बघत आभाळा कडे गेल्या निघून प्रहर किती
आले किती गेले किती मनी माझ्या भाव किती
मोजलेच कुणी श्वास मिळाले कुणास किती
घेतले जितुके मिळाले, सोडले कुणास ठाउक किती
स्वप्नांच्या प्रवासात काढले का डोळ्यांचे कुणी तिकिट कधी
गेले किती, भिजले किती, परतले किती, विसरले किती
वाटांनी मोजले का कधी अंतर पार केले किती
थांबले किती, आले किती, गेले किती, न परतले किती
कुणाची लागली चाहुल, लागली झोप कुणास किती
जागले कोण, झोपले कोण, प्रश्न आहेत अनुत्तरित किती
प्रेम झाले, राग आले, क्लेश झाले, द्वेश झाले किती
झुकले मन किती, वाकले मन किती, तुटले किती, जुडले किती
