ||
दुर का रे असतो
दुर कारे असतो सखया जवळी ये ना तू || ध्रु ||
दुर कारे असतो सखया जवळी ये ना तू || ध्रु ||
कशाला?
नि:शब्द भावनांचे इमले फुका कशाला?
नसतेच अमृताची गोडी कधी विषाला
या भाबड्या जिवाला केलेस तू निराश
ऐश्वर्य अन् सुखाची सुरई तुझ्या उषाला !
जाणून घेतले कां कधी सांग प्रेम माझे?
नांदीशिवाय सांग , ही सांगता कशाला?
काळीज पत्थराचे , चेहेरा जरी झकास
बेशर्म त्या जिवाचा शृंगार हा कशाला?
हृदयांत कंडलेल्या भावनांचा निखारा
फुकतोय येथ आता , राखेमधे कशाला?
कधी वाचशील का गं , तू आर्त ही कहाणी?
शब्दांत गुंफलेल्या कविता इथे कशाला?
जे एकदांच मरती , त्यांच्या परी उदास
मी सारखाच मरतो , अश्रू मला कशाला?
जीवन म्हणजे झुळझुळणारा
खळखळणारा झरा
जीवन म्हणजे मोर नाचरा
फुलवून पंखपिसारा
जीवन म्हणजे मंजुळ मंजुळ
ऐकवं कोकीळ गाण
जीवन तसं असतं सोप्प
काहीच नाही कठीण..
जीवन म्हणजे हिरव्या हिरव्या
पानांची हो सळसळ
जीवन म्हणजे शितल शितल
वा-याची हो झुळझुळ
चैत्रबनात येउन घाली
नवथर सृष्टीला शीळ
जीवन म्हणजे मोकळ्या आकाशी
सांडल ट्प्पोर चांदणं
जीवन तसं असतं सोप्प
काहीच नाही कठीण
पाषाणभेदाची चांदरात वाचून आम्हाला आमचा 'चांद' आणि रात आठवली! ;)
उरल्या केसांतुन फिरवतो हात || ध्रु ||
उरल्या केसांतुन फिरवतो हात || ध्रु ||
उरल्या केसांतुन फिरवतो हात || ध्रु ||
माझ्याच सोबत्याची ,
अंत्ययात्रा हो निघाली ,
सण्डे होता म्हणुनी ,
मी ही अटेण्ड केली .
दूरुनच जरा घेतले ,
दर्शन पार्थिवाचे ,
उपचार जरासे केले ,
अंत्ययात्रेत चालण्याचे .
दुरुन उपचार सारे ,
मग आंघोळ तरी कशाला..?
मी करुनी विचार ऐसा ,
बाजार सण्डेचा केला .
सारे असेच होते ,
जे भेटले तिथेही ,
हायसे वाटले मलाही
कि त्यांच्यातलाच मी ही
चांदरात
हळुवार केसांतुन फिरव तू हात || ध्रु ||
हळुवार केसांतुन फिरव तू हात || ध्रु ||
हळुवार केसांतुन फिरव तू हात || ध्रु ||
मिसळपाव