कविता

लांबचे येते दिसून जवळ अधिक
आहोत त्यात जणु आपण कधी
थ्री डि ची आहे जादु कसली
दुरुनच साधता येते जवळीक

पहावे उतरुन तिच्यात कधी
जाणावे तिचे मन माझ्यासाठी
करावे हे रोमांच कधी तरी
वापरून चश्मा हा अतरंगी

डोळेच का नाही दिले बप्पानं थ्री डी
असे वाटते कधी कधी
अन कधी वाटते कि बरेच झाले
आपले तर आपलेच
दुक्ख इतरांचे झाले असते किती

थ्री डि असावे फक्त एक चयन
विरंगुळा म्हणून कधी तरी
कळावे मन इतरांचे मला खरे
अन माझे त्यांना कधी तरी

3

आता आंब्याचा सीज़न सुरु होईल. म्हणुनच हे ख़ास हे आंब्याच गाण आज लिहित आहे. हे मला माझ्या आजीच्या वहीतून मिळाल. आणि वाटल हे तुम्हाला सांगाव.

आंब्याच गाणं..

प्रियकरामागून जातेस
नीऑन रंगांच्या दरवाज्यातून
बेदरकारपणे -
होतेस स्वार - गार वार्‍यावर,
मागे उडणारी रंगीत वस्त्रे
सावरण्याची शुद्ध नाही तुला
कोणी बघितले, तरी तुला काय त्याचे?
*
एकटीच असतेस
पांढर्‍या गजांच्या खिडकीसमोर
निर्विकारपणे -
शहारतेस - गार वार्‍याने,
पारदर्शक वस्त्रांतून काटकुळे अंग
दिसू नये याची शुद्ध नाही तुला
कोणी बघितले, तरी तुला काय त्याचे?
*

आठवणी असतात मनात दडलेल्या
येतात अचानक
नकळत मनाच्या काठावर
अलगद पावलांनी
नि येतात समोर
अनाहुतपणे.....

आठवणी कधीकधी भासाच्या
कधीकधी त्रासाच्या
मनात रुजलेल्या
पिंपळाच्या झाडासारख्या खोल पसरलेल्या
घट्ट खोल मुळांच्या

काही आठवणी नाजूक
प्रेमाच्या
अलगद मोरपिसी आठवणीच्या
अल्लड पाउस नि
तिच्या सोबत चिंब चिंब भीजल्याच्या
गरमागरम चहाच्या

आठवणी नाही होत कधी शिळ्या
नाही उडत त्याचा रंग
त्या असतात रंगीत
आंबट चिंबट
मस्त चवीच्या …!

कुठे गेली सगळी माणसे
नाहिच कसे कुणी मज दिसेना?

तो पान वाला पण दिसत नाहिये आज
ज्याच्या दुकाना च्या बाहेर उभे राहुन
विविध आकॄत्यांमधे ...धुर उडायचे
ओठांचे चंबु मग शुन्यात बसायचे

बाजार ही रिकामेच दिसते आहे आज
कुणास ठाउक का?
न ते आवाज न ते गोंगाट
सगळे संपले कि..विकले गेले आज?

तिथं त्या कडु-लिंबाच्या बाजुला
असायचा एक -बस-थांबा
तो ही दिसत नाहिये मला
प्रवासी गेले आहेत निघुन
कि संपले आहे प्रवास?

डोंबारीच दिसत आहेत फक्त आज
ओसाड रस्त्यांवर मला
तोल सांभाळतांना हसत आहेत
का त्या दोरी चीच आहे कास?

पुन्हा पुन्हा तू येतोस
तुझा मीट्ट अंधार,
गडद काळोख घेउन
पुन्हा पुन्हा ते पाशवी,
ऋद्र, आक्राळ -विक्राळ विद्रुप क्षण होऊन
पुन्हा मी लढते, जीव तोडुन
सत्याची अखंड तेवणारी ज्योत घेऊन,
स्वत:तील सत्व जपत
तू घोंघावत येतोस सुनामी सारखा
आपल्या आक्राळ विक्राळ, विद्रुप विनाशकारी लाटेत
मला संपवून टाकायला
पण मी जिवाच्या आकांताने लढते
स्वत:च्या आत्म्यात तेवणा-या सत्याच्या ज्योतीच्या आधाराने
लढते लढते लढते
त्या आक्राळ विक्राळ विनाशकारी सुनामीला
पुन्हा एकदा परतवून लावते
माझा मेंदु पुन्हा थोडा मरतो
पण मी जिवंत रहाते

आयुष्याची दोरी

यावे तरी तु का समोर
जवळ मज नसतांना
तहानले मन माझे
नयन हे भिजतांना

अजुनच कमी होते अंतर
तु लांब जातांना
आठवेस तु अधिकच
मी तुज विसरतांना

शब्द अबोल करणारे
वियोगात मी लिहितांना
कंठी दाटून येतात
ह्रदयातुनी उतरतांना

का असावी अशी ही वेदना
न दिसे कुणास दुखतांना
श्वासही करते परके मला
तु जवळ नसतांना!

माउली

अपरिचित बंधुत्व त्या दोघांचे
अनाकलनीय खेळ त्या नियतीचे
अपरंपार हाल मात्र त्या माउलीचे
भय दाटे हृदयी त्या अंतिम युद्धाचे

ते दोघे आज सामोरे ठाकले
मातेचे काळीज विद्ध जाहले
एकाच हृदयीचे दोन ठोके 'चुकले'
अन् जन्माचे वैरी जाहले

एक अंश त्या अविनाशी तेजाचा
दुजा तो प्राणसखा त्या मनमोहनाचा
सुदैवी मातेवर कैसा फेरा हा दुर्दैवाचा
आपल्याच पिल्लांमध्ये डावे-उजवे करण्याचा

तेज:पुंज कवचकुंडलांचा धनी तो
सदा सोसतो अपमानांचे आघात तो
कौन्तेय असूनही जगाला राधेय तो
राधेच्या सौभाग्याचा कुंतीला हेवा वाटतो