चला लवकर यारे सारे मराठीची गुढी उंच उभारू नववर्षाचा सण हा पहिला आनंदाने साजरा करू ||धृ|| चला एक मोठी काठी आणू शालू बांधून तिला आपण सजवू हारकडे अन फुलमाळा हारकडे अन फुलमाळा बांधून वर एखादा लोटा घट्ट बसवू नववर्षाचा सण हा पहिला आनंदाने साजरा करू ||१|| पाडव्याच्या शुभमुहुर्ती मंगल कार्य सुरू हो करती दारी तोरण अंब्याचे दारी तोरण अंब्याचे लावून अंगणी मंगल सडा चला शिंपडू नववर्षाचा सण हा पहिला आनंदाने साजरा करू ||२|| उत्साहाचा वारा आता वाहू लागला फाल्गून गेला चैत्र महिना सुरू झाला पानाफुलांनी पानाफुलांनी सजली धरती निसर्गाला वंदन चला करू नववर्षाचा सण हा पहिला आनंदाने साजरा करू ||३|| - पाषाणभेद (दगडफोड्या) ०४/०४/२०११ (गुढीपाडवा)