कविता

अंतरंग पावसाच गाणं मातीच न्हाणं माझ समुद्र होण अंतरंगी ओला पक्षी हिरवी नक्षी मी एक साक्षी अंतरंगी चींब सर ओली थरथर अधिर हे अधर अंतरंगी उठे उधाण नुरे देहभान मन हे तुफान अंतरंगी झाकल्या खुणा उघड्या पुन्हा घडे काय गुन्हा? अंतरंगी जयपाल ७/७/२०१०

काय बोलणे, उगा रहाणे, गोंधळ चाले, शांत पहाणे ... उगा कसे मी अवचित काढू , बोलायाचे नवे बहाणे ? ओळख माझी मला पटेना, मी पणाचा अंत मिळेना .. तुजसाठी मी कुठून आणू , नवे सूर अन नवे तराणे ? वर वर सारे हसरे दिसती , काटे झेलून फुले दाविती, कोणा ठाउक कुठे ठेविती, कोम्ब व्यथांचे जुने पुराणे ? - सागर लहरी ०९-०६-२०१०

माते अंबे भवानी नमितो जिजा-बाई :- माता महान कितीही झाल्या संसारी | दिव्य चरित्र परी तुझे त्या तुलना नाही | माते अंबे भवानी नमितो जिजा बाई | पुनश्च शिव भारत घडण्या उद्धारा येई || भ्रमली रयत हि सारी भुलली अभिमाना | भ्याले जन-पती सारे पहावया रणा | स्वार्थी मदांध होऊन भुलले शिव राणा | माते तुजवाचून आता स्मरावे कोणा || जन हे समस्त वानिती शिवबा परतावा | छाये वाचून तुझिया तो कैसा व्हावा ? हिंदू अनन्य शरण त्या उद्धार द्यावा | धर्म-शक्ती-सागर शिवबा पुन्हा निर्मावा || -- सागर लहरी ०६-०७-२०१०

मी मराठी वरच्या "गाण्याच्या-यशामधले-संगीत-संयोजकाचे-योगदान" या धाग्यावरून मला खालील गाणे करता आले. ( हे गीत येथे देतांना त्याची लिंक संकेतस्थळ अ‍ॅक्सेस होत नसल्याने देवू शकत नाही.

देवा ढळो नेदी | माझी चित्त वृत्ती | सदा पाहो दिठी | रूप तुझे || कष्टी हा संसार | व्यथाही अपार | तरावया पार | हात दे गा || कर्तव्य स्मरून | राखावे ते धन | परी अंत: करण| तुज पाशी || कटू बोल घेता | स्थिर ठेवी चित्ता | तव नाम घेता | शांत करी || देवा तुझे चरणी | आलो सर्व हरोनी | मज दया करोनी | सांभाळावे || - सागर लहरी २५.६.२०१०

परवा सहज एक जुना मित्र भेटला .. गर्क स्वत:शी... पहात हसत राहिला जुने जुने.. सुने काही.. धुळी मधे गिरवत राहीला .. बरेच बोललो बसून दोघे .. बोललो दोघे स्वत:शी ... वाट पुढे धावणारी पुन्हा जुन्या वळणाशी .. हळवे शांत डोळे त्याचे .. वेडेपणाची झाक जराशी ... धुळी मधले नाव पाहून... मीही हसलो स्वत:शी... मीही हसलो स्वत:शी...