मिपावरील माझे अकाऊंट, लिखाण डिलीट करायचे आहे. त्यासाठी काय करावे लागेल?

डिसक्लेमर: सदर धागा केवळ मिपावरील संपादकांसाठी आहे. इतरांनी तो वाचू नये. वाचल्यास प्रतिसाद वगैरे तर अजिबात  
देऊ नये.

मिपावरील माझे अकाऊंट तसेच लिखाण मला डिलीट करायचे आहे. त्यासाठी काय करावे लागेल?

मिपावर मी लेखन केले. त्याआधीही लेखन करतच होतो. पण मिपा, माबो, ऐसी सारखे फोरम असल्याने तेथे तेथे लिहीता  
आले. माझ्या लेखनाबाबत एक बाल सदस्य वृषभ खोंडे ज्या पद्धतीने वागला अन संपादक कोण आहे हे मिपावर कुणालाही  
माहीत नसतांना माझ्या धाग्यांची तक्रार संपादकांकडे करून ते धागे डीलीट. मला माझे म्हणणे काय किंवा मला तसे  
काहीच सांगण्यात आले नाही. इतर ठिकाणीही माझ्या प्रतिसादांवर त्याचे प्रतिसाद खोडसाळ होते. मला आता येथे  
थांबण्याची आवश्यकता वाटत नाही. 

धागे डिलीट केले त्याचे मला काही वाटत नाही. किंबहूना धागे डिलीट झाले हे मला उशीरा समजले. मला जर कुणी  
सांगितले असते की धागे डिलीट, तर मी केले असते. त्यात काही वाटायचे कारण नाही. अन मुख्य म्हणजे मी प्रतिसाद  
येण्यासाठी कधीही लेखन केले नाही. 

दुसरा आरोप त्या बाल सदस्याने केला की माझ्या लेखनाने इतरांचे "दर्जेदार" लेखन खाली जाते. याचे येथले लेखन किती,  
वाचन किती अन हा बोलतो काय? 

या संपूर्ण घटनाक्रमाचा उल्लेख मी इतर दुसर्‍या धाग्यात केला आहे. तो आपण (संपादकांनी) वाचावा.

https://www.misalpav.com/discuss/53809

दुसरे असे की मिपावर संपादक जाहीर नसतांना हा बाल सदस्य संपादकांशी कसा संपर्कात होता? 

मिपावर कोणतीही नियमावली जाहीर नाही. किती धागे, किती मोठे धागे, कोणी अन किती काढावे असा काही नियम नाही.  
कसलेही नियम नाहीत. संपर्क कुणाशी करावा याबाबत माहीती नाही. 

मी देखील फोरम्स डेव्हलप अन मेंटेन केले आहेत. केवळ द्रूपलच नाही तर इतर पद्धतीतही मी कामे केली आहेत. मला  
फोरम्स मध्ये काय काय सुविधा असतात, अपुरेपणा काय, त्या कशा, कुठे, कधी वापराव्या याचे व्यावसायीक ज्ञान आहे.  
तेव्हा मी येथल्या नियम अन सुविधांबद्दल चांगले जाणून आहे. 

असो. 

ज्या मिपावर प्रेम केले, माझे एक पुस्तक मिपाला डेडीकेट केले, येथे वावरलो तेथे आता राहणे नको. 

मला माझे खाते डिलीट करायचे आहे. ते कसे करायचे ते कृपया सांगावे ही माननिय संपादकांना विनंती आहे. 
 

शक्य झालेच तर माझे येथील सगळे लेखन डिलीट करावे/ अप्रकाशीत करावे. जसे काही मी या जगातून मेलोच आहे अशी  
कल्पना करून माझी येथली सगळी ओळख पुसून टाकावी ही विनंती. माझ्यासारख्या दर्जेदार नसलेल्याच्या जाण्याने मिपाला  
काय फरक पडणार आहे?  

या जगातून जायचे तर सगळ्यांनाच आहे. मलाही थोडी रूखरूख लागेल, पण जावे तर लागेलच. येथे असतांना जो आनंद  
मिळाला, दुनियादारी शिकायला मिळाली ती आठवणीत राहील.

मिपा चालक, मालक, संपादक अन सदस्यांचे आभार.  

कळावे,
एकेकाळचा मिपाकर,

पाषाणभेद
16/07/2026