कविता — मिसळपाववरील मराठी कवितांचा विशाल संग्रह. प्रेम, निसर्ग, समाज, विरह आणि जीवनानुभव यांवरच्या हजारो मराठी कविता, गझल, मुक्तक आणि चारोळ्या येथे वाचा व आपली कविताही प्रकाशित करा.
तु बोललीस ते मी ऐकले नाही
मी बोललो काही ते तू ही ऐकले नाही
जरूर नव्हतीच तेंव्हा त्याची
शब्द मुके झाले होते
हातात हात तुझा घेता
स्पर्ष भाषा उमगले होते
ती संध्याकाळ थोडी आगळीच होती
प्रकाश रंगांची सुगंधी उधळण वेगळीच होती
असतो मी एकटाच जेंव्हा
ते सारे गूज आठवते तेंव्हा
तो सोन प्रकाश धावून येतो
रंगांची ती पखरण
पुन्हा सवे घेऊन येतो
मी मोहोरतो , बावरतो
तू नाहीस म्हणून कावरा बावरा ही होतो.
मग काय अचानक जादू होते;
मला तुझ्या स्पर्षाची जाणीव होते
'हंस उडू पाही...' हे काव्य वाचून आमच्या कल्पनेचा हंस विडंबनप्रांती उडू लागला! ;)
'रंग्या'चा पहारा विडंबनी कायदे
कवी नडू पाही अवघड इरादे!
असे कसे शब्द? अर्थ कुणीकडे?
कल्पनेपल्याड झेपावती वेडे
ओळी सैरभैर, बाभळीचे काटे
धिटाईने लिही कुणी एकटे एकटे
लावले कुलुप, बंद केली दारे
असल्या कविता कशाला करा रे!
चतुरंग
मिल्याचे 'स्वप्न एखादे जणू...' वाचताना आम्हाला सत्याची जाणीव झाली! ;)
चार चौघांसारखे माझे पिणे हे चालले
चार चौघांसारखे मी चार प्याले ढोसले
स्तब्ध आहे केवढे पाणी तुझ्या ग्लासातले
बर्फ जादाचा जणू घालून आहे गोठले
टेबलाला धडकुनी पडलो कितींदा मी जरी
भंगले नाही तरी प्याले कधी हातातले
घेतली काढून त्यांनी बाटली हातातली
वाटले मी टुन्न झालो; ग्लास सारे तोडले
दोष हा माझा कसा? जर पाजले त्यांनी मला
मीच हवर्‍यासारखे प्याले 'विरोधी' ढोसले?
चंद्राचा पहारा आभाळाचे कायदे
हंस उडू पाही अवघड इरादे
अशी दरी खोल असे उंच कडे
आभाळापल्याड झेपावती झाडे
वारा सैरभैर, वेडी लाट फुटे
धिटाईने घुसे कुणी एकटे एकटे
लावले कुलुप, बंद केली दारे
आतला हुंकार तरीही थरारे
रिक्त
=========================
.
.
काही शब्द.. नुसते,
आतल्या आत उकळत राहतात..
उतूच जात नाहीत.
रटरटत्या पाण्यासारखे..
नुसती वाफ होत राहते..
साठलेल्या भावांची..
चरचरत..
शेवटचा थेंब उडून जाई पर्यंत.
पात्राला फक्त जाणवत राहत..
रिक्त होण्या आधीच..
वाफाळ रटरटणं..!
.
.
=========================
स्वाती फडणीस ..... ११-०१-२००९
यशदा
============================
.
.
ती म्हणाली..
मी समर्पित आहे..
माझ्या इच्छा.. माझे विचार.. माझ्या स्वप्नांसकट.
इतकी की आता माझी मला ही मी सापडत नाही.
.
ती म्हणाली..
मी सुखात आहे..
माझ्या इच्छा.. माझे विचार.. माझ्या स्वप्नांशिवाय.
इतकी की आता दुःख माझ्या आसपास फिरकत नाही.
.
ती म्हणाली..
मी यशदा आहे..
माझ्या इच्छा.. माझे विचार.. आणि माझ्या स्वप्नांची.
इतकी की आता अपयश माझ्या नजरेस पडतच नाही.
.
.
============================
स्वाती फडणीस ............................ १०-०१-२००९
सर्व बंध तोडून मी,
झेप घेतो आकाशात..
उरुन राहतो कोठेतरी,
तुमच्या ओझरत्या स्पर्शात;
मी स्वर आहे भैरवीचा,
कधी मल्हाराची तान..
कधी भिजरी पायवाट,
कधी रखरखणारे रान;
मी स्पर्श आहे,
मी भाव आहे..
मी तुमच्याच ओळ्खीचे,
अनोळखी नाव आहे;
जयवी यांची सुंदर कविता 'गुलाबी चांदणे' हीच ह्या विदारक सत्यामागची खरी प्रेरणा आहे! ;)
घुमा जडशीळ जाड कसा तनात तनात
कसे फुलेल चांदणे गुलाबी मनात मनात?
भासे कंपन धरणी मन कातर कातर
उरी भय थरथर, स्वप्न करी चूर चूर
कुणी बुकलले माझे आज गुपित गुपित
कसे फुलेल चांदणे गुलाबी मनात मनात?
आठवांचे मज जाळी, ऊन बेजार बेजार
त्याच्या मनात 'बसंती', मन जहर जहर
गाणे गाई मेला तिचे माझ्या कानात कानात
कसे फुलेल चांदणे गुलाबी मनात मनात?
फराजची एक लोकप्रिय गझल आहे, मेहदी हसन यांनी गायिलेली
शोला था जल बुझा हूं, हवाएं मुझे न दो
मै कबका जा चुका हूं, सदाएं मुझे न दो.
या ओळींचा स्वैर अनुवाद
अंगार होतो मी, आहे विझून गेलो
घालू नका मजला, फुंकर तुम्ही लोकहो
पैलतिरावरी त्या, मी आहे निघून गेलो
हाकारीता कशाला, आता तुम्ही लोकहो
असा केला तर तो चालू शकेल का? जाणकारांनी कृपया अभिप्राय द्यावा
'सत्य म'ला उमगले आणि फुटला भ्रमाचा फुगा
किती मिरवला आयटीचा रंगीत पण आखूड झगा
कोटीच्या कोटी उड्डाणे उगीच दाखविली जगा
सत्य कळले तेव्हा सत्य सगळ्यांना डसले बघा
रिसेशनने धरलाय सगळ्यांच्या धोतराचा सोगा
ई एम आय चे आकडे करतायत मेंदूमध्ये योगा
नशीब पेपर सेट करतयं, म्हणतयं "आता भोगा"
आऊट ऑफ सिलॅबस आहे पेपर, नशीबच देतयं दगा
आयपॉड आणि आयफोन चा 'आय'शप्पथ क्षीण झाला दंगा
पिझ्झा? अरे 'हट!', पोटापोटात घाली आता थालपीठ पिंगा
पॉलीस्यांचे पट्टे बांधून कंपन्या म्हणतायत "कुत्र्यासारखं जगा"
नुसतं हुंगायला देखील आता कुठेच शिल्लक नाही जागा
मिसळपाव