शांतरस

प्रदूषण कविता(2)- जिन्न आणि अल्लादीन

विवेकपटाईत's picture
विवेकपटाईत in जे न देखे रवी...
4 Jan 2018 - 5:24 pm


प्रदूषणचा कर खात्मा
अल्लादीनने आदेश दिला
जिन्नने तत्क्षणी
त्याचाच गळा दाबला।

टीप: अल्लादीन म्हणजे मनुष्य जाती.

जिन्नने अल्लादिनचा गळा का दाबला?

शांतरसकविता

प्रदूषण- पाऊस (१) - भूत आणि वर्तमान

विवेकपटाईत's picture
विवेकपटाईत in जे न देखे रवी...
4 Jan 2018 - 5:22 pm

सर्वांना पाश्चात्य नवीन वर्षाच्या शुभेच्छा.

(श्री सुभाष स नाईक यांची प्रेरणा घेऊन)

पाऊस

श्रावणात बरसल्या
अमृत धारा
उजळली कोख
धरती मातेची।

श्रावणात बरसल्या
तेजाबी धारा
वांझ झाली कोख
धरती मातेची।

शांतरसकविता

प्रवास

पाषाणभेद's picture
पाषाणभेद in जे न देखे रवी...
4 Jan 2018 - 3:57 am

घरी चाललो मी आज
आसावला प्रवास

भर समूद्रात टाकले होडके
किती योजने वाहलो खास

होते काही प्रयोजन अन काही उद्देश
पण तरंगण्याला न लागले सायास

स्वार्थाने जाळे टाकले जीवनी
अनूभवाचे आले मासे त्यात

जेथून आलो तेथेच चाललो
आसावला प्रवास

- पाभे

शांतरसकविता

मधुघट१

चांदणे संदीप's picture
चांदणे संदीप in जे न देखे रवी...
10 Oct 2017 - 12:12 pm

मधुघट कुणा मिळे भरलेला
शोधते जळकुंभ कुणी ।।धृ ।।

बळ कैसे
येईल अंगा
जळही दुर्मिळ भासतसे
अमृताची जरी हाव नसे
ऐकेना व्याकूळ आर्जवाला ।।१।।

लोळे कुणी
मखमालीवरी
वणवण, हाय! कुणा ललाटी
भलीबुरी, ही जगरहाटी!
कमवेना कुणी त्या गोडीला? ।।२।।

भला जाणता
दीन नेणता
कष्ट करी अमाप जरी
जैसे तैसे रहावे धरी
साखरपाणी तो प्यालेला ।।३।।

- संदीप चांदणे

कविता माझीकरुणशांतरसकलाकविता

पापणी

चांदणे संदीप's picture
चांदणे संदीप in जे न देखे रवी...
19 Aug 2017 - 10:48 am

प्रेरणा

*पापणी*

लवलवती पापणी...
अश्रूंना घेऊन लपली, मिटल्याने झाली ओली
आतल्या अंधारात तरी, पहा चमचमली
...लवलवती पापणी

थरथरती पापणी...
अश्रूंच्या लाटांनी, बेभान जराशी झाली
सोडण्या तयांना खाली, पहा तयार झाली
...थरथरती पापणी

झरझरती पापणी...
अविश्रांत असा, झरा वाहता झाली, 
पुन्हा भरण्यासाठी, वेडी, रिक्त झाली
...झरझरती पापणी

- संदीप चांदणे

मुक्त कविताशांतरसकविता

साडेपाच इंच !

माम्लेदारचा पन्खा's picture
माम्लेदारचा पन्खा in जे न देखे रवी...
9 Aug 2017 - 10:04 pm

माझं मन कायम ह्या साडेपाच इंची चौकटीत वावरणारं . . . .
आजूबाजूला काय चाललंय हे पाहूनही न पाहिल्यासारखं करणारं . . .

काही वेगळं दिसलंच तर डोळे असूनही ह्या स्मार्ट खेळण्यातूनच बघतो. . .
मग समोर खाद्यजत्रा असो की प्रेतयात्रा . . तोच निर्विकारपणा असतो !

कधीकधी मरणही टिपतो मी दुसऱ्याचं कारण असं चित्र वारंवार कुठे दिसतं ?
कासावीस होतो फक्त तेंव्हाच जेव्हा बॅटरी उतरते किंवा इंटरनेट नसतं !

