शांतरस

जुना जमाना गेला आता नवा जमाना आला
शालिनता गेली सारी कुठं, दिखावूपणा राहीला ||धृ||

आईवडील मोठे करती मुलाला
आजारपणात साथ देती त्याला
शिक्षण देती गुणाचा व्हायला
म्हातारपणी मुलगा पांग फेडी
वृद्धाश्रमी धाडी म्हातार्‍या आईबापाला
जुना जमाना गेला आता नवा जमाना आला ||१||

आले गणपती माझ्या अंगणी
वाट पाहीली गेल्या वर्षापासूनी

मुकुट शिरावरी दिसे शोभुनी
भरजरी पितांबर अंगी नेसूनी
पुष्पमाला सुगंधी गळ्यात घालूनी
शुंडेसहित एकदंत राखूनी
आले गणपती माझ्या अंगणी

कमळपुष्प हाती धरूनी
दुसर्‍या हाती परशू घेवूनी
एका हाती मोदक लेवूनी
शुभ हाताने आशिष देवूनी
आले गणपती माझ्या अंगणी

वक्रतुंड हेरंब लंबोदर
विकट विनायक विघ्नेश्वर
गणेश महोदर विघ्नहर
अगणीत असली नावे घेवूनी
आले गणपती माझ्या अंगणी

नाचू या, गावू या, चला चला सारे या

शेवटचा दिवस आहे परिक्षेचा
दिवस आहे मजा करण्याचा
कोणा नका सोडू सारे सामील होवूया
कॉलेज, अभ्यास सारे काही विसरूया

कोण आता कोठे दुर जाईल
नोकरी धंदा कोण कोण पाहील
विसरू नका एकमेकां पुन्हा भेटुया
भेट घेवून पुन्हा आनंद लुटूया

कॉलेजातली मस्ती तुम्ही आठवा
मस्तीतले दिवस मनात साठवा
मैत्री आपली सर्वकाळ टिकवूया
विसरू नका काही सारे काही आठवूया

- पाषाणभेद (दगडफोड्या)
१०/०९/२०१०

पिकलं पान
झाडाला म्हणते बाय बाय
माझं आता
काय काम? ||१||

पिकलं पान
हिरवटपना जात नाही
केव्हा गळेल केव्हा गळेल?
झाडालाच चिकटून राही ||२||

पिकलं पान
झाडावरून गळून जाई
झाडाखाली पडून पडून
सडून जाई ||३||

शिंगे घासली
बाशींगे लावली
माढूळी बांधली
म्होरकी आवळली
तोडे चढविले
कासरा ओढला
घुंगुरमाळा वाजे खळाखळा हो खळाखळा
आज सण हाय बैलपोळा ||१||

गोंडे बांधले
वेसनी घातल्या
छमच्या गाठल्या
चवर ढाळली
शिक्के उठविले
गेरू फासला
घुंगुरमाळा वाजे खळाखळा हो खळाखळा
आज सण हाय बैलपोळा ||२||

आमच्या गणाला गणपती आले
वंदन करूनी मस्तक झुकले ||धृ||

रिद्धीसिद्धीचा स्वामी तू गणपती
शरण आलो आम्ही अल्पमती
कार्यारंभी दावूनी उपस्थीती
दयाबुद्धीने आम्हा पाहीले
आमच्या गणाला गणपती आले ||१||

आले आले गणपती माझ्या घरी आले
आगमनाने...त्यांच्या...
आगमनाने त्यांच्या हो...
घर माझे पवित्र झाले... ||धृ||

श्रावण सरता भाद्रपद महिना सुरू होता
शुक्ल चतुर्थीला गणपती बसता
आनंदाने...
आनंदाने...
मन भरून आले ||१||

मुर्ती सुंदर सुबक घरी आणली
मंदिर करूनी तिला सजवली
भक्तीभावाने...
भक्तीभावाने हो...
आरती ओवाळूनी गणेशा वंदीले ||२||