कविता

उघड्या घराचे कोंदट श्वास
आता जाहलेत मोकळे
लख्ख डोळ्यानी, निरख वाटा
दिशा दाखवतील वादळवारे
आता घे आवरते सारे ||

प्रत्येक जगण्याने साथ सोडली
गवाक्षी उरलेत पक्ष्यांचे थवे
किती डोळ्यांच्या वाटा करशील
का वाहतोस आठवांचे भारे
आता घे आवरते सारे ||

जनापवाद कुणा न टळला
का बंद करतोस कवाडे ?
मान मनाचे सामर्थ्य तुझीया
अंधारातच तेवतात तारे
आता घे आवरते सारे ||

वाहत्या आसवांनी कुणी का परतते ?
सोडूनी वर्तमानास भविष्य येते
कुरवाळुनी अवमानीत भुतकाळाला
कुणी असे जगतात का रे ?
आता घे आवरते सारे ||

तू माझ्या mobileवर call करायचीस ,
मध्य -रात्री माझं प्रेम मागायचीस
तू माझ्या mobileवर call करायचीस ,
मध्य -रात्री माझं प्रेम मागायचीस

माझा mobile जेव्हा vibrate ह्यायचा ,
अर्थ त्याचा फक्त एकच असायचा
तुझा देह माझं प्रेम मागायचं
आवाजही मझा देहाला तुझ्या शांत करायचा

जेव्हापासून शहर तुझ मी सोडलं ,
तू बरंच नावलौकीक मिळवलं
सर्वांना माहितेय , तू मला रिकामं सोडलं
प्रिये ,जिंदगीला माझ्या तू वाळवांट केलं

( काही वर्षांपूर्वी लिहिलेली आहे ... आत्ता आठवली )

पत्रं लिहिण्यास कारण कि ...

आजची सकाळ खूप छान होती
कसलीच मला घाई नव्हती
घड्याळाचा बंद करून गजर
ठरवले लवकर उठायचेच नाही |

रोजची धावपळ , गोंधळ गडबड
ऑफिसची वेळ गाठायची धडपड
त्यातच सतत वाजणारा फोन
माझ्यासाठी अजिबात नसते सवड |

संध्याकाळची ही न्यारी तऱ्हा
सगळेच प्लान्स - तीन - तेरा
अर्जंट मिटींग , कॉन्फरन्स, कॉल्स
संपता संपता रात्रीचे बारा |

आज मात्रं तसे काहीच नाही
कारण तुझी ती अमेरिकावारी ..
स्वैपाकाला सुट्टी, शाळेला बुट्टी
आनंदी आनंद - घरी अन दारी |

सगळं सगळं ओरबडुन घेऊन
रात्र कणाकणाने वाढते
जोश, उर्मी......नष्ट करून !

चूरगळलेले भडक ओठ
आक्रसलेला पावडरच्या पुटांचा
चेहरा... ओळख नसलेला...निनावी....
परतीच्या वाटेला लागतो
परतण्यासाठी

मेलेल्या शरीराला वेसण घालून
मन ओढत नेते
जगण्याच्या शर्यतीतील भाग म्हणून !
गुरकावलेल्या अंडील पाड्यानी
कुस्करलेले शरीर प्रेताप्रमाणे
चालायला लागते......

लाल दिवेही शरमेने काळे पडतात
आधीच काळी असलेली निर्लज्ज रात्र
भेसूर हसते
रोजची मरणे बघून.....

माझी तुझ्यासोबतची फ़ॆंटसी
एकदम  साधी आहे…..

