मिसळपाव
श्रीगणेश
देव
देव म्हणजे हवा, नाही अगरबत्तीचा सुगंध
तो अन्नात आहे, उपवासात नाही.
देव दानशूर मोठा, लाचार नाही
न्यायी आहे देव, नवसाचा व्यापारी नाही.
देव आहे सदाचारात, अन्यायाचा शत्रू
देव मुहूर्त नाही, अनंत काळ आहे.
देवही भक्त आहे, भावाचा भुकेला
देव नाही खजिनदार-पुजारी.
देव देवळात नाही फक्त, आहे सगळीकडे
देव दाढीत नाही, शेंडीतही नाही.
जीवन देव आहे, मृत्यूही तोच
प्रचारात देव नाही, तो प्रकांड आहे.
देव म्हणजे गंभीर गोष्ट
माणूस त्याची गंमत करतो.
गुलाबजाम जणू पाकातला
हलवायाची व्याख्या करतो.
देव म्हणजे साधा माणूस
जरा अधिक जरा उणा.
देव म्हणजे तुम्ही-मी
आपल्या आईच्या नजरेतले.
काव्यरस
उंटावरल्या प्रा.डॉ. दा.ता.
प्रा.= प्राध्यापक डॉ. = डॉक्टर
दा.= दादा ता. = ताई
उंटावरल्या प्रा.डॉ.
गीत - गँ गणपतये
॥श्री॥
गँ गण ण ण ण,गँ गण ण ण ण
गँ गण ण ण ण, गँ गणपतये
देवांमाजी, अग्रदेव तू,
त्रिवार वंदन स्विकार अमुचे॥धृ॥
हे शिव-शक्तिच्या संगमा
हे बुद्धि-युक्तिच्या अग्रजा
त्या श्रुती-स्मृतिंचा पाठक अन तू
वेदांची रे मंत्रणा !
विद्या-कला
ठायी तुझ्या
तू सर्वेश्वर तुज वंदना ॥१॥
तू श्रेष्ठ लिपीक तुजला गती
हे देवांच्या सेनापती
रविचंद्रधिनायक विश्वही तुजला
सुर्याने ओवाळती
सिद्धेश्वरा,
विघ्नेश्वरा,
हे करूणाकर , तुज मोरया ॥२॥
पदी मंजुळ घुंगुर नादतो
कटिबंध भुजंगही शोभतो
हे सुंडतुंड, गजगंड तिलंकीत
मूषक वाहन वाहतो
लंबोदरा,
मनमोहना,
तू दृष्टि राख, हीच कामना ॥३॥
गीत - कौस्तुभ
गाणे इथे ऐकत येइल
द्वादशैतानि नामानि
अगा वक्रतुण्डा, ध्यान जरा द्यावे
जनांसी करावे, थोडे सुज्ञ II १ II
अगा एकदंता, ध्वनी प्रदूषण
वाढविती जन, ऐकवेना II २ II
कृष्ण-पिंग-अक्षा, ऊर्जेची नासाडी
करिती आवडी, अज्ञ जन II ३ II
अगा गजवक्त्रा, बाजारू संगीत
पिडे दिनरात, धाव आता II ४ II
अगा लंबोदरा, वर्गणीची सक्ती
जुलूमाची भक्ती, थांबवावी II ५ II
अगा हे विकटा, साथ नवसाची
करी जनतेची, बुद्धी भ्रष्ट II ६ II
विघ्नराजेंद्रा रे -जल, भूमी, वात
सर्व प्रदूषित, कैसे झाले II ७ II
अगा धूम्रवर्णा, पर्यावरणाची
जाणीव जनांची, वाढवावी II ८ II
अगा भालचंद्रा, क्षुद्र भेदाभेद
निरर्थ वितंड, नष्ट करी II ९ II
अगा विनायका ,बुद्धीचा तू देव
भक्तांना वैभव , बुद
काव्यरस
गजाननाचे वंदन गाऊ
****************************
मिसळपाव वर माझी ही पहिली कविता.
म्हणूनंच, सुरुवात गणरायाच्या स्तवनाने.
गजाननाचे वंदन, गजाननाला अर्पण!
****************************
गजाननाचे वंदन गाऊ|
रोज आधी हो त्यालाच पाहू||
हाच देवसे कला-बुद्धीचा,
हाच कांत प्रिय रिध्दी-सिद्धीचा,
आशीष हा साफल्य, वृद्धीचा,
कृपा निरंतर मागत राहू|
गजाननाचे वंदन गाऊ||१||
दुर्वांकुर नीरज जासवंद,
केवड्याचा ये मंद सुगंध,
मोदकाचा ही पुरवू छंद,
शुभ्र कपाळी चंदन लाऊ|
गजाननाचे वंदन गाऊ||२||
कार्याच्या शुभ आरंभाला,
मिळून आळवू गणरायाला,
विसरु नित संकट विघ्नाला,
फूल भक्तीचे चरणी वाहू|
गजाननाचे वंदन गाऊ||३||
काव्यरस