जगात असूनही जगाशी परत जोडण्यासाठी जपतो मी पासवर्ड. . . . .
आपण आणि आपला अंडा "सेल", कोणी माणुसकी करता का फॉरवर्ड ?

अभय-काव्यइशाराकाहीच्या काही कविताफ्री स्टाइलमुक्त कविताशांतरसवावरकवितामुक्तकसमाजव्यक्तिचित्र

माझ्या गावाचा पाऊस..

अत्रुप्त आत्मा's picture
अत्रुप्त आत्मा in जे न देखे रवी...
27 Jun 2017 - 7:24 pm

माझ्या गावाचा पाऊस
आडंरानी आडंवनी..
https://scontent-lax3-1.xx.fbcdn.net/v/t1.0-0/cp0/e15/q65/s600x600/18922033_105872673352925_8587622378336631223_n.jpg?efg=eyJpIjoidCJ9&oh=519629344698b21dc06628f17fbe1306&oe=59D981D6
फुले अंगांगी हो त्याच्या
रूजे थेंब पानोपानी..

भावकविताशांतरसकविता

अंबरनक्षी

सांजसंध्या's picture
सांजसंध्या in जे न देखे रवी...
4 Jun 2017 - 6:08 pm

अंबरनक्षी
======

सुखाच्या जाणिवेपोटी
निद्रीस्तदामिनी झाली
नेणीवलकेर लहरता
निर्झरली शब्दमाऊली

उरले ना रितेपण रिते
आठवसाठले रांजण
डोळ्यातील आसवांनी
आता भरले गं आंगण

त्या क्षितिजरेषेवरती
झेपावला मानसपक्षी
विलंबित जलदांसाठी
उमलली ही अंबरनक्षी

ही सांज ढळण्याआधी
तेवते गाभारसमई
स्मरणातील उत्सवसंध्या
पांघरते गर्दनिळाई

- सांजसंध्या
4.6.2017

शांतरसकविता

लाल दिवा . . . . . .

माम्लेदारचा पन्खा's picture
माम्लेदारचा पन्खा in जे न देखे रवी...
29 May 2017 - 10:53 pm

होय मी लाल दिवा बोलतोय . . . . . . माझं मन आज पहिल्यांदाच मांडतोय . . . . .

मी तोच ज्याची शान आगळीच होती . . . प्रतिष्ठेची एक खूण म्हणून मजा वेगळीच होती . . .

दुतर्फा रस्ते रिकामे व्हायचे, कित्येकजण दर्शनासाठी तिष्ठायचे . . "टोल"वाटोलवी म्हणजे काय ते तर मला कधीही नाही समजायचे . . . .

गाडीवर असता विराजमान . . . पाहिले फक्त जोडलेले हात अन् झुकलेली मान . . . .

माझ्या अस्तित्वाने गाडीतले व्हायचे माजोरी . . . भरतच राहिले ते आपापली तिजोरी . . .

जनतेच्या पैशाने जनतेचेच प्रश्न सोडवायचे . . . . पैसे मिळायचे साहेबांना पण प्रश्न तसेच रहायचे . . . .

मुक्त कविताशांतरसव्यक्तिचित्रणराजकारणस्थिरचित्र

शब्द. ..

अत्रुप्त आत्मा's picture
अत्रुप्त आत्मा in जे न देखे रवी...
15 May 2017 - 9:28 pm

सगळे शब्द कधी कधी साथ सोडून निघून जातात
दूर दूर रानात एकटे पळून जातात..

मन घिरट्या घालत रहातं वटवाघळांसारखं
पटकन फांदि न मिळणाय्रा..

प्रयत्न करतो मी खूप. शब्दांना पुन्हापुन्हा माझ्या दावणीला बांधायचा.
पण ते गेले एकदा,की जातातच.
पुन्हा परत भेटेपर्यंत!

शब्दांचा हा पाठशिवणीचा खेळ.
हेच माझं अटळ प्राक्तन आहे की काय
असं वाटेपर्यंत...
ते त्याच खेळाचा भाग म्हणून मला करवंदीच्या जाळीअडून डोकावणाय्रा उनाड पोरासारखे लांबून हळूच बघायला लागतात.

मुक्त कविताशांतरसकवितामुक्तक