करुण

प्रेरणा

इवलं -इवलं ठावं रोज पाडी लेख
उत्तरं सोपी कुणा देईचिना

आपली ती तंगडी दरवेळी वरती
किती पडलो तेही आठवेना

टाकतो त्या जिलब्या, ज्ञानाचा देखावा
रेग्युलरली जिणे काही झेपेचिना

वेळेची ती त्यक्ती कामाचा कंटाळा
डेडलाईनी काही केल्या चुकेचिना

एकहार्ट पैसा काल रोब मरून
सांगतोय काय नक्की कळेचिना

अचाट अध्यात्म, पुचाट विचार
जगतो ते लिहितो कोणा पटेचिना

उपप्रतिसादी ओशट या जिलब्या
लेख झाला जुना तरी संपेचिना

प्राचीला गच्ची जोडण्याचा आमचाही एक प्रयत्नः

आठवांचे सूर,
अश्रूंचे पूर,
लागे हूरहूर,
जीवालागी..

नि:शब्द बोलणे,
हळूच ते स्मरणे,
अव्यक्त भावना,
हृदयात...

मनात तू,
स्पंदनात तू,
जीवघेण्या श्वासात तू,
ध्यानीमनी...

दिशा सांजावल्या,
गोकुळे बहरली,
परि एकलेपण,
कातरवेळी...!!

- सुधीर बागुल, मस्त कलंदर

एक नाव
जिचे मी अस्तित्व आहे
जिची मी ओळख आहे

एक नाव
जिचे मी स्वप्न आहे
जिची मी इच्छा आन्कांक्षा आहे

एक नाव
जिच्या आयुष्यातील मी एक आनंद आहे

एक नाव
जिने मला हसायला शिकवले अन रडायला शिकवले

एक नाव
जी माझ्या दु:खात बुडालेली आहे

एक नाव
जिच्या ओंजळीत आकाशही ठेंगण आहे

एक नाव
जी मला प्रत्येक संकटातून मार्ग काढून जपत आहे

एक नाव
जिने मला ह्या जगात आणल्याचे उपकार आहे

हो,
तेच एक नाव
जिचा मी प्राण आहे
फक्त आणि फक्त
" आई "

दारोळ्या
१.
प्यासा बार
मंडई समोर
बाटल्या रित्या
२.
उठला नाना
लावे समाधी
तुळशी बागेत

३.
नाच पराचा
हैदोस वाचताना
मोडते समाधी

प्रेरना स्त्रोतः https://misalpav.com/node/22407#comment-416944

तुझ्या विना ही रात्र माझी सरते काळी काळी
तुझ्या विना मी लावून आलो संसाराची होळी ||

तुझ्या विना हा अल्लड वारा रुंजी घालत नाही
तुझ्या विना या पाउसधारा रुसून गेल्या काही ||

तुझ्या विना हा कुंद मोगरा गंध सांगत नाही
तुझ्या विना या मैफलीचा रंग रंगत नाही ||

तुझ्या विना बघ उडून गेले रांगोळीचे रंग
तुझ्या विना मी करत बसतो आठवणींशी संग ||

तुझ्या विना मी शोधात आहे जगण्याची आशा
तुझ्या विना मज अवगत नाही प्रेमाची भाषा ||

तुझ्या विना हे सुटतच नाही विरहाचे कोडे
तुझ्या विना हे मन म्हणते ‘श्वास उरले थोडे’ ||

तुम्हाला आठवते
तुम्ही शेवटचे लपाछपी कधी खेळला होतात??
मला आठवतेय
हे आत्ताच काही क्षणापूर्वी चालू होती माझी लपाछपी
माझे सारे सवंगडी माझ्यावर राज्य देऊन पसार झाले
आणि मी या राज्याचा राजा
एकाकी, शोधतोय
माझे सैन्य, सेनापती, आणि हो प्रजेला देखील
.
आत्ता इथे एक सैनिक ओझरता दिसला होता मला
पण जणू काय मी इथे नाहीच असा निघून गेला
आपल्या राजाकडे न पाहताच
.
मी खूप ओरडलो, अगदी घसा खरवडून
पण विरून गेली माझी हाक
आभाळापर्यंत जाऊन परत आली
.
कोपरा नसलेल्या चौकोनी आंगणात
माझे सारे सवंगडी कुठे लपले आहेत कोण जाणे
कोणीच कसं दिसत नाही

नावच कशाला हवं एखाद्या नात्याला
ऋणानुबंध समज हवं तर.....
हिर्‍याच्या तेजासम
असणारा जिव्हाळा - त्याला
नात्याच्या नावाचं कोंदण हवच कशाला?
हिराही चमकतो की
मग तो सोन्याचांदीच्या कोंदणात
असला काय किंवा नसला काय....
अशा जिव्हाळ्याच्या हिर्‍यामधून
आशेची किरणं परिवर्तित होतात...
अन् मग रंगबेरंगी स्वप्नं आकार घेतात
स्वप्नं सत्यात उतरताना
आशेची किरणं सदोदीत साथ
देत राहतील ही कदाचित
पण नशिबाची साथ
मिळायला लागतेच की...

जीवघेणा शूल- अबोला असा का ग धरिला
ग्रीष्मजैसा पोळण्याचा, वसा का ग धरिला

मी दिला होता सखे, चन्द्र तुझिया हाती
फेकुनी पाण्यामधे, कवडसा का ग धरिला

पाहिली होती सखे तू बेवफाई माझी
श्वासातल्या जाणिवांचा, भरवसा का ग धरिला

ओलावा शोधित, फिरलीस वणवण सखे
संग ऐसा कोरडा, गरमसा का ग धरिला

मखमली पाकळ्यानी लपविले मी कफन
पदर त्याचा रेशमी, तलमसा का ग धरिला

पाऊस थांबून खरं तर बराच वेळ झाला
घराचे छत अजूनही गळतेय
टप टप टप...
---------------
तुला निरोप देऊन परतलो
तसाचं बसून आहे बराच वेळ
चंद्राने आपले साम्राज्य वाढवायला सुरवात केली
टिपूर चांदणे पसरत गेले
ते डोळ्यात उतरतांना कां कुणास ठाऊक
पण एक आवाज कानात घुमतोय
टप टप टप...
--------------
बाजुच्या खोलीतला तुझा वावर तसा अजुनही तस्साचं
बुद्धीचे मनाशी वाद सुरु झाले
एक म्हणे तु नाहीस, अन् एक तु आहेस..
खिडकीच्या काचेवर परत तोच पाऊस..
टप टप टप...
--------------
तुझा आवाज घरभर दाटून राहीलाय