एक पावसाळी दिवस….
एक भिजलेला रस्ता….
एक एकली छत्री…….
त्यात मला बिलगलेली तु
अन तुझ्यासोबत शहारणारा मी………

एक गुलाबी थंडी….
एक धुक्याची चादर….
एक उबदार मिठी….
त्यात मला गवसलेली तु
अन तुझ्यामध्ये हरवलेला मी………

मराठी मधील सर्वोत्कृष्ट पुस्तकांची निवड करण्याचे प्रयत्न मागच्या काळात म.टा. आकाशवाणी, आंतर्नाद मासिक अशा माध्य्मातून केले गेल्याचे पाहण्यात होते तसे मराठीतील (अतीदीर्घ काव्ये सोडून) कवितांची अशी या पुर्वी कुणी निवड केली असल्यास माहिती वाचण्यास नक्कीच आवडेल.

अर्थात या धागा लेखाचा मुख्य विषय मराठीमधील आणि/अथवा मिपावरील तुम्हाला आवडलेल्या सर्वोत्कृष्ट कविता कोणत्या ? सर्वोत्कृष्ट १००/५०/१०/५/१ साठी तुम्ही कोणत्या कविता निवडाल ? आपण निवडलेली कविता आपल्याला उत्कृष्ट का वाटते ? (कृपया शक्यतोवर स्वतःच्या कवितेची स्वतः नोंद करु नये हे.वे.सां.न.ल. :))

खडकात काही मोहवणारं ?
कदापि नाही
खडकात काही लूभावणारं ?
मूळीच नाही

खडक राकट
काळा कभिन्न
काष्ठ कठोर

पण खडकातलं पाणी
असतं गोड
खडकातलं पाणी
असतं कायम

काही माणसं अशीच
असतात खडकासारखी

****************************
मिसळपाव वर माझी ही पहिली कविता.
म्हणूनंच, सुरुवात गणरायाच्या स्तवनाने.
गजाननाचे वंदन, गजाननाला अर्पण!
****************************

गजाननाचे वंदन गाऊ|
रोज आधी हो त्यालाच पाहू||

हाच देवसे कला-बुद्धीचा,
हाच कांत प्रिय रिध्दी-सिद्धीचा,
आशीष हा साफल्य, वृद्धीचा,
कृपा निरंतर मागत राहू|
गजाननाचे वंदन गाऊ||१||

दुर्वांकुर नीरज जासवंद,
केवड्याचा ये मंद सुगंध,
मोदकाचा ही पुरवू छंद,
शुभ्र कपाळी चंदन लाऊ|
गजाननाचे वंदन गाऊ||२||

ताजे ताजे गाजर हि आवाज ऐकली आणि दरवाजा उघडून बाहेर आलो. लाल सुर्ख कोवळे गाजरे पाहून तोंडाला पाणी आले. तेवढ्यात सौ. हि बाहेर आली. मी म्हणालो गाजरचा हलवा खाण्याची इच्छा होते आहे. गाजर घेते का? (आ बैल मुझे मार, यालाच म्हणतात). आमची सौ. तशी सौदेबाजीत खरोखरच पटाईत आहे. ३० रुपये किलो वाले गाजरे, १०० रुपयात ५ किलो घेतले. गाजरे धुऊन माझ्या पुढ्यात ठेवली. हलवा खायचा असेल तर गाजरे किसावी लागतील. जिभेचा स्वाद माणसा करून काय काय करवून घेतो, निमूटपणे गाजर किसायला घेतली......

नदीवाकल्या पाउसचिंब झाडाला
वा-याने ढुशी द्यावी अन
सारे तुषार पाण्यावर झंकारून
तरंग उमटावे
तसं काहीसं आठवणींच असतं,
कुणीतरी समोरून जातं
मग सारी आठवणींची वर्तुळं
आयुष्य व्यापून टाकतात.

सतत स्वप्नात दिसणारं
कुणीतरी समोर दिसतं अवचित
तसं ते तिथच असतं
मग जाणवतं अरे हे तर तेच !
मग पानगळाल्या हिवाळ्यातल्या
झाडावर साठलेल्या दवांसारखं
उन्हात चमचमून
सारं प्रकाशोत्सवासारखं होतं.