शत्रु समोरून थेट वार करुन गेला -
शत्रु समोरून थेट वार करुन गेला -
मित्र मिठित पाठीवर वार करुन गेला !
मैफिलीत हास्यरंग उधळण्यास आला
सुतकी चेहऱ्यांस नमस्कार करुन गेला !
सुखाचाच शोध घेत रडत जन्म झाला -
तिरडीवर मात्र आज छान हसुन गेला !
पौर्णिमेस गोल चंद्र पाहण्या विसरला ,
अवसेला काजवाच चकित करुन गेला !
भ्रष्टांचा देवळात सुळसुळाट झाला
सचोटिचा देव तिथुन कधिच पळुन गेला !
वर्गीकरण
छान कविता आहे.
In reply to छान कविता आहे. by वेताळ
मला पण!
व्वा
चान चान !
छान
कविता आवडली...