https://www.misalpav.com/tourism/53715 -१

https://www.misalpav.com/tourism/53727 -२

नमस्कार,

बारामती तालुक्यातील उजनी धरणात गेलेले एक गांव आणि त्यातील १००० व्या शतकातील प्राचीन शिवमंदिरासाठी प्रसिद्ध असलेले पळसदेव गांव. दर वर्षी उन्हाळ्यात जेंव्हा धरणातील पाणी कमी होते, तेंव्हा हे मंदिर पाण्याच्या बाहेर येते. ते बघायला बरेच पर्यटक आणि हौशी छायाचित्रकार तेथे गर्दी करतात. बऱ्याच दिवसांपासून हे मंदिर बघण्याची आणि त्याचे छायाचित्र घेण्याची इच्छा  माझ्या मनात होती. परंतु काही  केल्या मुहूर्त सापडत नव्हता. 

आजकाल सोशल मीडियावर पर्यटनाचे, कौटुंबिक सहलीचे, मित्रांच्या मौजमजेचे फोटो/ व्हिडिओ यांचा भडीमार होत असतांना दिसतो. दैनंदिन धावपळीच्या आयुष्यामुळे येणारा मानसिक ताण सहलीमुळे  दूर होतो. निसर्गाच्या सानिध्यात किंवा नवीन ठिकाणी वेळ घालवल्याने मनाला शांतता लाभते. प्रत्यक्ष अनुभवातून शिकलेले  जास्त काळ लक्षात राहते म्हणूनच, स्वतःला रिचार्ज करण्यासाठी आणि जगाकडे बघण्याचा दृष्टिकोन बदलण्यासाठी वेळोवेळी पर्यटन सहलींचे आयोजन केले पाहिजे. नात्यांमधील गोडवा कायम राहण्यासाठी, इतिहासाची उजळणी करण्यासाठी, नवनवीन खाद्यसंस्कृती व परंपरा जाणुन घेण्यासाठी पर्यटन आवश्यक आहे.

हरिद्वार – कटरा – जैसलमेर – जोधपूर : ऋषिकेश दर्शन 

२२ जानेवारी - बुधवार
सकाळी ८ वाजता गाडी येणार होती. त्यामुळे आम्ही पहाटेच ५:३० वाजता उठलो. सर्वांना फोन करून उठवण्याची जबाबदारी पार पाडली आणि सकाळची लगबग सुरू झाली. कालच बहुतेक सामान आवरून ठेवले असल्याने तयारी पटकन झाली. थंडगार सकाळ, प्रवासाची उत्सुकता आणि आजचा भरगच्च कार्यक्रम यामुळे सगळ्यांमध्ये वेगळाच उत्साह होता. आम्ही सर्वजण ७:१५ पर्यंत तयार झालो.