कविता — मिसळपाववरील मराठी कवितांचा विशाल संग्रह. प्रेम, निसर्ग, समाज, विरह आणि जीवनानुभव यांवरच्या हजारो मराठी कविता, गझल, मुक्तक आणि चारोळ्या येथे वाचा व आपली कविताही प्रकाशित करा.
मी आहे
मी आहे एक सट्टा
पाच हजार कोटींचा
(सगळे खेळाडू नि बुकी मिळून)
मी आहे एक कमांडो स्क्वाड
काही डझनांचा
(पोलीस बिलिस चिल्लर सोडून )
मी आहे एक खेळ
बावीस जणांचा
(बदनाम झालो युद्ध युद्ध म्हणून)
मी आहे एक झिंग
मी आहे शिव्यांचा पाऊस
मी आहे टाळ्यांचा कडकडाट
मी आहे एक ईर्षा
मी आहे चढलेला त्वेष
मी आहे दडपलेला द्वेष
मी आहे एक भोळसट प्रार्थना
मी आहे एक करोडोंची संधी
मी आहे एक जिंकल्यावर मारलेली आरोळी
मी आहे एक हरल्यावर केलेली आत्महत्या
मी आहे एक दिवस
काल आणि आजसारखाच.
साखळीतल्या कुत्र्यावर -
ते खूपच माया करती ;
' माया ' नसल्या नात्यावरती
ते का डाफरती ?
त्यांच्या भ्रष्ट संपत्तीची
उधळण होते सगळीकडे !
माझी नजर मात्र वळते -
माझ्या गळक्या खिशाकडे ?
रस्त्यावरून जाताना ,
एक भिकारी दिसतो ;
उपहासाने माझ्याकडेच
पाहून का हसतो ?
धडपड माझी चालू आहे -
पतंग उडवण्यासाठी !
दोर राहू द्या - रीळहि साधे
नाही , सध्या हाती !
एकेकटा 'मी ' रस्त्यामध्ये
गर्दी करीत असतो !
गर्दीच्या खिजगणतीमध्ये
कुठेच 'मी ' का नसतो ?
माझ्या मुलाची एक मैत्रीण आहे खास, एका कामवाल्या बाईची गरिबाघरची पोर आहे ... दोघांचे छान जुळते .
मला नेहमी वाटायचे कि काय बोलत असतील हे एकमेकांशी ? ह्या कविते मधून ते काहीसे मांडायचा प्रयत्न ....
gas वरील मऊ मऊ तूप पोळी भरवते तुला आई ...
माझ्या मात्र नाकातोंडात सतत चुलीचा धुआ
एका मुलाची काय भलतीच मज्जा आहे बुआ ....
झोपतोस तू शांतपणे लाऊन गुड नाईट कि काय
आम्ही मात्र पुरवतो महिनाभर तुकड्या तुकड्याने कछुआ
एका मुलाची काय भलतीच मज्जा आहे बुआ ....
कधी सरणार ही सांज कधी निजणार मन आज
मंद सुलगते आहे ओल्या धुराखालची आग
वाहते आहे भरुन इतुके
मनी झरेच झाले आज
पाउल पुढे पडतांना
दिशा गुंतत आहेत आज
धुकेच धुके आहे समोर
न दिसते आहे काही आज
अशी हरविले आहे मी
न ओळखे आज मज कुठली वाट
न मावे पदरात माझ्या आज
एकटीच वाढे हि अंधारी रात्र
सरकते आठवणींचे थेंब अलगद
काजळ पुसते मी पसरते आज
कधी सरणार ही सांज कधी निजणार मन आज
मंद सुलगते आहे ओल्या धुराखालची आग
श्वास श्वासात...
कोण कोणात...
जीवनाची धावाधाव !!
भासांचाच भास...
मनाची आरास...
पायांचा भ्रमन नाच
घातावर मात...
लढणारी पात...
मरणावर जीवन सरशी
अंतरीचा नाद...
ह्रदयाची साद...
घे आयुष्याची गिरकी !!
-- शब्दमेघ
मी स्वार्थी
हो मी स्वार्थी
करतो फक्त
तेजाची आरती
देश माझा
मी नाही देशाचा
ना मी माझ्या
पेशाचा
मी शिख, मी हिंदू
मी पारशी
झाले सगळेच
स्वार्थी
तो आयुष्य अगदी साधेपणे जगत गेला
उगाच खर्च नको म्हणून नुसता काटकसरीने जगला
स्वताच्या पोटाला चिमटा घेत ह्याचे त्याचे करीत गेलां
मध्यम वर्गातला असा शिक्का स्वताच मारून घेतला
शेव-पुरी पाणी पुरी घरीच करून खायचे
काटकसर करून करून आयुष्य जगायचे
लग्न झाले बायको पण साधी सुधी मिळाली
हनिमूनला न जाता घरीच गात बसली
डोहाळे डोहाळे लागले फक्त चिंचा खाण्याचे
स्वप्न त्याना कधी पडायचे एकादशीचे
खरे म्हणजे बर्यापैकी पगार होता त्याचा
पगार झाला म्हणजे घरी पेढे आणायचा
देवापुढे ठेऊन घरी प्रसाद वाटायचा
कधीतरी चार आण्याचा गजरा आणायचा
का असा लोपला हा चंद्र मेघडंबरी
का शांत झाल्या अवखळ लाटा किनारी
कुठे मंद पवन हळू गुप्त झाला
का फुले पानाशी धरतात हा अबोला?
दूर देऊळाची समाधी जणु लागलेली
तिची शांतता पसरली ही आसमंती
की भाकीतसे ह्या नीरव नीरव वेळी
कालमानाचे गणित ते चंद्र्मौळी!
मन माझे जणू एक फुलपाखरूच होते..,
असंख्य फुलांमधुनी..ते आपला मार्ग काढीतं होते ।
इतक्यात त्यातले एकच फ़ूल का.. त्यास इतके आवडिले,
की त्या फुलावरी जाउनी मग ते.. विराजमान झाले ।
घेता गंध चाखता मध.. त्यास ते अपुलेसे वाटिले,
आता विसावे इथेच आपण.. हे स्वप्न त्याने पाहिले ।
इतक्यात कुणीतरी येउनी फ़ूल ते.. तोडूनिया नेले,
विसाविले पाखरू क्षणी त्या.. धरतीवर पडले ।
खाली पडता असे अचानक.. स्वप्न सारेते मोडूनी गेले,
भान येता मग कळले त्यास.. फ़ूल आपुलेते कधीच नव्हते ।
शत्रु समोरून थेट वार करुन गेला -
मित्र मिठित पाठीवर वार करुन गेला !
मैफिलीत हास्यरंग उधळण्यास आला
सुतकी चेहऱ्यांस नमस्कार करुन गेला !
सुखाचाच शोध घेत रडत जन्म झाला -
तिरडीवर मात्र आज छान हसुन गेला !
पौर्णिमेस गोल चंद्र पाहण्या विसरला ,
अवसेला काजवाच चकित करुन गेला !
भ्रष्टांचा देवळात सुळसुळाट झाला
सचोटिचा देव तिथुन कधिच पळुन गेला !
मिसळपाव