कविता

सखे...
मी होतो एक वादळ भरकटलेलं कुठेतरी.
भरुन घेतेस त्याला ..शिडातल्या वार्यासारखे..तु तुझ्या पदरी.
तुच दिशा होतेस..होतेस प्रेरणा मार्गावरच्या काटेरी.
मी ही निघतो मग वाळवंटी फुलवित बागा.
तारा सुध्दा मला बघुनि ठरवु लागतो त्याची जागा.

नमस्कार मंडळी,

ही आमची प्रेरणा misalpav.com/node/20935 अन ही आमची प्रतिभा (इथं आमची आदरार्थी नसुन अनेकवचनी आहे )

अवलीच छंद आहे, स्वप्नाकडे पहाणे..
स्वप्नास बाप आहे, घनदाटशा मिशांचा..

रुतले उरी नि पार्श्वी, ते रात्री मार खाणे.
झाला सराव आता, बांबूस सारण्याचा..

स्वप्नास रोग आहे, झोपेत चालण्याचा..
बापास शाप आहे, रात्रीस जागण्याचा..

गेल्या कितीक रात्री, उलटून जागताना.
झाला सराव आता, झोपेस टाळण्याचा..

त्या बापसास वाटे, तो यार मीच आहे.
स्वप्नास धाक देतो, आवशीस सांगण्याचा..

आत्ताच आपल्या गुर्जींनी म्हणजेच अतृप्त आत्म्यांनी एका प्रतिसादात त्यांना सुरेश भटांच्या 'एल्गार'ची आठवण आली म्हणून सांगितले आणि आमच्याही मनात त्यासरशी त्यांची आठवण ताजी झाली.
s.y ला असताना सुरेश भटांच्या गजला आमच्या अभ्यासक्रमात होत्या. खरं तर त्या वेळीच आमची आणि सुरेशभटांच्या गझलांची खरी ओळख झाली म्हणायची. त्यांच्या प्रत्येक गझलेमध्ये जणू एकप्रकारचा जादूच होता. आजही ती गझल वाचताना किंवा ऐकताना त्यातील श्ब्द न् शब्द मनाच्या खोल गाभार्‍यात कुठेतरी चर्रर्र करुन जातो. त्यातीलच गुगलमध्ये सापडलेली ही एक गझल=>

ओघळ पिकल्या पानांचे; सुकले देठ जरी
अंकूर अजूनहि ओले; खोडात चिमुकले; गाभारी
वारा,.. झाडून नेतसे हिरमुसलेले; गत वय माघारी
झुळुकेत चिन्मयी कल्प उमलवे; नवजीवन दरबारी

अंकीत कळ्या विलसती कोवळ्या वर्मावर अवतारी
गंधाने भारी नवपर्णांकित शुभ्र परांची वारी
किलबिल अवघी चौफेर; पिले पक्षिणी परतली माहेरी
किमया ही ऋतु-तारुण्यबहर-रत प्रणयआभेची सारी

यातना वेदना गळलेल्या; नत पायतळाशी; गोळा
पाहून रम्य मय वसंत-शोभा; तृप्त ऋणांकित डोळा
मजला ही भेटे अशी मनोरम रत्नजडित मधुशाळा
अवकाशाचा अन झुले अंबरी मदनमस्त मन-झोपाळा

पालखी काळाची थांबली एकदा,
बदलण्या खांदा भोईयांचा |

त्याच क्षणी माझ्या-समोर ती होती,
पेटवून ज्योती, अंतरात |

पालखी काळाची गेली निघोनिया,
ज्योत ठेवोनिया तेवतीच |

आता वाट आहे पहायाची फक्त,
'क्षणा'तून मुक्त होण्यासाठी |

-चैतन्य

अंबरात फिरुनिया उगवतो, हासरा राजस तारा
परिमळता देहातून गंधित, मोगरमोहर सारा................. || धृ ||

बालपणीचा काळ हरवला, गाव कुसाला सांगा
हिरवाईचा ऋतू परतता, फुलल्या रेशीम बागा
पूर्व दिशेला, भिजवुनि आल्या, कोवळ्या पाऊसधारा ......... || १ ||

स्वप्नांच्या गावात बोलले, बोल मनीचे कोणी
निळ्या बोलक्या.. डोळ्यांमधली, लाजलाजरी गाणी
छेडुनि गे_ला, केस मोकळे, कुठुनी रानचा वारा ..............|| २ ||

काचेच्या पानात अडकली, किरणे रंगीत बाई
तेजाच्या स्पर्शाने फुलली , आंधळी यौवनघाई
विश्वाच्या गर्भाशी घुमला, चैतन्याचा नारा ......................|| ३ ||